Ragnar í landsliðið

Hvernig væri nú að gefa Ragnari almennilegt tækifæri til að sanna sig í landsliðinu, í stað þess að byggja eilíflega á Snorra Steini? Leikstjórnendur íslenska handboltalandsliðsins sýndu mjög slaka leiki í landsleikjunum tveimur - og áttu að mínu mati stóran þátt í slökum leik liðsins og tapinu gegn Austurríkismönnum. Engin ógnun frá miðjunni gerði varnarmönnum andstæðinganna mjög auðvelt fyrir, eins og sást greinilega í Lettaleiknum þar sem Lettarnir gátu einbeitt sér að því að fara í Arnór Atla (en leyfðu Snorra Steini að leika lausum hala, enda gerði hann ekkert af viti).

Ragnar er búinn að leika í einni sterkustu deild í heimi í mörg ár með frábærum árangri (nú er franska deildin líklega sú sterkasta í heimi eftir að frönsku stjörnurnar sneru allir heim) og veitir ekki af að nota mann með slíka reynslu. Til samanburðar má nefna að Snorri Steinn spilar í dönsku deildinni og Aron Pálason skorar varla mark fyrir Kiel.

Ragnar frábær í sigri á Montpellier

Athugasemdir

[Bjarni S. Jónsson (IP-tala skráð) 11.11.2010 kl. 22:46]

Ertu að grínast ???

" (nú er franska deildin líklega sú sterkasta í heimi eftir að frönsku stjörnurnar sneru allir heim)"

Þótt nokrrar stjörnur fari í frönsku deildina þá verður hún ekki yfir allt sterkasta deildin...

Þýska deildin og spænska eru til að mynda miklu sterkari en franska deildin.

Svo segir þú " Aron Pálason skorar varla mark fyrir Kiel."

Hann er fæddur 1990 og er í besta félagsliði í heimi, hann labbar ekkert bara inn í byrjunarliðið sko! Þótt hann sé búin að vera í því vegna meiðsla annara leikmanna.

Hann er miðjumaður, hlutverk hans er að leggja upp fyrir skytturnar í liðinu, senda á línumenn og fleira.

Aðalmálið er ekki að skora sem miðjumaður.

Ivano Balic einn besti leikmaður heims skorar yfirleitt svona 3-4 mörk í leik en hann er samt besti maður vallarins með fjölmargar stoðsendingar og stjórnar spilinu vel.

Þannig að þú verður aðeins að spara stóru orðin!

[Torfi Kristján Stefánsson, 14.11.2010 kl. 21:44]

Rólegan æsing félagi! Ég man ekki eftir að hafa notað stór orð, og var þó að lesa skrifin yfir aftur núna rétt í þessu!

Frakkar eru með langbesta landsliðið í handboltanum og hafa verið með það núna mörg undanfarin ár.

Aron hefur lengi gríðarlegt efni en hann hefur ekki verið að sýna neitt með landsliðinu undanfarið, og kannski tími til kominn að hann hætti að vera efnilegur og verði einfaldlega góður.

Það að Snorri skuli vera fyrsta val Guðmundar þjálfara er ekki meðmæli með Aroni - en reyndar sýnir Guðmundur ótrúlegan dómgreindarskort hvað eftir annað með að veðja sífellt á Snorra garminn.

Eitt er að minnsta kosti víst. Allt stefnir á, með sama áframhaldi, að við komust ekki áfram í lokakeppnina og því er lífsnauðsynlegt að stokka upp spilin ef ekki á illa að fara.

Spunringin er auðvitað þessi: Af hverju er Ragnar ekki valinn í landsliðið?

[lalli (IP-tala skráð) 18.11.2010 kl. 15:56]

Þú ferð nú með rangt mál að allar frönsku stjörnurnar hafi snúið heim.  Karabatic fór reyndar heim en flestar stjörnurnar eru að spila í öðrum löndum. T.d.  Dinard og Abalu á Spáni, Gille bræður hjá Hamburg, Fernadez, Omayer og Narcisse hjá Kiel.

Svo myndi ég segja að Aron sé orðinn ansi góður þrátt fyrir að vera bara tvítugur og er farinn að spila stærri og stærri rullu í einu besta liði heims Þó svo hann ásamt öllum öðrum landsliðsmönnum hafi átt 2 slaka landsleiki í röð.   

Ragnar Óskarsson hefur fengið ansi mörg tækifæri með landsliðinu og skv HSÍ eru það 99 leikir.  Ég man ekki eftir í augnablikinu að hann hafi sýnt einn góðan leik af þessum 99 sem hann hefur verið á skýrslu í.  Ég verð bara að segja það að ég treysti einum besta þjálfara heims til að velja liðið og svo held ég að þetta sé ekki samsæri Guðmundar gegn Ragnari því hann er ekki eini landsliðsþjálfarinn sem hefur tekið Snorra frammyfir Ragnar.