Ólafur enn við sama heygarðshornið

Það er ekki hægt að segja að Ólafur Jóhannesson landsliðsþjálfari komi á óvart með vali sínu á landsliðinu - og ber ýmsu við eins og venjulega.

Nú segist hann hvíla leikmenn sem spili á Englandi, svo sem Eið Smára, en notar samt þrjá leikmenn þaðan, Aron Einar Gunnarsson Coventry, Gylfi Þór Sigurðsson Reading og Heiðar Helguson Watford!

Þá velur hann engan leikmann sem spilar í Svíþjóð. Eins og venjulega hlýtur Hjálmar Jónsson Gautaborg ekki náð í augum einvaldsins og ekki heldur Eyjólfur Héðinsson GAIS, sem þó hefur verið að spila vel, og alls ekki vinstrifótarleikmanninn Ara Skúlason sem þó er að gera mjög gott tímabil með Sundsvall (og þó svo að Emil Hallfreðsson sé ekki með). Ragnar Sigurðsson Gautaborg er meiddur svo hann kemur ekki til greina, en Hallgrímur Jónasson er að spila alla leiki með GAIS, en er samt ekki valinn.

Ljóst er að vinstri vængurinn verður mjög slakur því annar vinstrifótarleikmaður, Bjarni Eiríkur Ólafsson Stabæk, er heldur ekki valinn. Ástæðan er eflaust sú að hann er kominn til Noregs sem er svo miklu verra en að spila hér á landi (þó svo að hann spili alla leiki með liði sínu) en meðan hann var hér spilaði hann alla leiki. Fleiri leikmenn í Noregi eru dottnir úr liðinu, svo sem Birkir Már Sævarsson þó svo að enginn hægri bakvörður virðist vera í liðinu (eða hægri vængmaður, sem er í leikæfingu) en Birkir spilar alla leikia með Brann.

Þá hefur Rúrik Gísla ekkert verið að spila fyrir OB undanfarið vegna meiðsla en er samt valinn og Arnór Smárason ekki heldur en það er líklega einkum þess vegna að hann kemst í liðið. Fleiri hetjur eru þarna aðrir en Arnór, sem ekki komast einu sinni á bekkinn hjá liðum sínum, menn eins og Jóhann Berg Guðmundsson og Kolbeinn Sigþórsson.

Óli þjálfari virðst vera að gefa ungu strákunum sjens með þessu en þá skal bent á að undankeppni EM er að byrja nú í september. Því ætti að vera sjálfgefið að bestu leikmenn okkar fái tækifæri til að spila saman og reyna með því að fá upp reynslumikil og samæft lið. Svo er ekki en stólað á reynslu- og æfingarlausa stráka eins og fyrri daginn. Ætli það sé vegna þess að þeir eru auðsveipari við þjálfarann en þeir eldri og reyndari?

Ég spá því að Ísland verði aftur í neðsta sæti síns riðils á EM, enda stefnir KSÍ leynt og ljóst að því með því að halda í Óla sem landsliðsþjálfara. Eitt er víst að ekki mæti ég á völlinn til að sjá þetta lið spila.

Ólafur valdi ungan hóp gegn Andorra