Adólf Ingi frábær!!!

Magnaðar lýsingar Adólfs Inga (ég gef mér að það hafi verið hann sem lýsti, slik voru tilþrifin) á hinni mjög svo umtöluðu vörn Alexanders Pettersons ("skriðtæklingu" kallar Adólf Ingi hana en slíkt mun víst bannað í handbolta) hljóta að vera á hvers manns vörum á Íslandi þessa daganna.

Spurningar eins og "Hvaðan kom hann, hvert er hann að fara, hvað er hann?" eru einmitt spurningar um helstu rök tilverunnar, um veru og eigind sérhvers manns. Svörin við þeim gætu leitt íslenska þjóð út úr þeirri tilvistarkreppu sem hún nú er í og til þess fagnaðar sem bronsið á Evrópumótinu leysti úr læðingi.

Megi hinar mögnuðu tilvistarspurningar Adólfs Inga verða okkur að leiðarljósi á göngu okkar til móts við hinn eilífa himneska fögnuð sem felst í því að þekkja sjálfan sig - og þar með að sigrast á öllum erfiðleikum.

Átti íslenska liðið boltann?

Athugasemdir

[Skarfurinn, 3.2.2010 kl. 09:13]

Gott að það er til einhver sem hefur gaman af Adolfi Inga trúð, leiðinlegri íþróttalýsanda hef ég aldrei heyrt á ævinni, maðurinn er að rifna úr monti og margt sem hann segir er bull. 

[Guðmundur St Ragnarsson, 3.2.2010 kl. 09:30]

Það er ekki víst að Adolf sé "tæknlegasti" íþróttalýsindi landins og persónulega finnst mér hann alls ekki góður - finnst hann tala of mikið í almennum frösum í staðinn fyrir að mæla fyrir um þekkingu á íþróttinni - handbolta sem öðrum íþróttum. En hann má þó eiga það að þessi setning hans var frábær, ógleymanleg.

[Torfi Kristján Stefánsson, 3.2.2010 kl. 10:23]

Ég var nú bara að grínast, eins og ég hélt reyndar að allir sæju!

Skákmennirnir, vinir mínir, hafa tjá sig um "snilld" Adólfs Inga, sjá http://hornid.com/cgi-bin/mwf/topic_show.pl?tid=10297

[GAZZI11, 3.2.2010 kl. 14:06]

Þetta er eins og að verða fyrir "Sementssteypubíl" sagði hann einhvern tíma

[Bragi Þór Valsson (IP-tala skráð) 3.2.2010 kl. 14:31]

Ég var að hlusta á þessa lýsingu í útvarpi og var nákvæmlega engu nær um hvað Alexander hefði eiginlega gert ("VÁÁÁ... SÁUÐI'ÐETTA? SJÁIÐ BARA! SJÁUM ÞETTA AFTUR!" - frekar erfitt að sjá í gegnum Rás 2. Það hefði einhver mátt segja Adolf Inga að hann væri líka að lýsa í útvarpið.  Annars finnst mér hann fínn.

[Torfi Stefánsson (IP-tala skráð) 3.2.2010 kl. 16:09]

Nú er búið að stofna hóp utan um þessu fleygu orð kappans, eða kannski bara aðdáunarklúbb hans og hafa um 7000 manns skáð sig á tveimur dögum!!! Sjá

http://www.facebook.com/home.php?#!/pages/Hvadan-kom-hann-Hvert-er-hann-ad-fara-HVAD-ER-HANN/276980773058?ref=mf

[Torfi Stefánsson (IP-tala skráð) 3.2.2010 kl. 16:38]

Hér er annar aðdáunarhópur á Facebook með tæpa 2800 meðlimi!:

http://www.facebook.com/group.php?gid=447476650620&ref=ts

[Kalli kokkur (IP-tala skráð) 3.2.2010 kl. 18:39]

Aljörlega sammála öllum nema þeim sem eru ekki sammála mér.

Dolli var gjörsamlega frábær.  Hvar værum við án svona manna?

Þeir sem hlustuðu á útvarpsýsinguna sem var alltaf að detta út og einhver á Íslandi tók við af Dolla heyrðu nú heldur betur muninn. Þurr upptalning á nöfnum. Uss bara.

Dolla í forsetann segi ég.

Don Carlos

[Davíð (IP-tala skráð) 5.2.2010 kl. 14:10]

Það sem hefur komið mér á óvart er hversu margir þola ekki Dolla...gott og vel.  Það sem kemur mér enn meira á óvart er hversu margir virðast fíla þakrennuapann hann Guðjón Guðmundsson. 

Að þessi maður skuli vera fyrir framan alþjóð að lýsa íþróttaviðburðum og segja fréttir er með ólíkindum.  Ekki nóg með að hann Gaupi sé þvoglumæltur heldur talar hann og talar og talar án þess að segja nokkuð!  Svo ekki sé nú minnst á ,,frasana" hans....einhver sé ,,skruggufljótur" eða ,,mikið mun betri en einhver annar". 

 Skulum hafa það á hreinu að einhver getur verið mikið betri eða hann er mun betri en einhver annar.....það er ekki til neitt mikið mun betri!!

 Ég get haldið endalaust áfram með þessa þvælu í honum en ég þarf að halda áfram að vinna....góðar stundir.