Áhangendur Víkings mjög ánægðir!

Samkvæmt bloggi í tengslum við fréttina af samningi Víkings við Stefán er ljóst að áhangendur liðsins þykjast himinn höndum tekið þegar fréttist af undirskrif Stefáns, sjá http://fotball.aftenposten.no/eliteserien/article165147.ece

Forystumenn liðsins þykja og hafa brugðist fljótt við þar sem félagaskiptaglugginn lokast eftir tvo daga, og allir miðvallarleikmenn Víkings eru á slysalista. Reyndar telja stuðningsmennirnir að Stefán verði fastamaður en einhver hinna á bekknum þegar þeir koma til baka.

Er helst rætt um að það verði einhver besti maður liðsins, Sokolowski, sem muni helst verða settur á bekkinn þar sem hann leikur svipaða stöðu og Stefán, þ.e. sem varnartengiliður. Bloggverjar virðast nefnilega sammála um að Stefán sé miklu betri leikmaður!

Kannski kemur það mest á óvart að Stefán skuli ljá máls á því að fara frá Bröndby, því þjálfarinn sem setti hann á bekkinn var rekinn nýlega og nýr tekinn við. Hins vegar er Viking flott lið og nýi þjálfarinn, Hareide, fyrrum landsliðsþjálfari Noregs.

Athygli vekur hins vegar að hér heima ræða menn lítið sem ekkert um meiðsli Birkis Bjarnasonar en hann er einn albesti leikmaður Víkingsliðsins - og eflaust einhver efnilegasti yngri leikmaður okkar.

Hann er einn þriggja miðjuleikmanna liðsins sem er meiddur en ólíklegt er að Stefán taki hans stöðu því Birkir leikur mun framar á vellinum.

 

Viking staðfestir samning um Stefán