Íslendingar heppnir

Það má með sanni segja að íslenska 21 árs landsliðið hafi verið heppið að komast í umspil í EM liða undir 21 árs. Úrslitin féllu eins og liðið þurfti, þökk sé Rúmenum og Norðmönnum, en naumt var það.

Það verður að segja eins og er að sú ákvörðun landsliðsþjálfara fullorðna landsliðsins, Óla Jó., að nota tvo gjaldgenga leikmenn úr 21 árs liðinu, þá Birki Bjarnason og Gylfa Þór, í elsta landsliðið hafi næstum komið í veg fyrir áframhaldandi þátttöku 21 árs liðsins.

Reyndar er Gylfi orðinn fastamaður í liðinu svo erfitt var að gefa hann eftir en Birkir Bjarnason fékk lítið sem ekkert á spila í leikjunum gegn Norðmönnum og Dönum og hefði verið nær að nota hann gegn Tékkum. Jafntefli þar hefði tryggt öruggt umspil.

Sem getur fer gekk þetta, en það var ekki Óla Jó að þakka.

Eyjólfur Sverris. og strákarnir í 21 árs liðinu hljóta að vera óánægðir með framgöngu Ólafs og einnig stjórnar KSÍ.

Ísland í umspilið í EM U21 árs liða

Athugasemdir

[Eiríkur Guðmundsson, 8.9.2010 kl. 03:21]

Er nú ekki allt í lagi að vera með hlutina á hreinu? Það voru 7 leikmenn gjaldgengir í U-21 árs liðið í hóp hjá A-landsliðinu.

Gylfi hefur svo ekki verið fastamaður í liðinu, þar sem að leikurinn í kvöld var aðeins hans þriðji A-landsleikur.

[Torfi Stefánsson (IP-tala skráð) 8.9.2010 kl. 07:26]

Þrír af þeim voru í leikbani, svo varla voru þeir gjaldgengir, tvier hafa ekkert spialað með því. Ergo tveir, sem komu til greina.

Svo kalla ég það fastamann í liðinu, núna, að leika allar 90 mínúturnar í báðum leikjunum.

Annars skil ég ekki athugasemdina. Ertu sammála mér eða ekki?

[Eiríkur Guðmundsson, 8.9.2010 kl. 15:16]

Aron Einar og Rúrik hafa nú bara víst spilað með U-21 árs liðinu, en eðlilega eru þeir ekki valdir í það þegar A-liðið tekur þá.

Ég er svo í rauninni alveg sammála þér. A-liðið gengur vissulega fyrir og það er þó ágætt að það séu loksins keppnisleikir sem strákarnir eru að spila en ekki einhverjir vináttuleikir gegn Liechtenstein eins og þegar Þýskalandsleikurinn var.

Samt sem áður væri það skemmtilegt ef Óli Jó kæmi nú niður af háhesti sínum og gæfi þessum strákum séns á að spila umspilsleikina.

Ef ég væri landsliðsþjálfari, myndi ég hreinlega leyfa þessum strákum að ráða því hvort þeir tækju þátt í U-21 leikjunum.