Úrkomumet í byrjun febrúar!

Það er ekki nema von að Landsvirkjunarmenn kætist þessa dagana. Vonandi gráta virkjunarsinnarnir í kratastjórninni sem því nemur enda engin þörf á frekari virkjunum:
31.-1. feb. var úrkoman 21,6 mm í Reykjavík.
2.-3. feb. var úrkoman 13 mm
5.-6. feb. var úrkoman 23,2 mm. Það er mesta úrkoma á einum sólarhring síðan 8.-9. okt. 2023.

Þetta bætist við úrkomuna í janúar öllum hér í borginni,sem var 107,9 mm. Það er 25% umfram meðalúrkomu áranna 1991 til 2020.


mbl.is Skerðingum aflétt: Bættur vatnsbúskapur eftir umhleypingar
Tilkynna um óviðeigandi tengingu við frétt

Virkjanaóði krataráðherrann

Jóhann Páll Jóhannsson, sem einhverra hluta vegna er ekki aðeins orkumálaráðherra heldur einnig umhverfisráðherra (eins og það fer nú vel saman), ætlar ekki að gera það endasleppt í virkjunarmálum. Ljóst er að þarna er enn hættulegri óvinur íslenskrar náttúru en íhaldsráðherrann fyrirrennari hans, Guðlaugur Þór Þórðarson.
Munurinn á þessum tveimur ráðherrum, og núverandi og fyrrverandi ríkisstjórn, er einfaldlega sá að eini raunverulega græni flokkurinn, VG, er ekki lengur í ríkisstjórn - og ekki einu sinni á þingi til að veita núverandi náttúrusóðastjórn aðhald.
Held að fyrri kjósendur Vinstri grænna, sem kusu Samfylkinguna í nýafstöðnum kosningum, iðrist nú stórlega hvernig þeir kusu.
En í raun var þetta vitað fyrir. Jóhann Páll hafði margoft lýst því yfir á síðasta kjörtímabili að þörf væri á stórauknum virkjunum - ætlar nú að hrinda þeim í framkvæmd og það með offorsi.


mbl.is Vill endurmeta átta virkjanakosti
Tilkynna um óviðeigandi tengingu við frétt

Freyr orðinn þjálfari Brann

Samkvæmt norskum netmiðlum hefur Freyr Alexandersson ákveðið að taka tilboði Brann sem þjálfari félagsins. Þar með er ljóst að kandídötum til landsliðsþjálfarastarfsins hjá íslenska karlalandsliðinu í fótbolta hefur fækkað um enn einn. Þá eru eftir tveir ...

https://www.nrk.no/vestland/freyr-alexandersson-blir-ny-brann-trener-1.17202144


mbl.is Kraftaverkamaðurinn Freyr
Tilkynna um óviðeigandi tengingu við frétt

Strax byrjað að afsaka sig?

Það er nú full djúpt í árinni tekið að tala um mikið áfall við að Aron geti ekki spilað alla leikina á HM. Hans stórtíð er jú löngu lokið og frekar spurning en hitt hvort hann hafi nokkuð erindi lengur í landsliðið. 
En Snorri þjálfari er klókur gaur og veit sem von er að ef illa gengur á mótinu þá er starf hans í hættu. Því er eins gott að byrja sem fyrst að afsaka sig.
Þá hefur hann og Aron verið full yfirlýsingaglaðir að undanförnu, greið leið uppúr riðlinum, þrátt fyrir að Slóvenar séu með í honum, þjóð sem hærra skrifuð en Íslendingar í handboltanum og urðu í 4. sæti á síðasta EM ef ég man rétt (en Ísland í því 10.).
Hrokafullar yfirlýsingar ekki satt?


mbl.is Mikið áfall fyrir íslenska landsliðið
Tilkynna um óviðeigandi tengingu við frétt

Hræsnin mun síst þér sóma

Brot Ísraela á alþjóðalögum með framferði sínu á Gaza er "hryllileg" en ekki endilega þjóðarmorð, það sé lagatæknilegt atriði. Já, Þorgerður Katrín kann að orða hlutina. Um daginn talaði hún um hið mikilæga, góða samband við vinina í vestri, þ.e. Kanann, og hvað fyrri utanríkisráðherrann okkar hafi staðið sig vel í því sambandi. Og blessunin hún NATO er lífsnauðsyn fyrir "varnir" Íslands. Á sama tíma voru Bandaríkjamenn að veita Ísrael 8 milljarða króna hernaðaraðstoð til að "endurnýja" herbúnað sinn, þ.e. til að geta haldið áfram að drepa almenna borgara í Palestínu og nágrannalöndunum. Já, hræsnin er söm við sig.

Ég las fyrir stuttu ritdóm um leik föður Þorgerðar, Gunnars Eyjólfssonar, Þar segir m.a.
"Það er ekki neitt verulegt last um Gunnar þó manni detti stundum í hug að ekki muni hann alltéð skilja mikið eða leggja óþarflega upp úr öllu sem honum er falið að segja í hlutverkum sínum; honum er allra manna sýnst um glæsibrag framsetningar og framgöngu á sviðinu."

Er þetta ekki einnig fín lýsing á dótturinni, öll á yfirborðinu í pólitísku hlutverki sínu en lítið á dýptina?


mbl.is „Þessum hryllingi verður að linna“
Tilkynna um óviðeigandi tengingu við frétt

13. vindmyllugarðurinn

Nýlega hækkaði raforkuverð í smásölu um 37%. Ekki var það vegna þess að heildsöluverðið hafði hækkað heldur einungis vegna þess að smásalan var einkavædd!

Vindmyllurnar sem fyrirhugað er að reisa, og það einnig með nýjum orkumálaráðherra, eru sömuleiðis á vegum einkaðaila (nema ein). Það er sem sé verið að einkavæða raforkukerfið, án þess þó að selja Landsvirkjun (sem lengi hefur þó verið draumur sumra). Þessir vindmyllugarðar munu einnig stórhækka rafmagnsverð enda mjög ótryggur orkugjafi.

Rafmagn frá vindmyllum er nefnilega mjög dýrt og hefur valdið stórhækkuðu verði til neytenda ytra. Mest bar á því árið 2021 en í lok árs 2024 fór það uppúr öllu valdi. Ástæðan er sögð hægvirði en þá framleiða vindmyllurnar auðvitað ekkert rafmagn. Hin raunverulega ástæða er þó markaðurinn í Evrópu. Norðmenn eru því farnir að tala um að loka sæstrengjum til Evrópu til að lækka verðið innanlands. Þetta háa verð á sérstaklega við um suður-Noreg (en einnig suður-Svíþjóð). 9. des var verðið á kílóvattstund 13 kr norskar. Þetta er hæsta verð síðan 2009.

Reyndar lendir þetta verð meira og minna á ríkinu þar sem það niðurgreiðir raforkuna til almennings. Þannig þarf hið opinbera að styrkja einkafyrirtækin um himinháar upphæðir.
Hér stefnir allt í það sama, niðurgreiðsla á rafmagni til einkaaðila, teknar úr sjóði allra landsmanna, og svo auðvitað draumurinn um ESB og sæstreng til Skotlands og þar með inná þennan mjög svo ótrygga markað.


mbl.is Ráðgera 20-30 vindmyllur í Flókadal
Tilkynna um óviðeigandi tengingu við frétt

Meira til hægri en gamla stjórnin?

Lýsingin í frétt Moggans um áhrif Viðreisnar í Valkyrjustjórninni er auðvitað hárrétt. Þorgerður Katrín "varnarmálaráðherra" ræður greinilega öllu í ríkisstjórninni og kemst upp með allt. Einna mest áberandi er það að hún tekur upp á sitt einsdæmi að gefa línuna í utanríkismálum, meðal annars með yfirlýsingum um að standa fast við bakið á "vinum" okkar fyrir vestan, þ.e. Kananum (jafnvel í málefnum Palestínu?), boðar stóraukin framlög til "varnar"mála og leyfir gífurlega aukin umsvif Bandaríkjahers hér á landi. Þetta er reyndar einfaldlega í beinu framhaldi af stefnu Sjálfstæðisflokksins og fyrirverandi utanríkisráðherra, hauknum og stríðsæsingamanneskunni Þórdísi Reykfjörð.

Þetta skýtur þó nokkuð skökku við stjórnarsáttmálann því þar er ekkert rætt um þessi "varnar"mál fyrr en í síðustu greininni, þeirri 23. Þar er meira að segja mjög vægt til orða komist. Þar segir t.d. aðeins að "mótuð verði öryggis- og varnarmálastefna".
Svo virðist sem að Þorgerður Katrín hafi upp á sitt einsdæmi mótað stefnuna og það þegar á fyrstu dögum hennar á ráðherrastóli. Ekki heyrist þó hljóð úr horni samstarfsflokkanna hvað þetta varðar sem hlýtur að teljast einkennilegt, allavega af hálfu forsætisráðherrans sem manni finnst að ætti að hafa forystu í svo mikilvægum málaflokki.
Þó svo að Þórdís Kolbrún hafi verið yfirlýsingarglöð í embætti þá virðist sem VG og Katrín fyrrum forsætisráðherra hafi tekist að halda aftur af henni að ákveðnu marki.
Því er ekki að heilsa nú, svo óhætt er að fullyrða að nýja stjórnin sé hægra megin við þá gömlu, allavega í utanríkismálum.
Hér kemur svo upphaf 23. greinar stjórnarsáttmálans
:
"Með utanríkisstefnu sem byggir á mannréttindum, friði, virðingu fyrir alþjóðalögum og náinni samvinnu við Evrópusambandið, önnur norræn ríki og Atlantshafsbandalagið. Mótuð verður öryggis- og varnarmálastefna."


mbl.is Valkyrjur koma og fara
Tilkynna um óviðeigandi tengingu við frétt

Gallabuxur eða bara slakur árangur?

Carlsen er jú þekktur fyrir að vera fýlupúki og sver sig þar í ætt við Kasparov gamla og fleiri slík "stórmenni" skákarinnar. En líklega voru það ekki aðeins gallabuxurnar og sérkröfur "meistarans" sem gerði það að verkum að hann hætti í atskáksmótinu heldur slök frammistaða. Hann hafi einfaldlega farið í fýlu vegna þess hversu illa honum gekk í mótinu. Fimm vinningar af átta mögulegum og 64. sætið var eitthvað sem hann, og flestir aðrir, gerði sér vonir um. Enda var hann ríkjandi heimsmeistari með þessum tímamörkum.
Auðvitað greip Carlsen tækifærið þegar það gafst og bar allt öðru við. Það gera nefnilega allir "snillingar". 


mbl.is Neitaði að skipta um buxur og hætti keppni
Tilkynna um óviðeigandi tengingu við frétt

Einlæg ást og eindrægni!

Eins og sést á þessari mynd er Sjálfstæðisflokkurinn ekkert svo óánægður með að afhenda Viðreisn lyklavöldin. Viðreisn er jú klofningaflokkur úr íhaldinu og það er alls ekki langt á milli þessara flokka.
Spekingarnir eru að spá harðri stjórnarandstöðu en hún verður það varla frá Sjöllunum, nema svona til málamynda. Myndin sem birtist með fréttinni segir meira en mörg orð þar um!
Svo er faðir Þorbjargar dyggur íhaldsmaður af Nesinu en það er þó smá kratablóð í móðurættinni. Þar eru og einnig tengsl við Suðurlandið því móðir Tobbu, eins og hún var kölluð sem krakki og kannski enn, er frá Selfossi.
Tveir Sunnlendingar að faðmast! Getur eitthvað gott komið þaðan?


mbl.is Lyklaskipti: „Íhaldskonan er með alvöru lykil“
Tilkynna um óviðeigandi tengingu við frétt

Áfram haukur í utanríkisráðuneytinu

Það er ekki nema von að Þórdís Kolbrún gleðjist yfir því að Þorgerður Katrín verði utanríkisráðherra. Þar er sami skítur undir sama skó. Með Viðreisn í nýju ríkisstjórninni verður auðvitað áfram tekið þátt í hernaðargeðveikinni í Úkraínu með hinum NATÓ-þjóðunum, sem mun kosta ríkiskassann stórar upphæðir.
Sama má segja um nýja fjármálaráðherrann, huldumanninn Daða M. Kristófersson. Valið á honum sýnir í raun hver er stefna Viðreisnar innan ríkisstjórnarinnar. Hann vill endilega ganga í ESB og taka upp evruna. Sem sé ekta kapitalisti og sem slíkur styður hann hernað ESB og NATÓ í Úkraínu. Þetta er þannig félegur hópur.
Bjarni Ben reynir að sjálfsögðu að breiða yfir þetta með því að þykjast vera harður andstæðingur "Sólstöðu"stjórnarinnar og heldur því m.a. fram að Flokkur fólksins hafi náð fram flestum sínum stefnumálum.
Það er auðvitað blekkingarleikur. Viðreisnin er sigurvegarinn í þessari stjórnarmyndun, enda er Þorgerður Katrín vel sjóuð í hráskinnsleiknum. Hún er auðvitað ennþá Sjálfstæðismaður og þannig er sá flokkur enn við völd, aðeins undir öðru nafni.
Já, það er lítilla breytinga að vænta.


 


mbl.is Gott að fá Þorgerði í ráðuneytið
Tilkynna um óviðeigandi tengingu við frétt

« Fyrri síða | Næsta síða »

Um bloggið

Torfi Kristján Stefánsson

Höfundur

Torfi Kristján Stefánsson
Torfi Kristján Stefánsson
Höfundur er áhugamaður um hina ólíkustu hluti

Færsluflokkar

Apríl 2025
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Heimsóknir

Flettingar

  • Í dag (18.4.): 14
  • Sl. sólarhring: 20
  • Sl. viku: 194
  • Frá upphafi: 462879

Annað

  • Innlit í dag: 13
  • Innlit sl. viku: 180
  • Gestir í dag: 13
  • IP-tölur í dag: 13

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband