U-beygja hjá Blatter eða bara sjónarspil?

Ef þetta er rétt sem haft er eftir Blatter þá þýða þessu ummæli gjörbreytta afstöðu til að nota vídeótæknina við að dæma fótboltaleiki. Síðast í gær var nefnilega haft eftir aðalritara FIFA að slíkt komi alls ekki til greina!

Líklegt má þó telja að hér sé um pólitíska brellu hjá Blatter til þess að lægja öldurnar. Athygli vekur t.d. að hann er alls ekki tilbúinn til að breyta um stefnu í þeim leikjum sem eftir eru - sem sýndi sig reyndar þegar í leikjunum í gær en þá var bannað að endursýna hugsanlega umdeild atriði á skjám á leikvöllunum. Dómarar mega eftir sem áður ekki nota stórskjáina á vellinum til að hjálpa sér við að dæma um vafaatriði.

Það verður því fróðlegt að sjá hvernig fundurinn hjá FIFA í næsta mánuði fer - en þá er reyndar HM búið og of seint til að koma í veg fyrir frekari dómaraskandala á mótinu.

Blatter biður England og Mexíkó afsökunar