Hugmyndasnauður landsliðsþjálfari

Það er greinilegt að Ólafur Jóhannesson hefur lítið lært af þeim þremur tapleikjum sem íslenska karlalandsliðið í fótbolta hefur átt í EM hingað til (hvað þá arfaslökum árangri í riðlakeppni HM).

Enn velur hann menn sem eru í lítilli sem engri leikæfingu nema Eið Smára. Geðþóttaákvarðanir hans verða þannig augljósar öllum þeim sem vilja sjá og er ekki sama um þetta lélega landslið.

Ef við rekjum þetta nýjasta val lið fyrir lið, þá skal fyrst nefna að Gunnleifur Gunnleifsson og Árni Gautur Arason eru enn valdir markmenn liðsins meðan sá eini sem hefur verið að leika reglulega um þessar mundir, Stefán Logi Magnússon, er enn út úr kuldanum.

Hvað varnarmennina varðar þá er Hermann Hreiðarsson aftur valinn í landsliðið þrátt fyrir að hafa enn varla leikið eina einustu mínútu með slöku annarrar deildar liði Portsmouth. Þá er Kristján Örn Sigurðsson enn valinn í liðin þrátt fyrir slaka frammistöðu í síðustu landsleikjum og þrátt fyrir að spila með mjög slöku liði í norsku úrvaldsdeildinni (Hönefoss sem tapaði 6-1 í síðasta leik og þarf að fara í umspil til að hala sæti sínu í deildinni. Einnig má nefna að Sölvi Geir Ottesen hefur setið á varamannabekknum hjá FC Köbenh)avn í síðusu leikjum, þó svo að hann sé búinn að ná sér eftir handameiðslin.

Á miðjunni er enn verið að notast við menn eins og Rúrik Gíslason og Jóhann Berg Guðmundsson þó svo að þeir hafi setið á bekknum hjá liðum sínum undanfarið - og Jóhann varla nokkuð komið inn á í síðustu leikjum. Þá er lið Ólafur Ingi Skúlason, SönderjyskE, í tómum vandræðum í dönsku deildinni svo það er kannski tími til kominn að leyfa Ólafi að hvlíla dálítið.

Steininn tekur þó úr með sóknarmennina en þar eru ungu strákarnir Kolbeinn Sigþórsson og Alfreð Finnbogason valdir. Kristinn hefur lítið fengið að spila með liði sínu undanfarið (þó aðeins meira en Jóhann) og Alfreð kemst ekki í byrjunarlið 21 árs landsliðsins.

Ég hef margoft nefnt aðra leikmenn sem koma aldrei til greina eða fá lítið að spila - og nenni því varla enn einu sinni. Mér finnst samt skrítið að þeir séu ekki prófaðir í æfingarleikjum sem þessum þar og spyr sjálfan mig til hvers slíkir leikir séu nema til að prófa nýja menn.

Svo eru menn skynilega horfnir úr liðinu sem þó fengu tækifæri síðast, menn eins og Helgi Valur Daníelsson og Theodór Elmar Bjarnason. Af hverju er það? Ekki voru þeir lélegri en aðrir í tapleiknum gegn Portúgal.

Svo má nefna Pálma Rafn Pálmason. Hann hefur verið að fá tækifæri með Stabæk undanfarið og staðið sig vel. Bjarni Ólafur spilar þar alla leiki en hefur ekki fengið neitt tækifæri með landsliðinu undanfarin ár. Sama má segja um strákana í GAIS. Hallgrímur Jónasson er farinn að spila þar alla leiki. Af hverju ekki að kíkja á hann? Meira að segja Arnar G. Viðarsson er að spila alla leiki með Bruggeliðinu í efstu deildinni í Belgíu. Gamall og góður!

Svo er Íslendingaliðið Sundsvall búið að tryggja sig í umspil um sæti í efstu deildinni í Svíþjóð. Þar leikur Ari Skúlason stórt hlutverk.

Nei, tími Óla er liðinn fyrir löngu - og kominn tími til að viðurkenna það.

Að lokum má benda á að Drillo, landsliðsþjálfari Norðmanna, vill að Ísrael verði rekið úr FIFA, fyrir stríðsglæpi sína og mannréttindabrot gagnvart Palestínumönnum. Slíkt hvarflar auðvitað ekki að KSÍ, líklega vegna þess að Ísrael er líklega eina þokkalega sterka knattspyrnuþjóðin sem vill spila við okkur Íslendinga - og Ísland eina þjóðin sem vill spila við þá æfingaleik á heimavelli þeirra.

Já, þvílík metnaðarlaus vesalmenni sem við erum orðin hvað fullorðins karlafótboltann varðar ...

Ólafur velur landsliðshóp - Eiður ekki í liðinu

Athugasemdir

[Einar Solheim, 8.11.2010 kl. 16:24]

...og hvar er Veigar Páll?  Ótrúlegt að landsliðið hafi ALDREI getað nýtt þennan líklega flinkasta og mest skapandi leikmann þjóðarinnar.

[Birna (IP-tala skráð) 8.11.2010 kl. 17:51]

Svo virðist sem þið áttið ykkur ekki á því að þjóðin er fámenn og því er ekki úr stærri og betri mannskap að moða. Ef við værum milljónaþjóð þá gætum við byrjað að krefjast árangurs og stöðugleika. Þetta er bara litla Ísland. Hér búa bara 300.000 manns og samanborið við milljónaþjóðir sem hafa frekar efni á því að krefjast árangurs á eru knattspyrnuiðkendur hér í eðlilegu samræmi við íbúafjöldann og gæðaleikmenn því af skornum skammti. Allt er þetta eðlilegt.

[Einar Solheim, 8.11.2010 kl. 18:00]

Ég geri bara þá kröfu að bestu mennirnir séu valdir hverju sinni. Veigar Páll hefur staðið sig mjög vel á þessu tímabili, en með landsliðinu hefur hanns hlutverk takmarkast við að koma inn á völlinn fyrir einhverja stráklinga sem ekkert sérstakt hafa afrekað.

[Gulla (IP-tala skráð) 8.11.2010 kl. 19:27]

Mér finnst þetta lið doldið spes.... Hann segist ætla gefa nýjum og ungum leikmönnum séns. Mér sýnist það ekki vera á dagskránni þarna....Og ég spyr enn og aftur, hvða með Jóa Kalla???... Er enn verið að refsa honum fyrir að velja frekar að vera heima hjá óléttri konu sinni og halda uppá barna afmæli, en að fara í landsleik???..

 Myndi segja að tímí Óla Jóh sé liðinn með þetta lið...

[Torfi Stefánsson (IP-tala skráð) 8.11.2010 kl. 20:09]

Veigar Páll er reyndar meiddur eins og er, var ekki með í síðasta leik hjá Stabæk (hefði reyndar alveg mátt nefna það í tilkynningunni um liðsskipanina). Reyndar skiptir það ekki máli eins og Einar bendir á. Hann er lítið sem ekkert notaður þó hann sé valinn í hópinn, þrátt fyrir að hann hafi verið í besta formi allra íslenska fótboltamanna undanfarið.

Þaðp er svo merkilegt með þetta að gefa ungum mönnum tækifæri (er Hermann Hreiðars annars ekki eldri en Eiður?). Mig minnir að Óli hafi verið að gera það í undanförnum leikjum og lítt gengið.

Þá má geta þess að þessir ungu leikmenn komast nær engir í byrjunarlið sín úti, ekki einu sinni Gylfi Þór, en þeir ganga beint inn í íslenska ladsliðið. Ekki nema von að við töpum öllum leikjunum.

Svo sló það mig í síðasta leik, gegn Portúgölum, þegar Pétur Péturs., sagði í hálfleik (þegar staðan var 1-2) að það væri engin ástæða til að gera breytingar á liðinu (enda sat Veigar Páll á bekknum allan leikinn). Ekki mikill metnaður þar á bæ.

Ég spyr reyndar. Af hverju er Pétur aðstoðarþjálfari liðsins? Þjálfaraferill hans er nú ekki það burðugur að ástæða sé til að verðlauna hann með slíkri stöðu.