Ítalir stilla upp varnarliði að venju

Leikur Ítala og Slóvaka verður eflaust leiðinlegur til að byrja með, ef marka má uppstillingu Ítala.

Enn einu sinni situr Camoranesi á bekknum í upphafi leiks svo leikurinn byrjar ekki fyrr en með innkomu hans í seinni hálfleik.

Hægt er að horfa á báða leikina hér og sleppa sjónvarpinu: http://www.eurovisionsports.tv/

 

 

 

Heimsmeistararnir úr leik - Slóvakar fóru áfram

Athugasemdir

[Torfi Kristján Stefánsson, 24.6.2010 kl. 14:33]

Jæja eitt mark komið og það hjá Slóvökum. Ítalir verða að fara að sækja núna og þá er ekki hægt að hafa mann eins og Gattuso inn á!

Annars kenna Ítalir þjálfaranum um ófarirnar hingað til og vali hans á liðinu.

Leikmenn eins og Antonio Cassano, Francesco Totti, Mario Balotelli og Fabrizio Miccoli sitja heima en í staðinn fóru Antonio Di Natale, Giampaolo Pazzini, Alberto Gilardino, Fabio Quagliarella og Vicenzo Iaquinta. Leikmenn sem hafa ekki síst neitt á alþjóðavettvangi í mörg ár.

Di Natale er þó undantekning heima við en hann hefur gert 29 mörk í seríu A þessa leiktíðina. Pazzini vantar hins vegar spilara eins og Cassano, félaga sinn í Sampdoria, til að geta eitthvað. Gilardino er lélegri en Emile Heskey, hann hefur ekki snert boltann í tveimur fyrstu leikjunum. Iaquinta getur ekkert nema tuddast eins og sést í þessum leik og Quagliarella fær ekkert að spila.

Ekki nema von að heimsmeistararnir séu á leið út úr keppninni.

[Torfi Kristján Stefánsson, 24.6.2010 kl. 16:02]

Flott. Ítalir neðstir í riðlinum og tvö leiðinlegustu og montnustu liðin fallin úr keppni: Ítalir og Frakkar (sem einnig urðu neðstir í sínum riðli)!

Ætli þulirnir á RÚV (eða bestu sérfræðingar sem völ er á samkvæmt Þorsteini J.!) hætti að vera eins hlutdrægir með Evrópuliðinum eins og raun ber vitni?

Ég efa það!!! Nú verður haldið enn ákafar með Þjóðverjum eða Englendingum (jafnvel Hollendingum þótt þeir hafi ekki verið í náðinni hingað til) því önnur hvor stórþjóðin fellur úr leik í 16 liða úrslitum og ekki hægt að halda með báðum!!!

[Durtur, 24.6.2010 kl. 17:19]

Síðustu tuttugu mínúturnar voru svo stórkostlegar að þær réttlæta það sem liðið er af þessu skelfilega leiðinlega og háværa HM hingað til. Ég vil að þessi breti (Webb?) verði látinn dæma alla leiki sem eftir eru og að reglunum verði breytt þannig að markmaðurinn megi klukka fólk í smettið þegar honum finnst það eiga við--hann er nú eini hanskaklæddi maðurinn í liðinu. Frábær frammistaða hjá Slóvökum, og fyrir mína peninga var hvorugt "umdeilda atvikanna" mark; Skrtel náði boltanum á línunni og þessi ítalska stelpa var bara víst rangstæð.

[Torfi Kristján Stefánsson, 24.6.2010 kl. 18:01]

Rétt hjá þér enda óhlutdræg lýsing með afbrigðum.

Það má auðvitað einnig ráðast á markmanninn sem er að sækja bolta inn í markið, henda honum um koll, þykjast svo hafa verið sleginn í smettið (já rétt eins og Spanjólinn David Villa sló andstæðing sinn í andlitið fyrir framan nefið á dómaranum og margendurtekið í sjónvarpinu án þess að sparkspekingar RÚV, né nokkur annar, þóttu nokkra ástæðu til að stinga upp á því að hann væri rekinn út af) og engjast sundur og saman á eftir.

[Durtur, 24.6.2010 kl. 20:48]

Heh, já það var undursamlegt að fylgjast með þessu; líka furðulegt að Slóvakarnir hafi allir komist lifandi af velli eins og þetta leit út á tímabili--undir lokin lágu þeir eins og hráviði út um allt og Webb greyið hafði varla undan að rífa þá á lappir og segja þeim að hunskast til að halda áfram að spila. Varðandi höggið þá hélt ég fyrst að Ítalinn væri að fá floga-, eða frekjukast þarna inni í markinu, var að spá í hvort það ætti ekki einhver að troða bolta uppí manninn svo hann gleypti ekki í sér tunguna.

Núna bíður maður svo bara spenntur eftir Ítalirnir fari að kvarta yfir leikaraskapnum í Slóvökum til að fullkomna þetta allt, en svo ég segi eins og er þá fannst mér hressandi tilbreyting að horfa á leik með Ítalíu og hlæja meira af leikrænum tilburðum andstæðinga þeirra. Ef það hefði ekki verið fyrir bansettann lúðraþytinn hefði þetta verið ljómandi skemmtileg afþreying.