Loksins fyrstu ákærurnar

Jæja, loksins kom að því og þá "smámál" og það eftir hrun, eða "aðeins" upp á 1,1 milljarð!

Málið er lán sem Byr sparisjóður veitti eignarhaldsfélaginu Exeter Holding í október og desember 2008, en félagið var í meirihlutaeigu Ágústs Sindra Karlssonar lögmanns (sem er talinn vera leppur MP-banka, enda fyrrverandi lögmaður bankans).

Umboðssvik sem þessi geta varðað allt að sex ára fangelsi ef sakir eru miklar en ljóst er að svo er, þar sem ekkert hefur verið greitt af láninu. Þetta er því þjófnaður upp á 1,1, milljarð.

Athygli vekur að Ágúst Sindri (lögfræðingur og skákmaður) fær ekki ákæru á sig - og ekki heldur stofnandi og helsti eigandi MP banka, skákmeistarinn Margeir Pétursson,  heldur "aðeins" fyrrverandi forstjóri MP-banka.

En hvenær kemur að því að útrásarvíkingarnir, bankaræningjarnir sem tæmdu stóru bankanna innan frá, verði ákærðir af hinum "sérstaka" saksóknara???

Fyrstu ákærurnar áttu að koma á síðasta ári, svo í byrjun árs og loks í lok apríl en síðan lærðist saksóknara að gefa ekkert upp um tímamörk. 

Um mitt næsta ár kannski???

 

Þrír ákærðir í Exeter-málinu

Athugasemdir

[Sniddan, klipp og skorin (IP-tala skráð) 28.6.2010 kl. 21:15]

Það er ekki einleikið hvað jafnvel einföldustu mál virðast taka langan tíma í þessu batteríi.

Það er eins og upphaflegar áætlanir Björns Bjarnasonar fyrrverandi dómsmálaráðherra að sópa öllum þessum málum undir teppi eins og hann reyndi þegar hann réð núverandi og fyrrverandi ríkissaksóknara til þess að rannsaka syni sína sé enn í fullum gangi.

Seint mun neitt koma út úr þessum rannsóknum Sérstaks saksóknara með þessu vinnulagi.

Spillingaröflin virðast ráða sem fyrr lögum og lofum í íslenska réttarkerfinu.

Eva Joly hefur verið notuð til að blekkja almenning á Íslandi sem heldur að það sé í alvöru verið að rannsaka þessi mál.

[Sigurður Haraldsson, 28.6.2010 kl. 23:05]

Ég vil aldrei trúa því að þessir svo kölluðu útrásar víkingar verði ekki fundnir sekir!