Loksins staðfest

Loksins er það staðfest sem ég hef verið að benda á undanfarna viku - og fengið bágt fyrir. Þessar upplýsingar hafa legið fyrir í rúma viku inn á heimasíðu FIFA, að vísu óstaðfest (preview) og virðist hafa verið staðfest endanlega í morgun ef eitthvað er að marka mbl.is

Í ljósi þessarar stöðu er auðvitað hlálegt að heyra íslenska knattspyrnuáhugamenn vera að hrósa landsliðinu - og landsliðsþjálfaranum fyrir að yngja upp í liðinu.

Í undankeppni EM og HM er mjög mikilvægt að vera í góðri stöðu á þessum stigalista FIFA því raðað er í riðla eftir honum. Ljóst er að ef ekki verður róttæk breyting á verðum við áfram í lægsta styrkleikaflokki þegar dregið verður í riðla fyrir næsta HM - og heldur þá vítahringurinn auðvitað áfram.

Því er mikilvægt að við notum ekki þessar tvær keppnir til að þjálfa unga leikmenn, sem lítið fá að reyna sig í félagsliðum sínum ytra, heldur notum reyndari leikmenn.

Nú gefst sem betur fer gott tækifæri til að þjálfa upp þessa yngri menn þar sem við eigum góða möguleika á að komast í úrslitakeppni EM næsta sumar í keppni leikmanna undir 21 árs. 

Því er það grundvallaratriði að 21 árs liðið fái að njóta krafta allra þeirra leikmanna sem löglegir eru með liðinu, í leikjunum framundan gegn Skotum, í stað þess að láta þá sitja á bekknum í leik aðallandsliðsins gegn Portugal (eða spila leikinn).

Við eigum nóg af eldri leikmönnum sem hafa verið lengi í atvinnumennsku (en fengið lítið að spreyta sig með landsliðinu), spila reglulega með liðum sínum og eru þannig orðnir hnoknir af reynslu í erfiðum deildum - sem geta leyst þessa stráka af og eru auðvitað mun betri en þeir enn sem komið er.

 

Ísland fellur niður um 21 sæti sæti á FIFA listanum - 100. sæti

Athugasemdir

[Magnús (IP-tala skráð) 15.9.2010 kl. 11:35]

"Því er mikilvægt að við notum ekki þessar tvær keppnir til að þjálfa unga leikmenn, sem lítið fá að reyna sig í félagsliðum sínum ytra, heldur notum reyndari leikmenn."

Gylfi Þór - var lykilmaður í Reading. En ekki enn komin reynsla á hvað hann fái mikið að spila fyrir Hoffenheim, en hann ætti nú tæplega að enda á bekknum þar miðað við peninginn sem þeir borguðu.

Aron Einar - spilar hvern leik með Coventry

Rúrik Gíslason - spilar hvern leik fyrirOB

Jóhann Berg - búinn að vera í byrjunarliði Az Alkmaar í upphafi þessa tímabils

Eggert Gunnþór - spilar hvern leik fyrir Hearts

Kolbeinn Sigþórsson - á bekknum hjá Az, þótt hann hafi verið í byrjunarliðinu í seinasta leik - hann var líka ekki í byrjunarliðinu hjá landsliðinu

Birkir Már Sævarsson - Spilar hvern leik fyrir Brann, en hann kom inn í seinasta leik því að Grétar Rafn var meiddur.

Birkir Bjarnason - Spilar hvern leik fyrir Viking.

Þannig að ég held að ég hafi sýnt að þessi fullyrðing þín um að þeir fái ekkert að spila ytra sé ekki á rökum reist.

Það er líka mikill munur á U-21 og A-landsliðunum og ég held að þeir flestir hafi fengið fullt af reynslu af U-21 liðinu og besta leiðin til að byggja upp liðið til framtíðar er að spila þeim einmitt núna.

Ég held að þetta sé besta lausnin, því að ekkert hefur verið að ganga hjá Óla áður og núna fyrst er hann farinn að nota lykilmennina úr U-21 og er ekki annað að sjá en að þeir hafi unnið fyrir sæti sínu í liðinu. Ég efa það líka stórlega að þú getir sett saman lið með eldri leikmönnum sem hefðu náð betri úrslitum gegn Noregi og Danmörku.

 Það verður líka að taka það inn í reikninginn að það sást margt jákvætt í þessum seinustu tveimur landsleikjum.

[Torfi Stefánsson (IP-tala skráð) 15.9.2010 kl. 12:51]

Ég skal svara þessu á sama hátt

Gylfi Þór - var enginn lykilmaður í Reading, sem stóð sig frekar illa í 2. deildinni í Englandi í fyrra,  en spilaði þó mikið. Var og er hins vegar mjög efnilegur. Hann var keyptur til Hoffenheim fyrst og fremst upp á framtíðina, aðeins 20 ára gamall (eins og svo algengt er í dag). Hann er hins vegar einn þeirra sem ég tel að eigi hiema í liðinu eins og er (þegar 21. árs liðið er ekki að spila), en alls ekki á hægri kanti eða fyrir aftan framherjana, (eins og hann hefur verið notaður).

Aron Einar - spilar alls ekki hvern leik með Coventry, hvorki nú eða í fyrra (byrjaði t.d. á bekknum gegn Leicester í næst síðustu umferð. Auk þess er Conventry með slakari liðum í næst efstu deildinni ensku. Hann átti ekki heima í landsliðinu.

Rúrik Gíslason - spilar hvern leik fyrir OB. R´úrik spilaði ekki í síðasta leik hjá OB (gegn Norður-Sjálandi). Hann á hins vegar heima í A-liðinu að mínu mati (þegar það rekst ekki á við 21. árs liðið).

Jóhann Berg - AZ Alkmaar hefur byrjað mjög illa í hollensku deildinni, er í 4. lægsta sætinu. Jóhann Berg sýndi ekkert í leikjunum tveimur (gegn Dönum og Norðmönnum) og á alls ekki heima í liðinu.

Eggert Gunnþór - er góðuir og á tvímælalaust heima í liðinu (meðan það rekst ekki á við lekki 21. árs liðsins).

Kolbeinn Sigþórsson - á heima í 21. árs liðinu en alls ekki í aðalliðinu - ekki einu sinni á bekknum.

Birkir Már Sævarsson - er einn þeirra sem er fullorðinn og á því að spila reglulega með landsliðinu.

Birkir Bjarnason - Birkir er góður og á heima í landsliðshópnum (þegar leikir þess rekast ekki á við 21. árs liðið)

Ekkert hefur verið að ganga hjá Óla, ekki vegna þess að hann notaði gamla leikmenn heldur vegna þess að hann hefur sífellt verið að þróa leikmenn - og þá bara takmarkaðan hóp.

Ég er oft búinn að setja upp annað lið. Kristján Örn á t.d. ekki heima í miðverðinum, í mesta lagi sem hægri bakvörður. Þá á Ragnar Sigurðsson að fá að spila í miðverðinum reglulega (en hann spilar í miklu betra liði en Kristján). Og hvað með Indriða? Er hann sjálfgefinn í liðið? Ekki var hann það í fyrstu hjá Óla heldur var Bjarni Eiríks það þangað til hann fór til Noregs í atvinnumennskuna og datt þar með út úr landsliðinu!

Á miðjunni má prófa menn eins og Eyjólf Héðinsson eða Ólaf I. Skúlason í stað Arons Einar. Þeir spila báðir reglulega og í efstu deild (en Aron ekki).

Veigar Páll (og Eiður auðvitað) eiga að spila bakvið framherjann, eða með honum, en gefa Gylfa (og auðvitað Kolbeini!) frí. Þá má alveg létta álagið af Heiðari Helgusyni. Hann er ekkert sjálfgefinn í landsliðið þótt hann virðist í formi núna!

Svo vil ég benda á þá tvo leiikmenn sem eru að spila með Sundsvall sem er á góðri leið upp í efstu deildina í Svíþjóð, þá Ara Skúlason og Hannes "gamla" Sigurðsson. Báðir hafa verið að standa sig mjög vel en eru aldrei valdir í landsliðið. Óli veit kannski ekki af þeim? Okkur vantar amk sárlega góðan mann á vinstri kantinn, sem Ari ætti að geta leyst með sóma.

[Geir (IP-tala skráð) 15.9.2010 kl. 14:29]

Að segja að Gylfi hafi ekki verið lykilleikmaður í slöku liði Reading á síðasta tímabili er algjört bull.  Í fyrsta lagi endaði Reading aðeins 7 stigum á eftir úrvalsdeildarliði Blackpool á síðustu leiktíð sem eru jafnmörg stig og eru á milli Liverpool og Chelsea í dag.  Þess fyrir utan komust þeir í 8-liða úrslit fa cup þar sem þeir töpuðu fyrir Aston Villa eftir að hafa m.a. slegið út úrvalsdeildarliðin Liverpool, Burnley.  

Í öðru lagi lék hann 44 leiki og skoraði 20 mörk og var á endanum valinn leikmaður ársins hjá Reading, þannig að hann var klárlega algjör lykilmaður í fínu liði.  Þess fyrir utan er enska championship deildin með sterkari deildum evrópu og töluvert sterkari en t.d skandinavísku deildinnar. 

Það er ekki við þessa ungu menn að sakast hversu lélegt þetta landslið hefur verið undir stjórn Óla Jó.  Þó svo að þeir hafi leikið gegn Noregi sem eru í 14. sæti heimslistans og Dönum sem eru í 29. sæti og báðir þessir leikir töpuðust með minnsta mun. 

Ég held að flestir glaðir með að það sé búið að henda út slökum leikmönnum eins og Pálma Rafni, Hannes Sig, Stefán Gísla, Gunnar Heiðari og Emil Hallfreðs sem fer alltaf erfiðu leiðina og ekkert kemur út úr.   Í staðin erum við að fá inn menn sem eru að spila í sterkum deildum og hafa hreinlega meiri gæði heldur en þessir menn sem ég taldi upp. 

Svo held ég að flestir bíði spenntir eftir því að Indriði Sigurðsson fái að vera heima og einhver annar tekinn inn fyrir hann.

Það er klárt mál að nú sé tíminn til að henda út þessum pappakössum sem hafa átt áskrift að landsliðssæti og kalla inn unga og betri fótboltamenn og rífa sig upp töfluna. 

[Torfi Kristján Stefánsson, 15.9.2010 kl. 15:36]

Gaman að rífast við þig Geir þar sem þú rökstyður mál þitt! Ég sá nú nokkra leiki Reading í fyrrahaust og eftir áramót (í sjónvarpi) og fannst hann alls ekkert sérstakur. Hann var hins vegar valinn maður liðsins af stuðningsmönnum vegna þess að hann var djúgur að skora - og eflaust vegna þess hve ungur hann er og því miklar vonir bundnar við hann. Ég leyfi mér að efast um að hann byrji inn á í mörgum leikjum hjá Hoffenheim á þessari leiktíð, enda er hann keyptur sem framtíðarmaður fyrir liðið.

Reading reddaði sér fyrir horn á lokasprettinum en byrjunin var hræðileg og liðið við botninn langt fram eftir vetri. Þá leyfi ég mér að neita því að næst efsta deildin á Englandi sé betri en norrænu deildirnar. Hvað með dönsku deildina með FCK í meistaradeildinni, og fleiri dönsk lið í evrópukeppninni, sem og Rosenborg? Heldurðu t.d. að QPR sé betra lið en FCK?

Ég er sammála því að Pálmi, Gunnar Heiðar og Emil áttu aldrei að vera í landsliðinu, en það var val Óla Jó. hvað eftir annað þrátt fyrir að það væru mun betri menn til (og á svipuðum aldri).

Hins vegar stóð Hannes sig yfirleitt vel (eða þar til hann var laminn í klessu og hefur ekki fengið að spila síðan) og Stefán Gíslason er ágætur leikmaður (hann kemur hins vegar ekki til greina núna því hann fær ekkert að spila hjá Bröndby).

Indriða var lengi vel meðvitað haldið fyrir utan liðið en hinn arfslaki Hermann Hreiðarson látinn spila, eða Bjarni Ólafur meðan hann var hér heima hjá Val, en nú spilar Indriði alla leiki! Á meðan átti Hjálmar Jónsson hvern stórleiki á fætur öðrum hjá sænska meistaraliðinu Gautaborg en kom ekki til greina hjá Óla!

Við eigum meira að segja enn einn miðjumanninn, Helga Val Daníelsson, sem rétt eins og Hjálmar (og Ragnar) varð meistari með liði sínu en fékk engin tækifæri í landsliðinu fyrr en undir lokin. Hann var svo settur út úr því strax og hann var seldur frá Elfsborg til Rostock þrátt fyrir að hafa spilað þrælvel með landsliðinu.

Nei, landsliðið á fyrst og fremst við einn veikleika að etja, það er þjálfarinn (eða tvo, sem er forystan hjá KSÍ). Burt með hann - og stjórnina - þá fyrst fara hlutirnir að lagast.