Bragðdaufur leikur

Frekar er hann nú leiðinlegur þessi úrslitaleikur Spánar og Hollands og minnir reyndar á úrslitaleikinn á EM fyrir tveimur árum.

Hollendingar eru snillingar í að drepa leiki -, eins og þeir gerðu gegn Brasilíu að hluta og enn betur hér. Þetta gera þeir yfirleitt með brotum í tíma og ótíma en komast nú ekki eins vel upp með það og áður - þrjú spjöld það sem af er minnir mig. Eitt átti reyndar að vera rautt, á de Jong þegar hann setti takkana í brjóstkassanná Alonso.

Knattspyrnunnar vegna vona ég að Spánn vinni.

Spánverjar heimsmeistarar

Athugasemdir

[Torfi Kristján Stefánsson, 11.7.2010 kl. 20:25]

Jæja framlenging og Hollendingar með sex gul spjöld, alls níu gul í leiknum.

Það hlýtur einhver að fara að fljúga útaf og kannski fleiri en einn. Hollendingar eru í meiri hættu eins og gefur að skilja!

[Torfi Kristján Stefánsson, 11.7.2010 kl. 21:09]

Sanngjarn sigur og skömm að framkomu Hollendinga eftir leik þegar Sneijder og annar til veittust að dómaranum. Fróðlegt að sjá þetta sýnt seinna meir.

[Theódór Norðkvist, 11.7.2010 kl. 21:26]

Vinnusigur fyrst og fremst, en ljóst að Hollendingar vissu að þeir hefðu ekki hæfileika til að ná sigri öðruvíusi en að drepa niður leikinn og láta hann leka inn í vítaspyrnukeppni.

Komust sem betur fer ekki upp með það gegn léttleikandi og liprum Spánverjum, sem kunna að halda knettinum undir pressu.

[Bjössi (IP-tala skráð) 11.7.2010 kl. 22:08]

Einu sinni í fyrndinni spiluðu Hollendingar svokallaðan "Total football", þetta spilaform sem við sáum hjá þeim í kvöld getur hinsvegar ekki kallast annað en "Brutal football", og að mestu leyti hundleiðinlegan, og í raun hefðu bæði Bommel og Bronkhorst átt að vera komnir útaf ásamt Hetinga fyrir lok venjulegs leiktíma,  það getur hinsvegar  enginn dómari leyft sér í svona stórum leik, svo það verður alltaf djúpt á seinna gula spjaldinu.  í mínum haus voru Spánverjarnir voru vel að sigrinum komnir, enda voru þeir ívið betri. þó kannski væri stundum mjótt á munum  En nóg um það, en spurningin er líka ,  var Robben ekki klaufi að klára ekki eitt besta færi leiksins, eða er Casilias besti markmaður álfunnar, eða var það kannski grís að hann slæmdi fætinum í boltann. 'eg held það a.m.k. að það hafi verið hálfgerður grís svo það var líka einhver heppni með í spilinu. Ég  er sáttur við þetta, og ég var svo sem ekki  með neinar taugar í a áttina að öðru hvoru þessu lið,.mér finnst eiginlega helst að strákarnir frá Fjallasýn við Silfurfljótið hafa staðið mest upp úr sem skemmtilegt lið  gegnum keppnina. 

[Torfi Kristján Stefánsson, 11.7.2010 kl. 22:58]

Mér sýnist flestir erlendir fjölmiðlar vera sammála um að sigur Spánverja hafi verið réttlátur.

Þá kvarta nær allir yfir hörku Hollendinga í leiknum, þ.e. grófum leik þeirra, og sumir telja að tveir Hollendinganna hefðu átt að vera reknir útaf þegar í fyrri hálfleik.

Dómarinn fær þannig frekar gagnrýni fyrir að hafa verið of linur en of spjaldaglaður. Þá er bent á að þessir úrslitaleikir eru oft grófir en þessi hafi þó slegið allt út með 13 spjöld!