Gengur fljótt fyrir sig!

Það er svei mér kraftur í stofnunum kirkjunnar þessa daganna hvað þessi nýju hjúskaparlög og hjónavígsluform varðar. Kenningarnefnd, helgisiðanefnd og biskupafundur er hvert öðru duglegra við að hittast og ganga frá þessu máli.

Ef mig misminnir ekki þá var talað um það í fyrra (eða hitteðfyrra) hversu lengi þetta ferli muni taka, allt að einu til einu og hálfu ári. Nú er því lokið á innan við tveimur mánuðum!

Ekki ætla ég að kvarta yfir þessu heldur fagna þessum nýju vinnubrögðum heilshugar. Hins vegar er leitt að sjá hvernig reynt hefur verið að afvega leiðafólk undanfarin ár með þeim undanskotum sem þá voru viðhöfð.

Þau hafa komið óorði á kirkjuna og leitt til þess að fjöldi fólks hefur sagt sig úr henni. Ég er hræddur um að þessi stefnubreyting kirkjunnar sé of seint til komin og dragi ekki úr þeim skaða sem þegar er skeður.

Prestum sent nýtt hjónavígsluform

Athugasemdir

[Júlíus Valdimar Finnbogason, 23.6.2010 kl. 11:50]

Soldið mögnuð þessi kirkja.

Ég og mín kona giftum okkur í kirkju þrátt fyrir trúleysi. Já hræsni segja sumir og má það vera en mér finnst umgjörðin flott og hef borgað minn skatt sem meðal annars rann til kirkjunnar áður en að því var breytt þannig að ég hafði fullan rétt á að nýta mér þetta(bara að koma þessu fram) ;)

 Annars giftum við okkur og það var heljarinnar mál að fá prest sem var tilbúinn að fara út fyrir bókina. Töluðum við 6 presta áður en við fundum einhvern sem virti okkar óskir. Þeir heimtuðu sálma og þessi og hin lögin voru bönnuð í krikjunni. Það var alltaf eitthvað þar til við hittum þann sem gifti okkur.

 Ég veit ekki hvort má nefna þann aðila með nafni þannig að við skulum orða það svona, hann er ekki af íslenskum ættum og besti og skemmtilegasti prestur sem ég hef kynnst. 

Flestir prestar eru ótrúlega stífir og bera enga virðingu fyrir fólkinu sem er að fara að gifta sig(mín reynsla) og allt snýst um kirkjuna í þeirra augum. 

Íhaldsemi presta er skelfing og kirkjan sjálf er enn verri. Öllum nýjungum þar ber að fagna, svo lengi sem þær eru í takt við samfélag dagsins.