Þjálfarinn brást!

Það er greinilegt að Guðmundur landsliðsþjáfari er sökin á því að íslenska landsliðið tapaði fjórum síðustu leikjunum í HM.

Meinið var það að hann þorði ekki að skipta inn á. Sem dæmi um það í síðasta leiknum, gegn Króötum, að Snorri Steinn spilaði allan leikinn í sókninni, einn allra sóknarmanna íslenska liðsins.

Af hverju? Ekki var hann svona góður, hvorki í þessum leik né öðrum. Hann skorar næstum aldrei fyrir utan og hangir yfirleitt inn á línunni. Á meðan sat annað hvort Aron eða Arnór á bekknum. Menn eru að tala um skyttuna vinstra megin sem veikleika liðsins, en það var miðjan sem var veik (þ.e. leikstjórnandinn sem skoraði ekki mark fyrir utan í allri keppninni). 

Svo eru menn að fullyrða að Guðmundur sé besti þjálfarinn okkar (Logi Geirs. t.d,. og pabbi Snorra (sem er ekki alveg hlutlaus!)). Alfreð er jú virtari þjálfari í Þýskalandi og Dagur Sigurðsson er að gera mun betri hluti í Þýskalandi í ár en Guðmundur, með miklu verra lið (og í félagi sem hefur miklu minni peninga á milli handanna).

Svo er liðið á Stöð 2 að afsaka Guðmund! Íslenska liðið er t.d. mun betur mannað en danska liðið en það er samt komið í úrslitaleikinn eftir flottan sigur yfir Spáni (sem Ísland skíttapaði fyrir).

Nei, burt með þjálfarann (og burt með Snorra Stein!). Fram undan er frekar léttur riðill í EM sem við erum að klúðra eftir tap gegn lélegu liði Austurríki og mjög naumum sigri gegn enn slakara liði Letta. Ef við ætlum okkur þar áfram þá þurfum við nýjar hugmyndir og það gerist ekki nema með nýjum þjálfara.

Eins marks sigur Króata

Athugasemdir

[Skúli (IP-tala skráð) 29.1.2011 kl. 00:45]

Þetta er algjör þvæla hjá þér.  Guðmundur hefur náð bestum árangri allra landsliðsþjálfara á sínum ferli með liðið, 4., 3. og 2. sæti á stórmótum og nú 6. sæti á HM, sem er næstbesti árangur landsliðsins á því móti frá upphafi!  Það gengur ekki að heimta þjálfarann burt þó liðið vinni ekki til verðlauna eitt mótið enn og örugglega fáir jafnsvekktir og Gummi sjálfur.  Það er hins vegar ekkert að því að gagnrýna hann og hans vinnubrögð, t.d. af hverju að taka Sigurberg Sveinsson með en láta hann ekki spila neitt að ráði og af hverju hann notar sömu mennina leik eftir leik þegar þeir eru greinilega ekki í sama standi og á síðustu mótum.  En svona er lífið.  Og þú verður að muna það að síðustu fjórir leikirnir voru allir á móti heimsmeisturum síðustu 4 síðustu heimsmeistaramóta!  Og að vilja Snorra Stein burt skil ég ekki heldur.  Og mundu að Alfreð Gísla hefur stýrt landsliðinu áður og náði ekki þeim árangri sem Gummi hefur náð með því liði þó hann brilleri úti með Kiel.  Allir þjálfarar hafa sinn tíma en tími Gumma er ekki liðinn enn, sem betur fer.