Góður punktur hjá Vranjes

Sænski snillingurinn Vranjes ætti að vita hvað hann syngur, því auk þess að hafa verið frábær leikstjórnandi þá er hann þjálfari Flensborgar í þýsku deildinni.

Gaman hefði verið að heyra meira frá skoðunum hans, t.d. á þeirri ákvörðun Guðmundar landsliðsþjálfara að láta Snorra Stein spila eins mikið og raun ber vitni en Snorri var annar þeirra sem þurfti að skipta út eftir hverja sókn (hinn var Róbert Gunnarsson),.

Vandamálið var ekki aðeins það í þessum leikjum - og öllu mótinu - að skipta þyrfti Snorra út af, heldur einnig það að þessi leikstjórnandi íslenska landsliðsins skoraði alls ekki fyrir utan og flúði því inn á línuna í hverri sókn, svo við spiluðum allar sóknir aðeins með tvo leikmenn fyrir utan.

Því brást sóknarleikurinn algjölega í þessu móti og eftirleikurinn varð auðveldur eftir að andstæðingarnir náðu að lesa liðið.

Það skrítasta við að nota Snorra svo mikið sem leikstjórnanda er það, að við eigum tvo menn sem spila þessa stöðu miklu meira með félagsliðum sínum en Snorri gerir. Það er Aron Pálmarsson sem leikur þessa stöðu með einhverju mesta handboltaliði heims, Kiel. Hinn er Arnór Atlason sem skipar þessa stöðu hjá AG Kaupmannahöfn, þrátt fyrir að Snorri sé í sama liðinu! Þannig velur þjálfari danska liðsins Arnór fram fyrior Snorra, öfugt við Guðmund.

Ástæðan er eflaust sú að Arnór er miklu betri varnarmaður en Snorri, reyndar einn besti varnarmaður okkar, en að auki er hann góð skytta sem getur stokkið upp fyrir utan og ógnað, sem ekki verður sagt um Snorra.

Því er óhætt að fullyrða að það var ekki "strákarnir okkar" sem féllu á prófinu á HM, heldur þjálfarinn.

„Lærðu ekki af mistökum sínum“

Athugasemdir

[Jón Flón (IP-tala skráð) 31.1.2011 kl. 08:52]

Já, en bíddu nú hægur. Arnór var hundlélegur á þessu móti og virtist hafa meiri áhuga á að skjóta í áhorfendur en í markið. Það hefði verið stórslys að hafa manninn inni á vellinum lengur en hann var.

[Einar (IP-tala skráð) 31.1.2011 kl. 09:34]

Aron átti einn góðan leik. Fyrsta leikinn. Restina af mótinu var hann mistækur, fljótfær og klaufskur. Snorri átti þó sjálfur ekki marga góða leiki á mótinu. Ekki hans besta mót, hann var frábær á EM og ÓL.

Þessi þjálfari er búinn að ná í tvær medalíur á síðustu 3 stórmótum. Enginn annar þjálfari íslenska landsliðsins hefur náð þeim árangri. Ég treysti því sem Guðmundur er að gera og efast ekki um hans þjálfara hæfileika.

[Torfi Kristján Stefánsson, 31.1.2011 kl. 09:56]

Aron og Arnór voru mistækir á þessu móti, það er rétt. Enda var þeim miskunnarlaust refsað fyrir það af þjálfaranum, og teknir umsvifalaust út af.

En Snorri Steinn virðist njóta einhverra sérkjara hjá Guðmundi. Sama hvaða vitleysuna hann gerði, þá hékk hann alltaf inná. Þetta var mest áberandi í síðasta leiknum þar sem hann spilaði mest allra.

Svo var auðvitað merkilega að hann, lélegasti skotmaðurinn, tók yfirleitt af skarið þegar hönd dómaranna var komin upp - sem dæmi um leiktöf - og skaut á markið. Auðvitað skoraði hann aldrei.

Ég leyfi mér að fullyrða að árangurinn á EM og ÓL hafi komið til þrátt fyrir Guðmund þjálfara, ekki vegna hans. Við voru þá einfaldlega með besta handboltamann í heimi, Ólaf Indriða, og það var hann sem tryggði þennan árangur en ekki þjálfarinn. Nú þegar Óli er farinn að gefa sig þá sést það strax á árangrinum.

Auk þess spái ég því að Guðmundur verði mjög fljótlega rekinn sem þjálfari Löwen. Hann hefur engum árangri náð með liðið, þrátt fyrir mjög sterka leikmenn og glás af peningum.

Nei ég vil frekar fá braskarann Dag Sigurðsson sem  landsliðsþjálfara en þennan litla trúð!

[þórarinn (IP-tala skráð) 1.2.2011 kl. 15:14]

Arnór var ekkert svo miskunarlaust refsað fyrir mistök. Hann hékk inná t.d. allt of lengi í síðasta leiknum og hann einn klúðraði þeim leik því hann gerði það í þremur síðustu sóknum íslands sem og að gera fleiri mistök í þeim leik, áberandi lélegasti leikmaður leiksins. góður punktur með snorra samt. þar af leiðandi finnst mér rétt að spyrja eru varamenn okkar það lélegir að þeir eiga ekki rétt á að spila meira á stórmótum þegar lykilmenn klikka, því það spilar enginn vel heilt mót. okkur vantar meiri breidd klárlega ef við ætlum að gera atlögu að titli.