Maður fyrir landsliðið

Nú þegar forysta KSÍ hefur loks tekið af skarið og haft vit fyrir landsliðsþjálfaranum - og notar ungu strákana í 21 árs liðinu - þá er mikilvægt að nota tækifæri og velja þá leikmenn sem alltof lengi hafa staðið fyrir utan landsliðið. Einn þeirra er Eyjólfur Héðinsson sem er talinn einn besti leikmaður sænsku úrvaldsdeildarinnar.

Undanfarið hefur Ólafur landsliðsþjálfari notað unga menn og tiltölulega óreynda á miðjunni en nú verða þeir uppteknir með 21 árs liðinu. Þá opnast möguleikar fyrir leikmenn eins og Eyjólf Héðins og Helga Val Daníelsson sem hafa spilað lengi í sænsku deildinni og fengið dýrmæta reynslu í mun sterkari deild en þeirri íslensku.

Ólafur ku vera fúll yfir að hafa ekki lengur yfir að ráða sjö leikmönnum unga liðsins, en hann hefur úr nægum reyndum mannskap að ráða - ef hann bara nennir að setja sig inn í hvernig menn eru að standa sig í deildunum á Norðurlöndunum.

Frammistaða Kaupmannahafnarliðsins FCK í Meistaradeildinni sýnir hversu sterkar skandinavísku deildirnar eru þannig að það ætti einnig að vera óhætt að nota Ólaf Inga Skúlason á miðjunni í landsliðinu. Lið hans Sönderjyske er að standa sig fínt í dönsku deildinni - og hann spilar þar alla leiki.

Eyjólfur tryggði GAIS dýrmætan sigur