Hvar er óveðrið?

 

Veðurfræðingarnir gera það ekki endasleppt til að vekja athygli á sér - og sýna hversu mikilvægir þeir eru. Spáðu óveðri þegar í nótt á suðvesturhorninu sem enn bólar ekkert á - og verður ekkert af. Isavialiðið vildi auðvitað ekki vera minni menn og aflýstu helling af flugferðum nú snemma morguns þó svo að veðrið hafi oft verið mun verra - og samt flogið.

Já, það er gaman að sýna vald sitt - og sýna þjóðinni hver það er sem stjórnar ferðavenjum landsmanna - og ferðamanna!

Og svo er það blessuð pressan. Engin gagnrýni heldur aðeins copy and paste-vinnubrögð þar á bæ - að venju.

Hver borgar svo kostnaðinn sem af þessu rugli hlýtur? Allavega ekki Veðurstofan eða Isavia.

Allar landgöngubrýr teknar úr notkun

Horfir á með "hryllingi"

Ekki hefur heyrst bofs frá þessum forsætisráðherra Hollands vegna fjöldamorða Ísraelshers á Gazabúum en þegar stuðningsmenn Palestínu og gagnrýnendur stríðsglæpa Ísraels á óbreyttum borgurum leyfa sér að svara ögrunum stuðningsmanna ísraelska fótboltaliðsins heyrist loks hljóð úr horni.
Ísraelsku fótboltabullurnar gengu um götur Amsterdam, veifandi ísraelska fánanum og hrópuðu slagorð til stuðnings þjóðarmorðinu á Gaza - og komust upp með það því lögreglan gerði auðvitað ekkert til að stöðva það.
Hún var hins vegar ekki seint til þegar stuðningsmenn Gazabúa sættu sig ekki við þessar ögranir - og afskiptaleysi löggunnar - og réðist gegn mótmælendum.
Ekki í fyrsta sinn sem stjórnvöld í Holllandi sýna fasistískar tilhneigingar sínar.

Og af hverju er Ísrael leyft að keppa á alþjóðlegum mótum? Er ekki kominn tími til að stoppa það? Já, hræsnin í stjórnvöldum í Evrópu er yfirgengileg.

Fordæma árásir á ísraelska áhangendur

Sú er klikkuð

Kannski verður að túlka þetta útspil formanns Samfylkingarinnar sem reynsluleysi í pólitíkinni en það virkar þó eins og hroki hennar og sé dæmi um einræðistilburði hennar. En kannski er þetta einfaldlega dæmi um vanhæfni til að stjórna stjórnmálaflokki?

Ekkert bendir til þess  að Dagur sé ógnun við forystuna, hann gefur einfaldlega kost á sér í forystusæti og er valinn sem slíkur af einhverri uppstillingarnefnd. 

Af hverju þá þessi yfirlýsing formannsins? Er flokkurinn á einhvern hátt farinn að efaat um forystuhæfileika hennar og þetta séu varnarviðbrögð við minnkandi trausti?

Skilaboðin í heild sinni: Dagur „aukaleikari“

Sjaldan lýgur Mogginn!

Fréttir Moggans af andláti VG virðast vera orðum auknar. Þessi könnun á vegum þeirra er eins og einhvers konar óskhyggja. Sjálfstæðisflokkurinn stærri en Miðflokkurinn og VG með 2,2% fylgi! Það er einkar athyglisvert að ekki kemur fram hversu margir tóku þátt í þessari könnun, í mesta lagi um 100 manns?

Á sama tíma var gerð önnur könnun af einhverju traustasta fyrirtækinu sem stendur að slíkum könnunum, Maskínu. Þar kemur í fyrsta lagi fram hve gild svör eru mörg, eða 871. 

Hjá Maskínu kemur einnig allt annað fram en í hinni pöntuðu könnun Moggans. VG eykur talsvert við fylgi sitt, fær yfir 5% atkvæða og kemur þremur mönnum inn! Það eftir að hafa lengi verið úti í könnunum. Ástæðan er augljós: að taka loksins af skarið og segja skilið við óstjórn Sjálfstæðisflokksins. Það kunna kjósendur að meta!

Á sama hátt kemur fram í könnun Maskínu að Miðflokkurinn fær mun meira fylgi en íhaldið, þvert á tilbúna könnun Moggans, eða 17,7% en Sjallarnir 14,1%. Meira að segja Viðreisn er farin að narta í hælana á Sjálfstæðisflokknum ...

Já, sjaldan lýgur Mogginn.

 

 

Ný könnun: VG í frjálsu falli

Morðingjar

Ef rétt reynist þá er þetta alvarlegur stríðaglæpur, rétt eins og þegar fyrri leiðtogi Hamas var drepinn nú fyrr í sumar. Að drepa pólitískan leiðtoga þjóðar, sem af mörgum löndum hefur verið viðurkennd sem sjálfstæð þjóð, er auðvitað fáheyrt og sýnir þvílíkur viðbjóður stjórnvöld í Israel eru.

Það hefur auðvitað verið vitað í rúm ár - og enn lengur svo sem - en það alvarlega er að foraeti Bandaríkjanna, Joe Biden, fagnar þessu morði: "Góður dagur fyrir Ísarel, fyrir USA og fyrir heiminn."

Enn er talað um hryðjuverkasamtökin Hamas og að þrátt fyrir drápið sé enn mikið verk eftir að vinna (drepa sem sé enn fleiri óbreytta borgara).

Skýrari réttlæting bandaríska forsetans á stríðsglæpi Ísraela hefur ekki heyrst áður.
Spurning hvort að Trump og repúblikanir sé ekki skárri kostur í forsæti Kanans en demókratar. Þeir síðarnefnu ítreka jú í sífellu að Ísrael hafi rétt til að "verja" sig.

Minnir mjög á "varnar"bandalagið NATO og innrásina í Írak á sínum tíma - og ofbeldi Vesturlanda gagnvart miðausturlöndum undanfarin 50 ár eða svo (og auðvitað mun lengur).

 

Leiðtogi Hamas drepinn

Bla, bla, bla, bla ... Bjarni

Sá er að reyna að bjarga eigin skinni - og flokksins. Fylgið hrapað dag frá degi og komið niður undir 10%!!

Og tylliástæðan? Jú útlendingamálin, lögreglan(!) og umhverfismálin (hin svokallaða "græna" orka sem er ekki grænni en vindmyllurnar sem á að reisa út um allt í ósnortinni náttúru landsins). Svo auðvitað lygin um að samfélagið kalli eftir þessu (nema auðvitað að samfélagið sé gróðaöflin og engir aðrir).
Já, hljóðið er skyndilega snarbreytt. Nú skipta fjárlögin engu máli né samgöngumálin. Þingróf á fimmudag og kosið 30. nóvember - þ.e. um hávetur!! 
Leitt að VG hafi ekki stolið glæpnum af Bjarna og samþykkt tillöguna sem lögð var fram á landsfundi þeirra fyrir skömmu - að slíta sjálf samstarfinu og það strax.

Ríkisstjórnin sprungin

Virða hvaða samkomulag?

Í stjórnarsáttmála ríkisstjórnarinnar segir m.a. þetta um málefni útlendinga (bls. 38):

"Kerfi og stofnanir sem meta einstaklings­bundnar aðstæður og hagsmuni eiga að vera skilvirk, laga- og regluverk skýrt og mannúðlegt og framkvæmd fullnægjandi."

Einnig þetta: "Áfram verður aukið við móttöku kvótafóttafólks með áherslu á einstaklinga og fjölskyldur í viðkvæmri stöðu."

Að lokum þetta: "Auka þarf traust og gagnsæi um ákvarðanir útlendingayfirvalda."

https://www.stjornarradid.is/library/05-Rikisstjorn/Stjornarsattmali2021.pdf

Ljóst er af þessu að það er ekki VG sem virðir ekki samkomulag stjórnarflokkanna heldur eru það Sjálfstæðismenn. Kerfið sem Sjálfstæðismenn veita forstöðu er hvorki "skýrt né mannúðlegt", ekkert tillit er tekið til fólks í viðkvæmri stöðu - og ekkert traust ríkir lengur til "útlendingayfirvalda" né gangsæi í ákvörðunum þeirra, enda einkennast þær af geðþótta viðkomandi stofnana. 

Það er auðvitað ágætt ef Sjálfstæðisflokkurinn slítur stjórnarsamstarfinu því hann mun ekki ríða feitum hesti frá kosningunum. Hins vegar er spurningin hvort núverandi stjórnarandstaða, með Samfylkinguna í fararbroddi, sé eitthvað betri því hún hefur verið samstíga íhaldinu í málaflokknum.
Nú síðast vakti færsla eins af þingkonum kratanna á Fésbókinni hörð viðbrögð svo hún sá þann kost vænstan að eyða skrifunum. Inntakið var stjórnleysi og að það væri "mannúð" að treysta stjórnvöldum!
https://www.visir.is/g/20242634117d/dag-bjort-eyddi-faerslu-eftir-hord-vid-brogd

Athyglisvert að mál fatlaðs drengs skuli afhjúpa á þennan hátt mannúðarleysi tveggja af stærstu stjórnmálaflokkunum og verða til þess að fella ríkisstjórnina. Oft veltir lítil þúfa þungu hlassi!

Kalli eftir endurskoðun af hálfu VG

Um morðin í Jeju í Suður-Kóreu árið 1948

Mikilvæg ákvörðun Sænsku akademíunnar í ljósi þjóðarmorðanna í Gaza, Vesturbakkanum og nú í Líbanon þessa dagana, með dyggum stuðningi bandarískra stjórnvalda. 

Nóbelsverðlaunahafinn í ár, Han Kang, skrifaði bókina Lifandi og dauðir um þjóðarmorðin á eyjunni Jeju í Kóreu þegar herlögreglan þar í landi, á vegnum einræðisstjórnarinnar þar sem var studd af Bandaríkjunum, bældi niður uppreisn eyjaskeggja með mjög brútölum hætti, þ.e. drápu á milli 80.000-100.000 manns, aðallega óbreytta borgara. Fram á miðjan 10. áratuginn var bannað að minnast á þessi morð þar í landi og var refsað með barsmíðum, pyntingum og fangelsun ef það var gert.

Stjórnvöld í Suður-Kóreu viðurkenndu þessi morð svo loksins árið 2003 og árið 2007 var einnig viðurkennt að þetta hafi verið þjóðarmorð.

https://en.wikipedia.org/wiki/Jeju_Island

 

Han Kang hlýtur Nóbelinn í bókmenntum

"Þá verður jörðin fyrir alla"

Myndin hennar Lísu

Gult fyrir sól, grænt fyrir líf,

grátt fyrir þá sem reka menn út í stríð.

Hvítt fyrir börn, sem biðja um frið

biðja þess eins að fá að lifa eins og við.

Er ekki jörðin fyrir alla?

---

Taktu þér blað, málaðu á það

mynd þar sem að allir eiga öruggan stað.

Augu svo blá, hjörtu sem slá

hendur sem fegnar halda frelsinu á.

Þá verður jörðin fyrir alla. 

Olga Guðrún Árnadóttir

https://www.tonak.is/is/skolinn/songvaflod/songbokin/myndin-hennar-lisu

Myndir: Mótmælt fyrir utan ríkisstjórnarfund

Biden: Gera Trump að skotmarki

Gamli jálkurinn hann Biden mismælir sig ekki aðeins eða tafsar á orðunum heldur er býsna illorður í yfirlýsingum sínum, svo það jaðrar við stríðsyfirlýsingar.
Orðrétt sagði hann fyrir nokkrum dögum: ”Put Trump in a bullseye”, sem útleggst jú eins og titillinn hér ofar segir. Og það var tekið bókstaflega.

Svo auðvitað þetta um bænina og að ofbeldi sé ekki liðið í landinu! Þetta stríðsæsingartal Bidens hefur reyndar fyrst og fremst beinst gegn Rússum og í yfirlýsingum um að Ísrael hafi rétt á að "verja" sig en þegar á annað borð er talað á þennan hátt, er stutt yfir í það að tala þannig einnig í kosningabaráttunni.

Rétt er einnig að minna á orð Macrons Frakklandsforseta um að ef flokkur hans myndi tapa í kosningum þar í landi þýddi það borgarastyrjöld.
Já lýðræðið á undir högg að sækja viða á Vesturlöndum og það einkum hjá þeim sem tala hæst um hve miklir lýðræðissinnar þeir eru.
Heimur á heljarþröm?

 

„Joe Biden gaf fyrirmælin“