"ekkert vit á fótbolta"?

Hrokinn í Rúnari þjálfara KR-inganna er að verða ansi hvimleiður enda hefur hann ekki efni á honum, frekar en aðrir hrokagikkir.
Fyrir það fyrsta gat hann aldrei neitt í fótbolta þegar hann var sjálfur aktíkur, dúkkuspilari sem aldrei mátti koma við, lét sig detta og grenjaði út aukaspyrnur hjá dómurunum!

Þjálfaraferill hans hefur verið svipaður. Rekinn frá Lilleström og svo aftur í Belgíu eftir það. Kemur svo heim til að þjálfa KR og hefur undanfarin ár ekki náð neinum árangri. Líklega sá þjálfari sem flestir furða sig á af hverju hann hafi ekki verið rekinn fyrir löngu.
Það er sem sé ekki hinn almenni fótboltaáhugamaður sem hefur ekkert vit á fótbolta heldur vælukjóinn sjálfur, Rúnar Kristinsson.

Menn sem hafa ekkert vit á fótbolta

Norðmenn um ráðninguna

https://www.nrk.no/sport/island-klare-hareide-kan-stoppe-norge_-_-merkelig-1.16372979

Og einnig íslenska knattspyrnusambandið:

https://www.ksi.is/um-ksi/frettir/frettasafn/frett/2023/04/14/Age-Hareide-nyr-thjalfari-A-landslids-karla/

 

Åge Hareide ráðinn þjálfari karlalandsliðsins

Undarleg tímasetning!

KSÍ forystan er greinilega ekki starfi sínu vaxinn eins og sést á því hvenær hún velur að reka Arnar Þór Viðarsson. Eftir hræðilega frammistöðu liðsins undanfarin ár, án þess að hróflað sé við landsliðsþjálfaranum, er hann rekinn eftir stærsta sigur karlalandsins nokkru sinni, 0-7 sigur úti gegn Liechtenstein!

Já tímavalið er sérstakt og enn eitt sneypuverkið hjá þessari KSÍ-forystu. Vonandi verður hún felld á næsta aðalfundi.

Arnar hættur með landsliðið

Harla klént hjá þjálfaranum að venju

Arnar Þór Viðarsson landsliðsþjálfari er greinilega að bera efni í bálköst að fótum sér.
Eitt er þetta með Albert Guðmundsson sem sýnir að þjálfarinn ræður ekki við starf sitt. Einnig þessi afsökun um að menn séu lítið að spila með félagsliði sínu og því ekki valdir.

Það á við um marga þeirra sem þó eru valdir. Þar ber fyrst að nefna Andra Guðjohnsen sem lítið sem ekkert spilar með miðlungsliði í Svíþjóð, Norrköping. Einnig Mikael Ellertsson sem er yfirleitt varamaður í liði í mikill fallhættu í ítölsku b-deildinni! Þarna er einnig Ísak Bergmann sem nær ekkert hefur fengið að spreyta sig með FCK undanfarið og sömuleiðis Þórir Helgason sem er næstum alveg fallinn út úr liði Lecce.

Hins vegar eru menn ekki í liðinu sem leika reglulega með félagsliðum sínum, menn eins og Valgeir Lunddal með Häcken (sem er stórfurðulegt að sé ekki valinn), Willum Willums hjá Go Ahead í Hollandi, Aron Sigurðar með Horsens, Viðar Kjartans og Samúel Friðjóns hjá Atromitos í Grikklandi og Kristal Mána hjá Rosenborg (sem byrjar vel með liðinu í norsku bikarkeppninni). Svo er auðvitað spurning með spútikmanninn Kolbein Finnsson sem hefur slegið eftirminnilega í gegn með Lyngby í dönsku úrvalsdeildinni.

Einnig má nefna "varamennina" í hópnum, þá Hjört Hermanns, Guðmund Þórarins og Svein Aron sem allir leika reglulega með sínum félagsliðum.

Margir þessara eiga skilið að fá að vera í aðalhópnum og þá einkum á kostnað "gæludýra" þjálfarans, Andra Guðjohns og Mikaels Ellerts ...

Já, val þjálfarans á landsliðshópum sýnir enn og aftur að hann er vanhæfur sem landsliðsþjálfari.
Það er einkum þráhyggja hans við að velja alltaf sama kjarnahópinn, alveg óháð því hvort þeir séu að spila með félagsliðum sínum eða ekki, og ekki síður óháð því hversu illa landsliðinu gengur.

Birkir, Albert og Sveinn ekki í landsliðshópnum - Sævar nýliði

Það var mikið!

Loksins velur landsliðsþjálfarinn (nauðugur viljugur?) menn sem áttu fyrir löngu að vera hluti af landsliðshópnum, Þá Aron-ana Bjarnason og Sigurðarson.

Aron Bjarnason hefur verið fastur byrjunarliðsmaður hjá Uppsalaliðinu Sirius í sænsku úrvalsdeildinni, liði sem hefur staðið sig ágætlega, og yfirleitt leikið alla leikina til enda. Hann ætti því að vera í fínu leikformi.

Þá hefur Aron Sigurðarson verið fastamaður í byrjunarliði Horsens sem er spútniklið dönsku úrvalsdeildarinnar og hefur fengið mikið lof fyrir frammistöðu sína. Hann fékk nokkra landsleiki fyrir nokkrum árum og stóð sig vel (sex leikir, tvö mörk!) en svo ekki sögunnar meir fyrr en nú, þó svo að hann hafi einnig leikið um tíma með liði sem varð í öðru sæti í belgísku úrvalsdeildinni í ár, Union SG. Hann hjálpaði þeim upp í efstu deild í fyrra og hefur verið sagður besti miðjumaðurinn í dönsku úrvaldsdeildinni það sem af er þeirri keppni.

Að öðru leyti er ekki mikið um valið að segja því það hefur komið fram að ekki fengu allir sem komu til greina, frí frá félagsliðum sínum. Það vantar til dæmis leikmenn FCK, AGF, OB, Lyngby, Midtjylland og Silkiborgar í Danmörku, sem og Bodö/Glimt og Kristiansund í Noregi. Einnig leikmenn á meginlandinu.
Hins vegar er auðvitað spurning af hverju þeir leikmenn, sem leika hér heima, eru valdir en ekki einhverjir aðrir.

 

Guðlaugur Victor snýr aftur í landsliðið

Enn eitt sérkennilega valið hjá landsliðsþjálfaranum!

Þarna voru menn valdir í byrjunarliðið sem lítið fá að spila með félagsliðum sínum svo sem Þórir Helga (hefur ekkert spilað undanfarið) og Birkir Bjarna (sömuleiðis), Ísak Bergmann (lítið spilað) og Jón Dagur (lítið sem ekkert). Manni fyndist eðlilegra að Stefán Þórðar, Arnór Sigurðs og Mikael Anderson hefðu frekar fengið að byrja, því þeir spila reglulega með félagsliðum sínum. Þá hlýtur að teljast athyglisvert að Valgeir Lunddal var í byrjunarliðinu en ekki Alfons Sampsted.

Sjá má af fyrri hálfleiknum að lítil spilamennska áðurnefndra leikmanna kemur ekki aðeins niður á leik þeirra, heldur og á leik liðsins í heild. Fyrri hálfleikurinn var mjög slakur hjá íslenska liðinu gegn einu af lélegustu landsliðum í Evrópu.

Spurning var hvað þjálfarinn myndi gera í seinni hálfleiknum. Af fenginni reynslu mátti þó búast við að aðrir leikmenn, sem eru í lítilli eða engri leikæfingu, fengju að spreyta sig, menn eins og Mikael Ellerts og Andri Guðjohns! Það er nefnilega kostur í augum landsliðsþjálfarans að menn komi óþreyttir inn í landsliðsverkefnin!

Talandi um þjálfarann þá var hann ekkert að flýta sér að skipta inná í seinni hálfleiknum þrátt fyrir að ekkert væri að gerast í leiknum hjá íslenska liðinu. Það var ekki fyrr en á 62. mín sem fyrstu skiptingarnar fóru fram. Þá kom Arnór Sig loks inná sem og Mikael Anderson og svo einn af "köldu" mönnunum, Andri Guðjohns, fyrir annan "kaldan", Þóri Helga! Enn voru Jón Dagur og Birkir inná þrátt fyrir slaka frammistöðu. Þeir voru loks teknir útaf undir lok leiksins, Jón Dagur að vísu aðeins fyrr, og einn kaldur, Mikael Ellert, fyrir annan kaldan (Jón Dag)!

Já, það eru lítil batamerki hjá íslenska karlalandsliðinu í fótbolta undir stjórn þessa þjálfara. Enda varla von miðað við valið á liðinu og stjórnunina á því. 

Ísland í úrslit Eystrasaltsbikarsins eftir vítaspyrnukeppni

Portúgal miklu betra

Ekki er hann burðugur fyrri hálfleikurinn hjá íslenska kvennalandsliðinu í fótbolta. Miðjan hræðileg og sóknin sömuleiðis, sérstaklega Berglind sem er arfaslök í fótbolta. Vörnin skást, einkum Glódís og Ingibjörg, og svo Sandra í markinu.
Miðjan hlýtur að vera mesta spurningarmerkið. Portúgalir ráða henni alfarið og varla sést til gamlingjanna í íslenska liðinu, Söru, Gunnhildi og Dagnýju. Það er greinilega kominn tími á endurnýjun liðsins og skipta þessum út fyrir yngri leikmenn.

Auk þess er furðulegt að spila með Berglindi leik eftir leik. Hún er einfaldlega léleg og í engri leikæfingu, enda hefur hún lítið sem ekkert fengið að spila, hvorki í Noregi eða nú í Frakklandi. Getur ekki einu sinni tekið á móti bolta!
Val hennar í byrjunarliðið hlýtur að draga athyglina að landsliðsþjálfaranum og hæfni hans til að stjórna liðinu og velja það. Hann spilar alltaf sama mannskapnum óháð því hvernig leikmenn standa sig. Það hljóta að vera til betri þjálfarar en þessi til að stjórna kvennalandsliðinu.

Seinni hálfleikurinn var aðeins betri enda komu leikmenn eins og Svava Rós inná, en samt var portúgalska liðið betra áfram. Eftir rauða spjaldið, sem var auðvitað mjög hæpið, kom í ljós styrkleikamunur liðanna. 
Flottur leikur hjá Portúgal og þeir eiga augljóslega miklu meira erindi á HM en hið leiðinlega Ísland.
Enn hlýtur landsliðsþjálfarinn að vera spurningarmerki og innskiptingar hans.
Þær kórónuðust með því að senda varamann Kristianstad inná undir lokin en láta Hlín Eiríksdóttur, sem er einn besti leikmaður í sænsku deildinni, sitja á bekknum allan leikinn.

Þetta með þjálfarana hlýtur jafnframt að vekja spurningar um hæfni KSÍ-forystunnar til að velja þjálfara. Augljóst er að þjálfari karlalandsliðisins veldur ekki starfi sínu og nú er komið í ljós að þjálfari kvennanna gerir það ekki heldur. Þessir þjálfarar spila yfirleitt alltaf sama liðinu, sama hvað það getur.
Úrslitin núna og undanfarið hlýtur að kalla á breytingu á forystu knattspyrnumála á landinu.

HM-draumurinn úti eftir framlengingu í Portúgal

Það eru nú fleiri úti í kuldanum en þessir!

Það er óþarfi að nefna Albert Guðmundsson í þessu sambandi en landsliðsþjálfarinn virðist hefna sín á þeim leikmönnum sem ekki eru alveg sáttir við hann og val hans á liðinu.

Þarna eru fleiri menn ekki valdir sem maður hefði haldið að ættu full erindi í landsliðið, allavega miðað við suma sem eru þó valdir.
Má þar nefna mann eins og Viðar Örn Kjartansson sem fer vel af stað með liði sínu Atromitos í Grikklandi. Einnig Samúel Kára sem hefur spilað vel með sínu liði í Noregi í allt sumar og byrjar einnig vel með nýja liðinu, sama liði og Viðar.
Þá er Hólmbert Friðjónsson ekki í liðinu en hann spilar (og skorar) reglulega með toppliði í Noregi og miklu meira en Andri Lucas Guðjohnsen sem spilar ekkert með frekar slöku liði sínu í Svíðþjóð (og svo auðvitað þessi Mikael Ellerts en þeir báðir eru gjaldgengir í 21 árs liðið og ættu betur að vera þar).

Svo er auðvitað spurning hvort að afsakarnir manna eins og Sverris Inga og Arnórs Trausta eigi ekki rætur í öðru en gefið er upp. Hvað Sverri varðar og vörn íslenska liðsins þá eru fáir varnarmennirnir, sem valdir voru, að spila með félagsliðum sínum, svo það má vera ljós að vörnin er og verður mikill höfuðverkur. Það hlýtur því að vekja furðu að Guðmundur Þórarinsson sé ekki valinn en hann er að spila með sínu félagsliði í grísku úrvalsdeildinni, liði sem gengur vel þar. 

Þjálfarinn fær þannig enn einu sinni falleinkunn með liðsvali sínu - og undarlegt að KSÍ-forystan skuli sætta sig við slík vinnubrögð.

Arnar ætlaði að velja Jóhann og Sverri

Hlýðinn gutti?

Valið á landsliðshópnum hjá stóru strákunum gerir það að verkum að þjálfari 21 árs liðsins hefur ekki úr mörgu að moða. Hann lætur sig samt hafa það eins og lýðinn rakki og lætur rugludallinn í þjálfarastöðu stóru strákana ræna frá sér mönnum án þessa að mögla.

Má þar nefna markmennina tvo, Elías og Patrik sem báðir eru gjaldgengir með 21 árs liðinu. Einnig Ísak Bergmann sem hefur lítið fengið að spreyta sig með félagsliði sínu en er samt í hópnum með þeim stóru.
Þá er einnig sérkennilegt að Davíð fái ekki að hafa Andra Eiðsson í sínu liði en hann fær ekkert að spila með frekar slöku félags liði sínu í Svíþjóð en er samt valinn í A-hópinn!
Þá er annar slakur leikmaður, Mikael Ellertson, ekki tilgengilegur í 21 árs liðið vegna undirlegheita landsliðsþjálfara stóra liðsins.

En Davíð möglar ekki heldur segir samstarfið við Arnar vera mjög gott. Svo fái hann kannski leikmenn frá Arnari ef vel gengur í fyrri leiknumm gegn Tékkum!!! Já, nægjusemin er aðdáunarverð!

Búinn að bíða eftir þessu í allt sumar

Landsliðsþjálfarinn alltaf við sömu fjölina felldur

Arnar Þór Viðarsson virðist ekki hafa miklar áhyggjur af gagnrýninni á hans störf sem landsliðsþjálfara, sem einkum beinast að liðsvalinu. Það má sjá af vali hans á því í þetta sinn. Enn er varamaður í liðið í spænsku c-deildinni valinn í byrjunarliðið, stráklingur sem hefur nær aldrei verið í byrjunarliði hjá félagi sínu. Á meðan situr Albert Guðm. á bekknum sem var einn af fáum með einhverju lífsmarki í leiknum gegn San Marinó.

Þarna eru og fleiri sem nokkuð sérstakt er að séu í byrjunarliðinu. Má sem dæmi nefna það traust sem Arnar virðist hafa á Daníel Grétarssyni, en hann hefur einnig leikið lítið sem ekkert með liðum sínum, hvorki áður í Blackpool né nú í Póllandi.

Kannski er ástæðan sú að landsliðsþjálfarinn hefur ekki úr öðru að spila en varamönnum í lægri deildum í Evrópu eða slökum til miðlungs spilurum á Norðurlöndunum, vegna þess að hann hefur hrakið nær alla reynslumestu leikmennina úr landsliðinu sökum leiðinlegrar framkomu gagnvart þeim. Svo segja sögurnar að minnsta kosti.

Þjálfarinn getur reyndar setið öruggur á sínum stóli því hann veit að forseti KSÍ stendur þétt við bakið á honum - og mun eflaust gera það þar til henni verður komið úr sínum eigin stóli fyrir vandræðagang.

 

Annað fjögurra marka jafntefli gegn Ísrael