Carl Lewis um Bolt og Jamaíku

Nokkur umræða spratt út af ummælum Egils Helgasonar á Eyjunni um daginn um meinta dópnotkun kínverskra íþróttamanna vegna afreka þeirra í sundi á Ólympíuleikunum nú í London. Menn voru mishrifnir af þessum dylgjum sem Egill virðist hafa fengið frá einum af framámönnum bandaríska Ólympíuliðsins á leikunum og bendu á að Bandaríkjamenn sjálfir virðast "einnig" hafa sitthvað óhreint í pokahorninu.

Nú er þessi umræða aftur komin á kreik og í þetta sinn vegna afreka Bolts og Jamaíkumanna í spretthlaupunum á leikunum.
Bolt kom inn á þetta í viðtali við fréttamenn eftir sigurinn í 200 metra hlaupinu og nefndi aðdróttanir goðsagnarinnar Carls Lewis í garð sinn og landmanna sinna eftir frammistöðuna á Ólympíuleikunum fyrir fjórum árum - og sagðist ekki bera neina virðingu fyrir Lewis þrátt fyrir alla sigra hans á ÓL (9 gull).

Þetta minnir mig á framkomu Lewis í garð Kanadamannsins Ben Johnson sem ógnaði veldi Lewis í 100 metra hlaupi fyrir Ólympíumótið 1988 en Lewis ásakaði Johnson æ ofan í æ fyrir lyfjamisnotkun. Eftir sigur Johnsons á Ól 1988 kom í ljós steranotun hans, hann missti gullið og heimsmetið og Lewis fékk gullverðlaunin.

Löngu síðar kom í ljós að Lewis sjálfur hafi verið dópaður fyrir þessa sömu Ólympíuleika, ásamt fleiri Bandaríkjamönnum, en fékk samt sem áður að keppa á leikunum sem og hinir Kanarnir. Svo þegar málið var loksins upplýst árið 2003 þá urðu heldur engin viðbrögð og Lewis hefur allt til þessa fengið að halda sínum verðlaunum frá þeim leikum.

Já, það er ekki sama Jón og sr. Jón.

Einstakt afrek Usain Bolt

Viðtal við Alfreð

Hér er viðtal við Alfreð Finnbogason eftir seinni sigurleik liðs hans, Helsingborg, gegn pólsku meisturunum, m.a. um vítið sem hann lét verja frá sér!

http://hif.se/Hifplay.aspx?id=669

Alfreð fjármagnaði kaupin

Alfreð góður!

Alfreð Finnbogason er greinilega að gera góða hluti með sænska meistaraliðinu Helsingborg eftir að hann slapp frá Lokeren og Belgíu þar sem hann fékk lítið að spreyta sig (vonandi þarf hann ekki að fara þangað aftur).
Hér er umfjöllun í sænskum fjölmiðli eftir leikinn í dag (norsk-íslensk samvinna):

http://www.dn.se/sport/fotboll/helsingborg-har-god-marginal-att-ga-vidare

Alfreð lagði upp fimm og skoraði eitt

Snorri sökudólgur

Danir eru fjótir að finna sökudólginn fyrir tapi íslenska landsliðsins gegn Ungverjum, Snorra Stein Guðjónsson.

Það er ekki svo langsótt enda klúðraði hann vítakasti á lokamínútunni - og Ungverjar jöfnuðu leikinn og knúðu fram framlenginu sem þeir unnu svo eins og allir vita.

http://politiken.dk/sport/ol2012london/sportsgreneol2012/haandbold2012/ECE1714329/agk-stjerne-blev-skurken-da-island-mistede-medaljekamp/

Guðmundur: Nánast eins og happdrætti

Tillögur að nýjum lögum um skógrækt og landgræðslu

Nefnd á vegum Umhverfisráðuneytisins hefur rétt í þessu skilað tillögum um breytingar á skógræktarlögum.
Líklegt má telja að gagnrýni bænda sem eiga afrétt á Almenningum eigi sér rætur í þessum tillögum. Þá sérstaklega til greinar 5.2 um búfjárbeit sem hljóðar svo (http://www.umhverfisraduneyti.is/skograektarskyrsla/samantekt/):

"Nefndin telur það ótækt að eigendur búfjár beri ekki ábyrgð á sínu fé og því tjóni sem það kann að valda á skógum og skógrækt og að eigandi/umráðamaður skógræktarinnar sé réttlaus gagnvart ágangi að hálfu annars aðila sem er í hans óþökk. Nefndin leggur til að í nýjum skógræktarlögum verði ákvæði sem styrki stöðu skógræktarsvæða gagnvart slíkum ágangi með tengsl við skipulag, þannig að óheimilt sé að beita búfé á svæði sem hafa verði skilgreind í skipulagi sveitarfélags sem skógræktarsvæði nema með leyfi viðkomandi skógareigenda og að fengnu áliti skógræktarstjóra. Jafnframt verði áfram ákvæði sem banni vetrarbeit í skógum."

Þetta er reyndar óljóst orðað en inntakið virðist vera það að bændur girði sjálfur beitarland sitt þar sem það liggur að skógræktarsvæðum, en ekki öfugt eins og reyndin hefur verið.
Þetta tel ég að bændur muni aldrei samþykkja. Þannig ganga þessar tillögur þvert á það sem þó er áhersluatriði nefndarinnar, þ.e. "þátttökunálganir". Þær felast m.a. í því að unnið sé með hagsmunaaðilum og byggt á þeim hugmyndum sem þeir hafa.

Komið er inn á svipaða hluti í tilllögum um ný lög um landgræðslu. Þar segir m.a. (http://www.umhverfisraduneyti.is/landgraedsluskyrsla/samantekt/:
4.1.3 "Nýting afrétta og annarra sameiginlegra beitilanda: Það fyrirkomulag að stofna til og nýta afrétti til sameiginlegrar sumarbeitar á sér langa hefð í landinu. Í lögum um landgræðslu og í lögum um afréttarmálefni, fjallskil o.fl. nr. 6/1986, eru heimildarákvæði um gerð ítölu, það er að ákvarða leyfðan fjölda búfjár á viðkomandi afrétti. Núverandi ákvæði um ítölu hafa hins vegar ekki reynst skilvirk til að tryggja sjálfbæra landnýtingu. Ákvæði þessi fela í sér heimildir til að grípa inn í þegar í óefni er komið, en eru ekki hugsuð sem fyrirbyggjandi aðgerðir. Nefndin leggur til að við gerð nýrra landgræðslulaga verði þessi ákvæði endurskoðuð og ferlið við ákvörðun og samþykkt lögformlega gildandi ítölu einfaldað mjög frá því sem nú er. Leggur nefndin til að Landgræðslan, á grunni vísindalegs mats á ástandi lands, verði heimilt að setja ítölu til að tryggja sjálfbærni landnýtingar. Með þessu er átt við að hægt verði að beita ítölu sem stjórntæki til að tryggja sjálfbæra landnýtingu, þ.e. stjórnvöld geti metið ástand gróðurs og jarðvegs á afréttum eða öðrum beitilöndum skv. nýjum viðhorfum í vistfræði og það mat verði notað til að segja til um hversu margt búfé sé heimilt að beita á viðkomandi land."

Þetta virðist einnig fara fyrir brjóstið á bændum sem eiga upprekstrarrétt á Almenningum. Mér sýnist þetta ákvæði þó vera eðlilegt og sjálfsagt, þ.e. ef tryggt er að vísindalegt mat fari fram og að umræða um það mat verði leyfð og hægt að kæra slíkt mat ef mönnum þykir þörf á því.
Þó er þarna, rétt eins og í tillögunum um ný skógræktarlög, gengið gegn megináherslu tillagnanna, þ.e. grein 2.3 um þátttöku hagsmunaaðila og almennings:
"Það er mat nefndarinnar að víðtæk þátttaka almennings og hagsmunaaðila í landgræðslustarfi sé lykillinn að árangri í starfinu. Til að efla þátttöku almennings telur nefndin að efla, hvetja og styðja þurfi landgræðslustarf félaga og félagasamtaka um landgræðslu. Nefndin leggur því til að ný lög um landgræðslu innihald ákvæði um landgræðslufélög."

Einnig er lögð mikil áhersla á þátt sveitarstjórna í að ná fram markmiðum nýrra landgræðslulaga, en alræðisval Landgræðslunnar hvað ítölu varðar virðist ganga gegn þeirri áherslu.

Bændur harðorðir vegna Almenninga

Aron skoraði fyrir AGF

Það hefði vel mátt segja frá því í þessari frétt að Aron Jóhannsson skoraði eitt mark fyrir AGF þegar liðið vann Bröndby 3-1 í dag.
Amk þótti það frétt þegar Arnór Smárason átti stoðsendinguna í tapleik Esberg gegn FCK í gær (1-2).
Aron er ekki í íslenska landsliðshópnum en Arnór er það, þó svo að lið hans Esberg sé neðst í dönsku úrvalsdeildinni en AGF um miðja deild.

Hallgrímur með SönderjyskE á ný

Samþykktu þau?

Það er sífellt að verða ljósara að vestrænar þjóðir, ásamt með Tyrkjum og einræðisríkjunum Saudí-Arabíu og Qatar, eru með alvarlegar íhlutanir og afskipti af innanríkismálum Sýrlands.
Síðasta fréttin þess efnis segir frá því að breskir málaliðar eru í Sýrlandi og taki fullan þátt í ofbeldisverkunum þar:
http://ruv.is/frett/enginn-syrlendingur-i-sjonmali

Clinton fundar með Tyrkjum

Loksins!

Loksins er Bjarni Viðars laus frá Mechelen þar sem hann hefur verið fyrir utan liðið meira og minna í tvö ár.
Danskir fjölmiðlar skrifa um þessi skipti og rekja feril hans. 16 ára fór hann til Everton og fór svo til Twente 2008. Þar stoppaði hann stutt en kom ferlinum af stað aftur með Roeselare í belgísku deildinni. Þaðan fór hann til Mechelen.

Nú er hann bjartsýnn um að ferillinn verði aftur árangursríkur og segir að forráðamenn Silkeborgarliðsins hafi trú á sér.
Lýsingarnar eru og jákvæðar. 1,87 m. á hæð og góður í loftinu, öruggur á boltanum og með rétt viðhorf til leiksins.
Vonandi fer þetta að ganga hjá fyrrum fyrirliða 21 árs landsliðsins, sem nú er 24 ára.
Þrír aðrir Íslendingar hafa leikið með danska úrvalsdeildarliðinu Silkeborg, þeir Bjarni ólafur Eiríksson, Hólmar Örn Rúnarsson og Hörður Sveinsson.

Bjarni samdi við Silkeborg

Hver slátrar hverjum?

Hér eru myndir af illa leiknum föngum uppreisnarmanna - sem síðan voru myrtir með köldu blóði.

Svo það er spurning hver sé huglaus - sá sem styður slíkar aftökur með vopnum og fjárframlögum -  eða stjórnvöld í landinu.

http://www.bbc.co.uk/news/world-middle-east-19084287

 

Saka Assad um hugleysi

Íhaldsamur þjálfari

Það er greinilegt að Lars Lagerbaeck ætlar að halda sér við fastan kjarna leikmanna og skiptir þeim ekki svo glatt út. Hann virðist einnig fylgja línu Óla Jó nokkuð stíft því þetta er sami kjarninn og hjá gamla landsliðsþjálfaranum.

Þarna er t.d. ekki Eyjólfur Héðinsson þó svo að lið hans, SönderjyskE, leiði dönsku úrvalsdeildina og hann verið að leika vel. Ekki heldur Aron Jóhannsson hjá AGF en það er reyndar ekkert nýtt.

Þá er einn markahæsti leikmaður sænsku úrvalsdeildarinnar, Gunnar Heiðar Þorvaldsson hjá Norrköping, ekki heldur valinn þó svo að lið hans sé í toppbaráttunni - og ekki Ólafur Ingi Skúlason sem þó er farinn að spila aftur með liði sínu í belgísku deildinni Waregem sem vann góðan útisigur á Standard Liege í 1. umferðinni.

Indriði Sigurðsson er hins vegar kominn inn í liðið að nýju, einnig Arnór Smárason – og svo auðvitað Emil Hallfreðsson.

 Í ljósi þess að allir fjórir leikirnir undir stjórn Svíans hafa tapast mætti nú vel skipta út einhverjum af "fasta"mönnunum svo sem Rúriki Gíslasyni, Eggerti Gunnþóri og Aroni Einari - jafnvel Jóhanni Berg - og sjá hvernig liðið stendur sig án þeirra. Þá hefur Arnór Smárason ekki verið að fá góða dóma í Danmörku nú í byrjun leiktíðarinnar.

Ingvar í hópnum sem mætir Færeyjum