Aðalleikur 16 liða úrslitanna!

Þetta hlýtur að teljast aðalleikur í 16 liða úrslitunum, sérstaklega ef miðað er við stórleiki Chile í riðlakeppninni. Reyndar fyrir utan leikinn við Spán sem var glórulaus, enda sóttu Chilemenn þar alltof grimmt og spiluðu af alltof miklum ákafa, uppskáru tvö mörk úr skyndiupphlaupum og þrjá menn í bann!!

Brassar lofa að hlaupa mikið í þessum leik og spila hratt (Robinho) og vonandi standa þeir við það.

Chilemenn eru þó enn fljótari leikmenn. litlir og snöggir. Suarez, snillingurinn á hægri kantinum, er t.d. aðeins 168 cm á hæð!

Hollenska goðsögnin Cruyff segir um Chile að þeir hafi tekið við af Hollendingum sem skemmtilegasta sóknarliðið og best spilandi liðið í keppninni.

Ég spái því að það lið sem sigrar í kvöld eigi greiða leið í undanúrslitin (á kostnað Hollendinga) ... Allavega verður þessi leikur jafn og spennandi - hin besta skemmtun.

Öruggur sigur Brasilíu á Chile

Athugasemdir

[Torfi Kristján Stefánsson, 28.6.2010 kl. 17:55]

Alexis Sánchez átti þetta vera, leikmaðurinn nr. 7.

Fylgist með honum hér eða á RÚV!: http://www.eurovisionsports.tv/

[Torfi Kristján Stefánsson, 28.6.2010 kl. 19:32]

Hörkuleikur tveggja efstu liðanna í Suður-Ameríkuriðlinum í undankeppninni, en þar varð Chile í öðru sæti aðeins einu stigi á eftir Brasilíu.

Það er þó greinilegt að Chile saknar leikmannanna sem eru í banni. Liðið hefur ekki skapað sér eitt einasta færi í leiknum meðan Brasilía hefur skapað sér nokkur. 

Brassarnir eru því með verðskuldaða forystu þó svo að annað markið hafi líklega verið rangstaða.

[Torfi Kristján Stefánsson, 28.6.2010 kl. 20:25]

Brassar með heimsmeistaratakta!

Besti leikurinn á HM til þessa.