Að gera neyðaraðstoð tortryggilega

Mogginn gerir það ekki endasleppt. Reynir að gera sjálfboðaliðastarf til að bjarga fólki frá bráðum dauða, tortryggilegt. Fyrir það fyrsta er söfnunin ekki opinber. Hún fer ekki fram með því að ganga í hús eða á götum úti heldur fer hún fram á netinu.
Þá eru fjölmörg dæmi um þannig safnanir þar sem er verið að safna fyrir einstaklinga, sem þurfa á fjárhagsaðstoð að halda og hefur ekki verið amast við slíku hingað til.

Hér er greinileg enn ein afvegaleiðingin hjá skrílnum sem starfar á Mogganum, auðvitað fyrst og fremst til að bera blak af aumingjunum í ríkisstjórninni, Bjarna Ben og kó, sem þykist vera að hjálpa því fólki á Gaza sem á dvalarleyfi hér á landi en kemst hvorki lönd né strönd með "hjálp" þess opinbera. Sú hjálp er auðvitað einber sýndarmennska enda hefur ekkert komið út úr henni.

Nýjustu fréttir frá Gaza eru þær að um 700 manns er enn á sjúkrahúsi eftir árásir Ísraelshers á sveltandi mannfjölda á Norður-Gaza, þar af 200 manns með skotsár. Yfir 100 manns hafa verið drepnir.
Samkvæmt Mannréttindastofnun Sameinuðu þjóðanna eru morðin á hlaupársdag ekki fyrsta árásin á fólk sem reynir að nálgast hjálpargögn á Gaza. Frá miðjum janúar til loka febrúar hefur Ísraelsher að minnsta kosti gert 14 árásir á mannfjölda sem safnast hefur saman til að taka á móti neyðaraðstoð. Skotið hefur verið á fólkið með sjálfvirkum byssum og kastað að þeim handsprengjum.

Þessar aðferðir Ísraelshers við stríðsreksturinn á Gaza hafa orsakað algjört neyðarástand á svæðinu og verður að rannsaka af óháðum aðilum sem brot á alþjóðarétti segir í tilkynningu frá Mannréttindastofnuninni.
Nú þegar hafa 10 börn látist úr hungri á sjúkrahúsum á Gaza og enn gerir ísraelski flugherinn árásir á flóttamannabúðir á svæðinu. 17 manns voru þannig drepnir í nótt.

Þetta reynir Mogginn að gera lítið úr með því að gera söfnunina til að forða börnum og konum undan þessum drápum tortryggilega.
Skömm blaðsins er mikil, rétt eins og allra þeirra sem ekkert gera til að koma þessu fólki til aðstoðar - heldur þvert á móti senda vopn og skotfæri til Ísraela svo þeir geti haldið morðunum áfram: Danmörk, Holland, Þýskaland, Frakkland, Ástralía, Kanada og svo auðvitað aðalbófinn, Bandaríkin.
Þetta eru bestu "vinir" hægra liðsins hér á landi og því ekki nema von að engrar hjálpar er þaðan að vænta.

Leyfislaus söfnun fyrir Palestínu

Segir Hamas?

Þetta er all undarleg frétt hjá Mogganum. Gefið er í skyn að það sé ekkert að marka þessa frétt um nýjasta fjöldamorð Ísraelshers á almennum borgurum í Gaza, því fréttin komi frá "heilbrigðisráðuneytinu" sem sé undir stjórn Hamassamtakanna!
Það vill hins vegar svo til að talsmaður Ísraelsstjórnar hefur viðurkennt að hafa skotið á fólkið. Þetta hryðjuverk hersins er svo staðfest af Al Jezeera fréttastofunni, sem verður nú að teljast áreiðanlegur og hlutlaus fréttamiðill.
Þar kemur og fram að a.m.k. 100 manns, eflaust mun fleiri, er alvarlega særður og liggi nú á sjúkrahúsi.
Þá hefur framkvæmdastjóri Sameinuðu þjóðanna, Antonio Guterres, fordæmt fjöldamorðin og krefst tafarlauss vopnahlés.
Mogginn kýs hins vegar að horfa framhjá þessum staðreyndum og reynir að gera þessar fréttir tortryggilegar. Er það ekki í fyrsta sinn sem það gerist þar á bæ.
Þá hefur Öryggisráðið verið kallað saman nú í kvöld vegna þessa hryðjuverks Ísraelshers á óbreyttum borgarum á Gaza.

Segja yfir 100 drepna í skotárás Ísraela

Hræðsluáróðurinn magnast

Eftir gosið 8. febrúar sl. byrjaði strax hræðsluáróðurinn um að stutt væri í næsta gos á Reykjanesi. 23. febrúar var til dæmis sagt að það gæti gosið í næstu viku miðað við kvikusöfnun. Samt kom fram í annarri frétt um svipað leyti, í þetta sinn frá HÍ, að áætlað væri að uppsöfnuð kvika sé 5 milljónir rúmmetrar en að það þurfi 8-15 milljón rúmmetra til að gjósi á ný. Samkvæmt því gæti nýtt gos dregist til 15. mars en yfirleitt hljómar hræðsluáróðurinn upp á mánaðarmótin næstu.
Nú þegar dregur nær mánaðarmótunum er þetta ítrekað, en Veðurstofan segir hins vegar að það þurfi 8-13 milljónir rúmmetra til að gjósi á ný. Þarna lækkar magnið sem sé um tvær milljónir rúmmetra miðað við tölur frá Háskólanum (þ.e. í hærri magntölunum)! 
Svo sem ekki skrítið. Veðurstofan er miklu duglegri í að hræða fólk en Háskólinn er. Ætli henni sé borgað sérstaklega fyrir það að halda íbúunum hræddum - og burtu frá bænum?
Þá er auðvitað verið að telja fólki trú um að vísindin, og tæknin, séu það nákvæm að þau geti reiknað út hve mikið kvikumagn sé á ferð. Vona að almenningur sé ekki svo auðtrúa.

Aukið hættustig: 7,6 milljónir rúmmetra af kviku

Alþingismaðurinn og mótmælendur

Birgir Þórarinsson guðfræðingur og alþingismaður, áður fyrir Miðflokkinn en nú fyrir Sjálfstæðisflokkinn, er einn þeirra sem reynir að auka á andúð fávísra öfgamanna á Palestínumönnum og stuðningsmönnum þeirra. Hann skrifaði grein í Moggann í gær, fimmtudag, þar sem koma fram lúalega árásir á mótmælendur og lygar á leiðtoga Palestínumanna, þ.e. Hamas, og er það ekki í fyrsta skipti sem hann lepur upp lygarnar frá hægri öfgamönnum í Ísrael.

Lúalegheit Birgis felast m.a. í því að bera saman fjöldamorðin á Gaza og "flóttamennina" frá Grindavík! Einnig er honum tíðrætt um að leiðtogar Hamas lifi í vel-listingum  í útlöndum en hvetji til fórna almennings á Gaza. Hann nefnir Khaled Mashal sem dæmi, kallar hann miljónamæring sem færir engar fórnir en fórnar löndum sínum í staðinn. Hvergi er vitnað í heimildir fyrir þessu, enda eflaust hrein og klár lygi eins og fleira sem kemur frá þessum fyrrum Miðflokksmanni.

Hið rétta er að Mashal var leiðtogi Hamassamtakanna, sem unnu stórsigur í almennum kosningum í Palestínu árið 2006 og var við stjórnvölin í Gaza til árins 2017. Núverandi leiðtogi Hamas býr á Gaza og deilir með því örlögum þjóðar sinnar.
Af Mashal er það að segja að Ísraelsstjórn hefur margoft reynt að myrða hann - m.a. árið 1997 - og deilir þannig einnig örlögum með löndum sínum. Hann varð leiðtogi Hamas eftir að Ísraelsmenn drápu tvo æðstu forystumenn Hamas árið 2004.
Af dvöl hans í útlöndum er það að segja að hann bjó lengi í Jórdaníu, þ.e. í gömlu Palestínu, þar til konungur Jórdana rak hann og fleiri Palestínumenn úr landi til að þóknast Kananum og af hræðslu við Ísrael. Síðan hefur hann verið landflótta eins og svo margir Palestínumenn. Vinsældir hans og Hamas meðal Gazabúa má fyrst og fremst rekja til þess hve hreyfingin hefur verið dugleg að berjast fyrir réttindum Palestínu og að standa uppí hárinu á fasistastjórninni í Jerúsalem.

https://en.wikipedia.org/wiki/Khaled_Mashal

 

Keyrt á mótmælanda fyrir utan Ráðherrabústaðinn

Hvað má þá kalla Biden?

Biden er jafnan stórorður í garð þeirra sem hann, og bandarísk stjórnvöld, telja vera sína höfuðandstæðinga, svo stórorðir að þeir sem verða fyrir þessu eru farnir að yppa öxlum. Reyndar reiddust Kínverjar nýlega þegar forseti þeirra var kallaður einræðisherra svo sumum er ekki alveg sama.
En hvað má kalla Biden, sem ber jú höfuðábyrgð á pólitík Kanans nú um stundir? Þeir hafa nú í þrígang beitt neitunarvaldi í Öryggisráði SÞ um tafarlaust vopnahlé á Gaza, nú síðast með einhverjum afsökunum um að þeir séu að vinna að friði. Á sama tíma halda þeir áfram að senda Ísraelum hergögn, svo vel má kalla Biden og kó, fjöldamorðingja þar sem hann (og þeir) er(u) samsekur (sekir) í fjöldamorðunum á Gazaströndinni.
Einnig má benda á málefni blaðamannsins Julian Assange, sem bíður þess að verða framseldur til Bandaríkjanna til að rotna þar í fangelsi ævilangt fyrir það eitt að benda á stríðsglæpi Kanans í Írak á sínum tíma. Því má einnig kalla Biden stríðsglæpamann og sömuleiðis stjórnvöld í Bandaríkjunum. 
Þriðja dæmið eru fangabúðirnar við Guantanamoflóa á Kúbu. Þar eru enn í haldi, án dóms og laga, nokkrir meintir "hryðjuverkamenn", sem hafa sætt pyntingum og öðru harðræði nú í rúm 20 ár, án möguleika á að sleppa þaðan nokkurn tímann. Það eru mannréttindabrot af verstu gerð. 
Sjá https://www.amnesty.org.uk/guantanamo-bay-human-rights

Biden er þannig fjöldamorðingi, stríðsglæpamaður og níðingur, auk þess sem maðurinn er auðvitað fífl sem ætti að hætta að kasta grjóti úr glerhúsi. Sama á auðvitað við um bandarísk stjórnvöld.

Biden kallar Pútín brjálaðan tíkarson

Sagan af miskunnsama Ísraelanum

Það er óhætt að segja að hægriöfgastjórnin sem nú ræður ríkjum í Ísrael sé trú sínum þjóðar- og trúararfi. Litið er á alla Gazabúa sem Hamasliða og því réttdræpa, einnig konur, börn og gamalmenni. Netanyahu ætlar greinilega ekki að hljóta sömu örlög og Sál konungur sem sagt er frá í Gamla testamentinu (1. Samúelsbók).

Sál var hafnað sem konungi vegna þess að hann óhlýðnaðist boði æðsta prestsins um að drepa alla þjóðina sem herinn hafði unnið sigur á "bæði karla og konur, börn og brjóstmylkinga, naut og sauðfé, úlfalda og asna."
Reyndar fór Sál að mestu eftir þessari skipun frá Guði í gegnum prestinn sinn, framdi fjöldamorð á fólkinu en þyrmdi þó besta búfénaðinum. Þannig kom það til að Davíð varð konungur í Ísrael og ríkið mikla, Zíon, varð til. 
Þetta vilja auðvitað heittrúaðir gyðingar að komi aftur, hið mikla ríki Zíons, hvað sem það kostar - og Netanyahu þorir ekki öðru en að láta að vilja þeirra. Annars gæti það kostað hann lífið rétt eins og gamla Sál.

Um fjöldamorð þessi kvað Hallgrímur Pétursson á sinni tíð í Samúelssálmum sínum:
"far þú nú hratt og hefndir vek,
í hel slá þennan lýð,
menn, kvinnur, fénað til ég tek,
traust fólk sem börnin fríð."

Svo er auðvitað ekki dónalegt að feta í fótspor Davíðs hin mikla Ísraelskonungs:

Davíð herjaði á þjóðir þær,

sem þar í kringum bjuggu nær,

Gesúr og einnig Amalek,

undra mikið því herfang fékk.

 

Kvikfé rænti og klæðum þó,

kvinnur og menn til heljar sló,

lifandi engan lét þar mann

leyna vildi um hernað þann.

...

 

Allt fram að öðru kveldi

frá árla morguns tíð,

fólk Davíðs heiðna felldi,

fullgerðist hefndin stríð

undan ei rann

af þeim lifandi mann ...

Ísraelar veita lokafrest vegna Rafah

Er verið að ala á fordómum?

Á hinum Norðurlöndun er yfirleitt reynt að forðast það að nefna hvers þjóðar fólk er sem lendir í vandræðum við lögin. Þetta til þess að vera ekki að mata hægra öfgafók og útlendingafóbíu.
Hér á landi er það einnig þannig yfirleitt nema þegar fjölmiðlar tengdir hægri öflunum telja sig hafa ástæðu til að greina frá þjóðerninu - og þá yfirleitt í áróðursskini.
Það er auðvitað augljóst í þessari frétt. Palestínumenn eru bara til vandræða og því á að loka landinu fyrir þeim. Stefna Sjálfstæðisflokksins og Viðreisnar og núna síðast forystu Samfylkingarinnar.
Vesælli fréttamennska er vandfundin.

 

Báðir stungumennirnir palestínskir flóttamenn

Samfylkingin og flóttamenn

Þarna er ýmislegt sem ástæða er til að velta fyrir sér. Vinstri grænir hafa jú fengið mikil ámæli fyrir að láta Sjálfstæðisflokkinn stjórna alfarið móttöku eða réttara sagt ekki-móttöku Palestínu­manna sem eiga yfir höfði sér að vera drepin af hinum morðóða Ísraelsher.
Viðtalið við formann Samfylgingarinnar sýnir sama tvískinnungsháttinn og einkennir kratana á hinum Norðurlöndunum í afstöðu þeirra til framgöngu Ísraels gagnvart Palestínufólki.
Kristrún segist hafa „skilning á lögum dómsmálaráðherra um búsetuúrræði“ og virðist ætla að styðja frumvarp hennar þar um. Þá talar hún um sjálfbærni í þessu sambandi, hvað sem það nú þýðir.
Svo um tengslin við Danmörku en þar er krati forsætisráðherra í samstarfi við hægri flokkana. Kristrún segist vera í góðum tengslum við Mette Frederiksen sem framfylgir mjög harðri flóttamannastefnu og segist bæði og vera sam­mála henni: „það þarf að hafa stjórn á landamærunum okkar.“
Þetta er nú ekki alveg það sama og slag­orð No Borders samtakanna, sem hafa hljómað í mjög fjölmennum mótmælum gegn stefnu íslenskra stjórn­valda í málefnum Palestínu og almennt hefur verið tekið undir með þeim.
Kristrún vill svo að Ísland gangi í takt við aðrar Norðurlandaþjóðir varðandi hælisleitendakerfið en eins og kunnugt er, er það eitthvað hið öfgafyllsta í Evrópu. Pragmatík og raunsæi er hennar mottó og að passa uppá „velferðarkerfið“.
Ekki orð um fjölskyldusameiningu Gazabúa við Palestínumenn hér heima heldur vísar á stjórnvöld: „Rík­is­stjórn­in er að reka þessa stefnu núna. Hún tek­ur ákvörðun um að veita þessi dval­ar­leyfi núna."
Ég er efins um að óbreyttir liðsmenn Samfylkingarinnar taki almennt undir með henni hvað þetta varðar.
Hér er kratinn greinilega að viðra sig upp við íhaldið. Ný Hrunstjórn í uppsiglingu? Þá lauk henni með búsáhaldarbyltinu, nú gæti hún hafist í miðri nýrri búsáhaldabyltinu.
Já, pólitíkin er ekki lík nokkurri annarri tík.
Sjá einnig hér: 
https://www.visir.is/g/20242529369d/vill-ekki-ad-is-land-skeri-sig-ur-i-haelisleitendamalum

Opin landamæri og velferðarkerfi fari ekki saman

Mjög alvarleg gagnrýni á Almannavarnir

Framganga Almannavarna, undir stjórn Ríkislögreglustjóra, hafa sætt miklu ámæli fyrir framgöngu sína gagnvart Grindvíkingum. Bærinn hefur lengi verið næstum lokaður íbúunum meðan fjölmiðlar, björgunarsveitarfólk og fleiri hafa fengið að valsa um að eigin geðþótta.
Samkvæmt þessu viðtali við smið bæjarins hefur framkoman við atvinnufyrirtækin í bænum þó verið algjörlega forkastanleg, eins og reyndar hefur komið fram áður. Þau hafa ekki fengið að koma inn í bæinn til að bjarga verðmætum nema eftir langa bið og mikla andstöðu Almannavarna.

Af hverju? Er meðvitað verið að gera bæinn að eyðiþorpi svo vildarvinir íhaldsins (sem jú stjórna Almannavörnum og lögreglumálum almennt) geti fengið húsin á slikk þegar að því kemur?

Munum að Ísland er talið með spilltari löndum í Evrópu og það spilltasta á Norðurlöndunum. Af hverju skyldi það vera? 
Enn sannast það sem forðum var sagt: "Íhaldið er alltaf sjálfu sér líkt. Ódrengilegt í bardagaaðferðum, undirförult og svikult við öll góð mál."

Sér enga framtíð í bænum sem hann byggði

Verður nú tekið mark á honum?

Hneykslið við að ekki var búið fyrir löngu að gera varnargarð við hitavatnslögnina til Reykjanesbæjar (og við Grindavíkurveg), til að hindra hugsanlegt hraun í að eyðileggja lögnina, er sífellt að verða augljósara öllum. Þessi frétt afhjúpar það svo endanlega. 

Ákvörðun dómsmálaráðherra um að gera frekar varnargarða við Svartsengi, garða sem enn hefur ekkert reynt á, en við hitaveitulögnina eða ofar á svæðinu þar sem hraunið brann í nóvember, er augljóslega mikil mistök og dæmi um nepótisma, frændhygli, og vanhæfni í starfi. 

Nægur tími var til stefnu til að hindra það sem gerðist nú í þriggja daga eldgosinu í þessum mánuði. Öll þessi gos hafa verið algjörir ræflar en samt ollið miklu tjóni, þ.e. tvö þau síðustu þó þau væru langminnst.
Íslendingar hafa áratuga reynslu í að gera varnargarða við fjöll, fyrir vestan, norðan og austan, og vita að staðsetja skal garðana þar sem mest er hætta á skriðum, þ.e. í kringum gil, lækjarfarvegi og annan halla eða rás í landslagi. En það var ekki gert fyrir þetta síðasta gos þó svo að þrír mánuðir hafi verið til stefnu eftir reynsluna af nóvembergosinu.

Hvernig ætli ástandið væri ef það hefði komið almennilegt gos? Og ætli stjórnvöld sofi enn á verðinum - og dómsmálaráðherrann segir eins og hún gerði í öðru tilfelli: "Okkur ber engin skylda til að hjálpa ..."? Varla í þessu máli. Þetta er jú kjördæmið hennar. Hætt er þó við að hefnt verið fyrir vanhæfni hennar og vinahygli í næstu kosningum nema hún snúi við blaðinu hið bráðasta (en skaðinn er þó skeður).

Varaði nákvæmlega við því sem gerðist