Enn eitt skrýtið byrjunarval

Enn heldur Norsarinn besta leikmanni Íslands, Stefáni Teiti Þórðarsyni, út úr liðinu. Þegar Stefán kom loks inná í leiknum gegn Englendingum komst jafnvægi í leik liðsins.
Þetta vandamál, stressið, sást strax vel í leiknum gegn Hollendingum þar sem Ísland hélt boltanum nær aldrei heldur lá undir stanslausri pressu. Það leiddi auðvitað til marks sem urðu sem betur fór ekki fleiri í fyrri hálfleiknum. 
Nær allir íslensku leikmennirnir hafa átt slakan leik til þessa svo það mætti skipta þeim flestum út í seinni hálfleik. Jón Dagur, Jóhann Berg, Arnór Trausta og Andri Lúkas ættu að fara fyrstir útaf. Svo Hákon Haralds sem hefur ekki heldur sést í leiknum.

4-0 tap gegn Hollendingum eftir útisigur gegn Englendingum - og afsakanirnar þegar byrjaðar!
Var ekki einhver að hneykslast á þeim sem setja spurningarmerki við landsliðsþjáfara íslenska landsliðsins? Kristian loksins inná á 83. mín!!

Holland reyndist ofjarl Íslands í Rotterdam

Að venju skrýtið byrjunarliðsval hjá þeim norska

Stefán Þórðar, valinn leikmaður dönsku bikarkeppninnar, er ekki í byrjunarliðinu!
Annars er valið á Bjarka ekki svo vitlaust en hann er enginn bakvörður heldur sóknartengiliður. Ef val þetta á að sýna að þjálfarinn ætli að láta liðið vera sóknarsinnað gegn Englendingum, þá er hann illa úti að aka (sem hann er reyndar yfirleitt).
Þá er spurning um formið á Jóhanni Berg. Hann hefur lítið fengið að spila með Burnley og liðið féll jú niður í b-deildina í ár.
Einnig er spurning hvort ekki sé kominn tími á Arnór Trausta. Lið hans er í botnbaráttu í sænsku úrvalsdeildinni og hefur verið að tapa stórt undanfarið. Sjálfstraustið er eflaust ekki mikið þessa dagana hjá kappanum. 
Af hverju fær Kristian Hlyns ekki tækifæri - spilandi í miklu betra liði?
Svo er auðvitað þessi mikla ást á Jóni Degi. Hann er að spila í lélegu liði, og fær svo sem takmarkaðan spiltíma þar, en er alltaf valinn í byrjunarlið Hareide.

Bjarki beint í byrjunarliðið á Wembley

Karlalandsliðið í fótbolta

Landsliðshópurinn fyrir vináttuleiki við Englendinga og Hollendinga nú í júní hefur verið valinn. Þarna eru menn sem leika lítið sem ekkert með liðum sínum eins og Hlynur Karls sem er hægri bakvörður. Af hverju ekki Dagur Dan Þórhallsson? Þá er Logi Tómasar ekki í hóp en hann leikur alla leiki með Strömsgodset í norsku úrvalsdeildinni. Ekki heldur Kolbeinn Þórðar sem er fastamaður í liði Gautaborgar eða Davíð Ólafs sem leikur alla leiki með liði sínu í Póllandi.
Líklega er þó undarlegast að Þórir Helga sé ekki í hóp en hann var lykilmaður í því að Braunschweig bjargaði sér frá falli í þýsku b-deildinni. Í staðinn er Arnór Sig valinn sem ekkert hefur leikið með enska b-deildarliðinu Blackburn eftir að hann meiddist í síðasta landsleik og var reyndar yfirleitt varamaður í félagsliði sínu fyrir þann tíma.
Annar sem hlýtur að banka á dyrnar en er ekki valinn, er Júlíus Magnússon sem er fyrirliði spútnikliðs Fredrikstad í norsku úrvalsdeildinni. Einnig Sævar Magnússon hjá Lyngby.

Hins vegar er gaman að sjá Bjarka Stein í liðinu sem hefur fengið mikinn leiktíma hjá Venezia, mun meiri en félagi hans Mikael Ellerts, sem einnig má setja spurningarmerki við að sé valinn í landsliðshópinn. Einnig er Kristian Hlyns í hópnum en hann hefur ekkert fengið að spreyta sig með landsliðinu undanfarið undir stjórn Hareide. Vonandi verður breyting þar á í þessu æfingarleikjum.

Nú er búið að framlengja samning KSÍ við landsliðsþjálfarann út árið 2025, þrátt fyrir að hann hafi ekki náð þeim markmiðum sem sett voru þegar Arnar Viðars var rekinn, þ.e. að komast á EM. Árangur Norðmannsins er á engan hátt betri en Arnars og það sem meira er, Hareide virðist ganga í smiðju hans með vali á landsliðshópnum. Af hverju var þá verið að reka Arnar Þór fyrst arftaki hans er bara eftirherma?
Svo er auðvitað þetta með Albert Guðm. hreinasti farsi. Valinn í umspilinu um sæti á EM en ekki núna!!

Albert ekki í landsliðshópnum

Djöfuls fífl!

Nú eru Kanarnir að pressa á Hamas og aðra Palestínumenn um að samþykkja "vopnahlés"tillögu Ísraela og krefjast þess reyndar eins og haft er eftir Blinken (að baki er einhver hótun um að Kaninn muni taka aukinn þátt í fjöldamorðum Ísraela á Gazabúa ef tillögurnar verða ekki samþykktar). Sama segir Cameron, sem nú er utanríkisráðherra Breta. Hamas verða að samþykkja þessar rausnarlegu tillögur!
Þetta er auðvitað engin vopnahléstillaga eins og kemur fram í þessari frétt. Fíflið við stjórnvölin í Ísrael var svo gáfaður að viðurkenna það, óaðspurður!

Eftir stendur hvað felst í þessum tillögum. Vopnahlé aðeins í 40 daga. Innrásarherinn ekki dreginn út af Gaza og algjör óvissa um framhaldið.

Síðan eru auðvitað fréttirnar af mótmælum stúdenta í Bandaríkjunum og hörð viðbrögð háskólayfirvalda og lögreglu þar við þeim. Lýðræðisríkið mikla leyfir ekki friðsöm mótmæli og Biden réttlætir það.
Sameinuðu þjóðirnar segja hins vegar að það sé klárt mannréttindabrot að vísa mótmælendum úr skóla eins og verið er að gera þar vestra. 
Jamm, þá veit maður það. Mótmæli þýða "berufsverbot"! Elsku Kaninn, verndarinn okkar allra gegn vondu anti-lýðræðissinnum heimsins, hann lætur ekki að sér hæða í hræsninni!

 

Ráðast inn í Rafah óháð vopnahléi

Að "tala meiningu" sína

Jón Gnarr er ekki alltof sleipur í íslenskunni. Maður segir meiningu sína, en talar hana ekki. Annars er þetta viðtal við Gnarrinn frekar klént yfirklór hjá honum vegna óheppilegra ummæla hans um Katrínu og Bjarna Ben varðandi forsætisráðherrakapalinn: "Ég hef ekk­ert út á Bjarna Bene­dikts­son að setja."
Nokkuð hlálegt yfirklór auðvitað miðað við undirskriftasöfnunina gegn Bjarna, sem vel yfir 40.00 manns hafa skrifað undir. Populismi svo sem hjá Gnarr en hann hefur þó vit á því að sjá eftir þessum ummælum. Þau eru frekar óheppileg, ef hann verður forseti, þ.e. að hafa tekið undir það að forsætisráðherrann sé persona non grata og viljað hann í burtu.
Jón er þar með skárri en Baldur Þórhalls sem ekki hefur dregið til baka eða afsakað dónaleg ummæli sín um Katrínu Jakobsdóttur. Sá náungi kann ekki mannsiði og hefur ekkert að gera á Bessastaði.

Kveðst tala af virðingu: „Ég er enginn dóni“

Á Grindavíkurbær að greiða fyrir skólagöngu grindvískra barna í öðrum sveitarfélögum?

Þetta er nokkuð sérstakt. Fyrir það fyrsta er undarlegt að blása af skólastarf í Grindavík þegar hætt gæti alfarið að gjósa nú eftir nokkra daga - og íbúarnir því flutt heim á næstu vikum og mánuðum. Í öðru lagi eru margir að flytja lögheimili sín frá Grindavík og í önnur sveitarfélög og  borga því útsvar á þeim stöðum en ekki í gamla heimabænum. Ætlar Grindavíkurbær samt sem áður að borga með börnum sem svo stendur á hjá?

Þarna er fleira undarlegt svo sem sérstök sálfræðiþjónusta við grindvísk börn og að bærinn borgi fyrir það sérstaklega. Eru þau virkilega svona illa farin eftir eldgosin á Reykjanesi að þau þurfi á sálfræðingi að halda, frekar en önnur börn?
Það eru sálfræðingar starfandi við alla skóla á höfuðborgarsvæðinu, að því að ég best veit, og því eðlilegt að þeir þjóni þessum börnum sem öðrum. Annars geta nýir nemendur, sem skipta um skóla vegna aðsetursskipta, farið fram á slíkt hið sama!

Já, það er margt skrítið hjá þessari bæjarstjórn og nokkuð sérstakt að það heyrist ekki háværari gagnrýni á hana frá íbúunum. En kannski eru fjölmiðlar samir við sig í þessu sem öðru? Gagnrýni umræða ekki leyfð nema að litlu leyti. Kraumandi óánægja undir niðri hjá Grindvíkingum en fjölmiðlarnir kóa með yfirvöldunum og segja ekki frá því.

Allavega finnst manni eðlilegt að bæjaryfirvöld hefðu kannað vilja foreldra þessara barna varðandi skólastarf næsta vetur í heimabyggð, ekki síst þeirra sem vinna ennþá í bænum og hafa hug á að flytja þangað aftur sem allra fyrst.
Það er auðvitað dýrt að halda úti fámennum skóla svo kannski er hugmyndin með þessu að spara fjármuni. Dæmið virðist þó ekki vera reiknað til enda, miðað við þær fjárhagslegu skuldbindingar sem felast í þessari undarlegu ákvörðun bæjarstjórnarinnar.
Svo er hún auðvitað dæmigerð hræsnin varðandi vinnu þeirra sem hafa starfað við kennslu og umönnum barnanna: "rík áhersla verður lögð á að tryggja rétt­indi starfs­fólks í þeirri vinnu sem er fram und­an." Hún birtist einnig í því að haldinn verður íbúafundur eftir að þessi ákvörðun er tekin, en ekki áður eins og eðlilegt hefði verið til þess að kanna vilja foreldranna og kennarana með hana.

Ekkert skólastarf í Grindavík næsta skólaár

Samkvæmt bókinni

Öll  vestræn ríki keppast við að fordæma "árás" Írans á Ísrael, og er íhaldsráðherrann af Skaganum þar enginn undantekning. Hins vegar heyrðist lítil í henni og kollegum hennar þegar Ísrael gerði árás á konsulat Írana í Damaskus, höfuðborg Sýrlands, sem er enn einn stríðsglæpurinn sem Ísraelar haf framið á sinni löngu helferð gegn nágrönnum sínum - með eindregnum stuðningi USA og fleiri ríkja. Konsulat hefur auðvitað diplómatstöðu, það er friðhelgi, rétt eins og sendiráð og því var árásin á það mjög alvarlegur glæpur.

Þá hefur ekki svo ég muni, heyrst fordæmandi raddir úr ranni þessa ráðherra okkar eða annarra íhaldsráðherra hérlendra vegna þjóðarmorðsins á Gaza - heldur aðeins þetta: Það má ekki svara ítrekuðum árásum Ísraels, því það mun aðeins stig­magn­a "ástandið".
Já, hræsnin er alltaf söm við sig.

Ísland fordæmir árásina

Lettland og minnihlutahóparnir

Eins og frægt er orðið var Ísland fyrst allra ríkja að viðurkenna sjálfstæði Lettlands, nokkuð sem Jón Baldvin, sem þá var utanríkisráðherra, hefur lengi montað sig af.
Það þrátt fyrir að ekkert lá fyrir um réttindi minnihlutahópa í landinu, einkum rússneska minnihlutans. Útkoman var skelfileg. Stjórnarflokkurinn setti á lög um að aðeins þeir íbúar, sem áttu heima í landinu árið 1940 og afkomendur þeirra, væri lettneskir ríkisborgarar. Síðan þá hefur minnihlutahópar, nú um 14% kosningabærra manna (um 300.000 manns), ekki haft atkvæðisrétt í kosningum þar í landi!
Áður, eða frá 1990, voru það miklu fleiri, en meira en helmingur þeirra hefur síðan tekið próf sem þarf til að fá ríkisborgararétt. 

Sama má segja um Úkraínu. Eftir 2014 hefur austurhluti landsins, þar sem fólk af rússnesku bergi brotið hefur verið réttindalaust og barist fyrir sjálfstæði sínu, nú síðast með hjálp Rússa, en yfirvöld í Kíev hafa notið ótakmarkaðs stuðning NATÓ og ESB til árása á einmitt þetta fólk - og borið við lýðræðisást sína.

Já, lýðræðisréttindi minnihlutahópa í þessum tveimur löndum, Lettlandi og Úkraínu, hafa verið fótum troðin með blessun og áköfum hernaðarlegum stuðningi hinna "lýðræðissinnuðu" Vesturlanda. Því er ekki nema von að þessi tvö lönd treysti bönd sín og það með fullum stuðningi "villta vestursins". Eina landið sem mótmælir stuðningnum við Úkraínu er Ungverjaland, því ungverski minnihlutinn er einnig réttindalaus í því land:

"citizenship was granted to persons who had been citizens of Latvia on the day of loss of independence in 1940 as well as their descendants. As a consequence, the majority of ethnic non-Latvians did not receive Latvian citizenship since neither they nor their parents had ever been citizens of Latvia, becoming non-citizens or citizens of other former Soviet republics. By 2011, more than half of non-citizens had taken naturalization exams and received Latvian citizenship, but in 2015 there were still 290,660 non-citizens in Latvia, which represented 14.1% of the population. They have no citizenship of any country, and cannot participate in the parliamentary elections.

https://en.wikipedia.org/wiki/Latvia

Úkraína og Lettland gera tvíhliða öryggissamning

Hæpið val á byrjunarliðinu

Um valið á karlaliðinu í fótbolta gegn hermönnunum frá Ísrael má margt segja.
Hákon Valdimarsson í markinu án þess að hafa spilað nokkurn keppnisleik undanfarna mánuði. Arnór Sig einnig í byrjunarliðinu þrátt fyrir að hafa lítið spilað með frekar lélegu liði í ensku b-deildinni, Blackburn. Á bekknum eru t.d. Kristian Hlyns sem er alltaf í byrjunarliði Ajax í hollensku a-deildinni og Mikael Anderson sem er einn besti leikmaður dönsku deildarinnar og spilar þar alla leiki í góðu liði.

Þá er auðvitað enn áleitin spurning hvort nokkurn tímann hefði átt að spila gegn þessari morðingjaþjóð (yfir 30.000 óbreyttir borgmarar á Gaza drepnir, þar af hátt í 20.000 konur og börn, allt í hefndarskyni fyrir drápum á um 100 Ísraelum og nokkrum "gíslum" enn í haldi (meðan tugþúsundum Palestínumanna er haldið í fangelsi án dóms og laga). Já, líf "gyðinga" er þetta miklu verðmætara en líf "araba", nokkuð sem einnig er skoðun hinna hræsnisfullu Vesturlanda).
Frammistaða landsliðsþjálfarans í þessu máli en ekki skárri en val hans á liðinu. Til dæmis sagði hann, til að þóknast ísraelsku pressunni, að leikmenn liðsins væru ekki hermenn heldur fótboltamenn. Hann ætti þó að vita að það er þriggja ára herskylda í landinu - fyrir alla karlmenn (sem ekki eru öfgafullir heittrúarmenn) á aldrinum 18-21 árs.
Ekki veit ég til þess hvort fótboltamenn séu á einhverri undanþágu frá þessu eins og trúarofstækismennirnir, en varla allir. Líklegt er að einhver þeirra hafi miðað byssu á palestínska 13 ára stráka og drepið þá fyrir það eitt að hafa hent steinum í áttina til þeirra, eða verið að skemmta sér við að skjóta upp flugeldum, eins og nýlegt dæmi sýnir.
Landsliðsþjálfari íslenska liðsins var sko ekki að nota tækifærið til að gagnrýna fjöldmorðin á Gaza þrátt fyrir að vera í beinni útsendingu í ísraelska sjónvarpinu. Já, mikið eru hugrekki þessa manns - og "sókndirfska".

Byrjunarlið Íslands: Fimm breytingar

Af hverju fegrar Alfreð Finnbogason hlutina svona?

"Já, það er al­veg nýtt hjá mér að spila alla leiki" segir Alfreð. Samkvæmt tölfræðinni er það þó hæpin fullyrðing. Hann fær í mesta lagi örfáar mínútur í hvert sinn ef hann kemur þá inná - og byrjar alltaf á bekknum.
Og það í liði sem er líklega það lélegasta í belgísku a-deildinni og stefnir hraðbyri niður um deild. 

Líkleg ástæða fegrunarinnar er sú að hann sé að réttlæta það fyrir sjálfum sér, og öðrum, að vera valinn í íslenska landsliðið og/eða að betla nokkrar mínútur í næsta landsleik.  

Það er auðvitað stórfurðulegt val og sýnir að landsliðsþjálfarinn er alls ekki starfi sínu vaxinn - hefði reyndar aldrei átt að vera ráðinn.
Fleiri leikmenn eru í liðinu sem eins er ástatt með og Alfreð, svo sem Hjörtur Hermannsson. Hann fær varla nokkrar mínútur með liði sínu í ítölsku b-deildinni, en er samt valin.
Svo eru það markmennirnir. Einn valinn sem er að spila í portúgölsku b-deildinni - og fer engum sögum af - og annar sem var nýlega keyptur til Englands en kemst ekki einu sinni í hóp hjá liði sínu þar.
Eru íslensku fótboltakarlarnir virkilega svona lélegir að það þurfi að velja slíka leikmenn í landsliðið?

Varla. Aðalmarkmaður landsliðins undanfarin ár er í hóp hjá góðu liði en ekki valinn. Þá er gamla brýnið Birkir Bjarnason reglulega að spila með sínu liði og iðulega í byrjunarliðinu, en er ekki valinn. Þórir Helgason er einnig fast í byrjunarliði síns félags en ekki valinn.
Svo fullyrti landsliðsþjálfarinn að Stefán Þórðar væri meiddur og því ekki valinn, en hann hefur samt verið í byrjunarliði síns félags undanfarið og spilað nær allan tíma. Af hverju var Norðmaðurinn að ljúga þessu?
Að lokum má spyrja sig um afstöðu landsliðsþjálfarans til leiksins gegn Ísrael. Fyrst þóttist hann vera á móti því að spila gegn liðinu en svo var hann tvísaga og að lokum segist hann vera meira en fús til að spila leikinn í Ísrael! Leikmennirnir séu jú ekki hermenn! Það er greinilega ekkert að marka þennan mann.

Alveg nýtt hjá mér