Hörkuleikur

Ljóst er að það verður ekkert auðvelt fyrir Argentínu í næstu umferð (í 16 liða úrslitunum) gegn Mexíkó (ef við gefum okkur að Arg. tapi ekki fyrir Grikklandi).

Mexíkóar voru mun betri í seinni hálfleiknum gegn Úruguay og sýndu flottan leik en Suður-Ameríkuliðið hélt sínu.

Aðalleikurinn í kvöld verður örugglega Argentína og Grikkland því Arg. er ekki öruggt áfram ef þeir tapa. Þá eru þeir eflaust ekki ánægðir með annað sætið á eftir Grikkjum því Úruguay er ekki með árennilegt lið. 

Þeir geta því varla haft efni á því að stilla upp einhverju varaliði eins og sparkspekingarnir á RÚV eru að gefa í skyn.

Annars verður örugglega einnig gaman að sjá Nígeríu gegn Suður-Kóreu. Afríkumennirnir eru alls ekki búnir að gefa upp alla von, auk þess sem Suður-Kórea er að spila flottan bolta í þessu móti.

 

Úrúgvæ tryggði sér efsta sætið