Að reyna að græða á tilmælum stjórnvalda

Icelandair er svo rausnarlegt að bjóða ferðalöngum á Spáni upp á að flýta heimferð sinni, að gefnum tilmælum stjórnvalda hér heima, með því að fljúga heim annað kvöld. Og prísinn er "aðeins" 80.000 kr. fyrir heimferðina!

Bjóði aðrir betur!

https://www.vb.is/frettir/18-flugferdum-um-leifsstod-aflyst-i-dag/160617/

Staðfest smit orðin 174

Einbeittur brotavilji

Meðan sóttvarnarlæknir og stjórnvöld gera talsvert til að draga úr útbreiðslu kórónuveirunnar heldur ferðaskrifstofan Vita (og Icelandair) að auglýsa ferðir til Spánar (lands í algjörri sóttkví), nú síðast með því að "bregða á leik" og gefa eina(!) ferð á hááhættusvæðin!

Þvílík ósvífni, græðgi og einbeittur brotavilji - og fjölmiðlarnir skammast sín ekki fyrir að segja gagnrýnislaust frá þessum farsa - og í raun að auglýsa þetta fyrir þá samviskulausu með að birta þessa "auglýsingu":

https://www.visir.is/g/2020200309179/vita-bregdur-a-leik-og-gefur-ferd-fyrir-tvo-til-kanari

 

163 tilfelli kórónuveirunnar greind

Enn flogið á Spán þrátt fyrir útgáfubann þar

Þau er ótrúlegt að vita til þess að ferðaskrifstofan Vita er enn með ferðir til Spánar (Kanaríeyja) þrátt fyrir útgáfubannið þar í landi.
Ástæðan ætti að vera augljós. Ef ferðaskrifstofan felldi þessar ferðir niður þyrfti hún að endurgreiða fólki ferðirnar en með þessu móti kemst hún hjá því. Já, fégræðgin ríður ekki við einteyming á þeim bænum.
Ferðafólkið, sem skiljanlega hefur lítinn áhuga á að fara utan til þess eins að hanga inni á hótelherbergjum vegna útgöngubannsins og afpantar því ferðirnar, þarf þannig að bera sjálft kostnaðinn.

Ef það væri einhver dugur í íslenskum stjórnvöldum væru þau búin að loka fyrir þessar ferðir og hefðu þegar gefið út tilkynningar um hvernig fólki (og fyrirtækjum) væri bætt þetta tap upp. Ónei, í staðinn er engin takmörk á ferðalögum á helstu hættusvæðin, heldur fólk sett í sóttkví þegar það kemur heim! 
Mætti maður þá heldur biðja um pólitískar aðgerðir hér heima rétt eins og gert er í Danmörku, Noregi og víðar?

https://www.ruv.is/frett/ferdir-til-og-fra-kanarieyjum-a-aaetlun

Útgöngubann á Spáni og hluta Frakklands lokað