Þá veit maður hverju má búast við þaðan í framtíðinni

Blessaður Sjálfstæðisflokkurinn er alltaf jafn iðinn við að koma sínu fólki fyrir í áberandi stöðum (og vel launuðum) í þjóðfélaginu. Einkum ef það tengist iðnaði eða öðrum rekstri á einhvern hátt.

Viðskiptaráðið og Samtök iðnaðarins hafa einmitt verið duglegust við að boða nýfrjálshyggjuna nú eftir hrun - og ekkert bendir til þess að nein breyting verði þar á með þessari ráðningu.

Enda er ferill nýja framkvæmdastjórans ekki dónalegur, "sinnt fjárfestingum og setið í stjórnum nokkurra fyrirtækja fyrir hönd Novator, aðallega á sviði fjarskipta og hreinna orkugjafa í Bandaríkjunum og á Norðurlöndum" (skúffufyrirtækisins Magma Energy Sweden?) og áður aðstoðarmaður forsætisráðherra, vors elskulega Davíðs Oddssonar höfundar hrunsins.

Svo nú megum við búast við enn háværara væli frá Samtökum iðnaðarins um mikilvægi erlendrar fjárfestingar hér á landi, ekki síst ef Novator og Björgólfur yngri koma þar eitthvað nærri (opinberlega eða í leynum).

Orri Hauksson ráðinn framkvæmdastjóri SI

Athugasemdir

[Gunnar (IP-tala skráð) 21.7.2010 kl. 21:30]

eigum við ekki frekar að fagna að maður með hans menntun og reynslu (mba frá harvard er t.d. alþjóðlegur aðgöngumiði að góðum störfum) nenni að starfa hér á Íslandi í stað þess að níða af þessum manni skóinn.

[Torfi Stefánsson (IP-tala skráð) 21.7.2010 kl. 22:46]

Það eru nú eflaust fleiri með MBA gráðu en þessi Orri, en Samtök iðnaðarins sýndu engan áhuga á að athuga með það heldur réðu Orra án auglýsingar: http://www.dv.is/frettir/2010/7/21/radning-si-stjornin-bara-fann-manninn/

Það eru hins vegar ekki allir sem eru fyrrverandi aðstoðarmenn Davíðs, þó svo að frekar illa hafi farið fyrir þeim flestum hvað náðina hjá Bubba kóng varðar, og ekki heldur nánir samstarsmenn Björgólfs Þórs. Eflaust þess vegna er þessi drengur ráðinn.

Samtök iðnaðarins sýna það enn og aftur að fyrir þeim hefur hrunið aldrei átt sér stað og nýfrjálshyggjan ekki beðið neitt skipbrot.

Munum það næst þegar þeir gagnrýna ríkisstjórnina sem er þó þrátt fyrir allt eru að reyna að hreina upp eftir þessa menn.