Mið-hægri kall!

Það er athyglisvert hversu Hollendingar eru miklu herskárri og óbilgjarnari en Bretar hvað Icesave-málið varðar. Meðan Bretar sýna skilning á smæð samfélagsins og finnst upphæðin há sem lendir á hverjum einstaklingi, þá láta Hollendingar sér fátt um finnast og telja að við eigum létt með að borga skuldina. Einnig hefur verið fullyrt að Hollendingar séu miklu erfiðari en Bretar í samningarumræðunum - og rennur þessi frétt stoðum undir það.

Fjármálaráðherra Hollendinga tilheyrir krist-demókrata flokknum hollenska, rétt eins og forsætisráðherrann, en flokkurinn er mið-hægri flokkur. Ríkisstjórnin á Bretlandseyjum er hins vegar stjórn jafnaðarmanna eins og allir vita.

Rétt er einnig að benda á að hægri stjórnirnar í Evrópu, ekki síst á Norðurlöndunum, eru okkur mun erfiðari en stjórnir vinstri manna. Má þar benda á Finna og Svía en þeir vilja ekki lána okkur ef ekki verður gengið frá Icesave-málinu, en Norðmenn vilja hins vegar helst ekki tengja lánið við Icesave né AGS-lánið, enda er þar vinstri stjórn.

Málið er ekki það að ástæðan sé sú að það er vinstri stjórn á Íslandi, heldur er það einkenni hægri manna að borga ekki, hvorki sínar skuldir né annarra!

Ljóst er að mið-hægri stjórnarandstaðan hér á landi hefur engin tök á systurflokkum sínum ytra, enda er mottóið hið sama hjá þeim: "við borgum ekki"!

 Það eiga þeir svo sammerkt með fjárglæframönnunum, sem stálu öllum ICESAVE-peningunum:

VIÐ BORGUM EKKI!

Er ekki kominn tími til að hætta að hlusta á lýðskrum stjórnarandstöðunnar?

 

Ísland getur vel borgað skuldina