Yfirburðir Dana en bara 1-0

Ég var hættur að ná tölu yfir það hversu oft Gunnleifur markmaður sparkaði frá marki íslenska liðsins í seinni hálfleik, og hve mörg færi Danirnir áttu í fyrri hálfleik.

En vegna þess að Íslendingar áttu eitt og eitt færi líka þá er sparkspekingarnir ánægðir með leikinn.

Uppi stendur þó að Ísland er án stiga í þessum riðli eftir tvö töp og þannig neðstir í riðlinum, rétt eins og í riðlakeppni HM. Er það ásættanlegt?

Ég vil kenna landsliðsþjálfaranum um þessi úrslit því við eigum góða leikmenn. Í þessum leik skiptu Danir inn á þremur leikmönnum snemma í seinni hálfleik en Óli Jó skipti aðeins einum leikmanni inn á og það seint í leiknum. Sú skipting var og furðuleg, hreinn sóknarleikmaður settur inn á og kornungur að auki, í stað þess að setja inn á reyndan mann sem getur haldið boltanum og tafið þannig sóknarþunga Dananna.

Þetta er reyndar ekkert nýtt hjá íslenska landsliðsþjálfaranum. Hann skiptir helst ekki leikmönnum inn á, sama hversu lélegir og þreyttir þeir eru sem fyrir eru.

En Óli situr áfram. Hann leyfir jú ungu strákunum að spila, framtíðarleikmönnunum. Við skulum bara vona að hann missi ekki trúna á þessum og setji enn yngri menn inn á, eins og hann hefur verið að gera undanfarin ár.

Grátlegt tap gegn Dönum á Parken

Athugasemdir

[Þórður Sigurjónsson (IP-tala skráð) 7.9.2010 kl. 21:13]

KSÍ hefur áttað sig á því að við getum ekkert í fótbolta, því una þeir þessum þjálfara. Svo erum við jú bara 300.000 manna hræður lengst norður í íshöfum. Við hverju er að búast?