Norðmenn ekki par hrifnir!

Stefán Gíslason fær ekki háa einkunn hjá stuiðningsmönnum norska úrvaldsdeildarliðsins Viking í Stavanger fyrir framkomu sína gagnvart félaginu. Menn þar á bæ töldu sig örugga með að Stefán kæmi til þeirra eftir að hann varð laus undan samningi við Bröndby, enda var lagt upp með það í öllu samningarferlinu og Stefán hafði leikið með liðinu sem lánsmaður síðastliðið sumar.

En, ónei. Þegar forráðamenn félagsins höfðu samband við hann um helgina, liðið er að fara í æfingarbúðir suður á bóginn og hann átti að fara með, þá var komið annað hljóð í strokkinn. Hann ærlaði að taka sér tíma og hugsa sig um, jafnvel einfaldlega að flytja heim til Íslands.

Eftir þessari frétt að dæma er ekkert svoleiðis á döfinni, svo það liggur næst að halda að hann hafi verið að draga Viking á asnaeyrunum allan tímann. Stuðningsmenn liðsins benda á að í Danmörku sé talað um hann sem afspyrnu peningagráðugan knattspyrnumann, og er þá mikið sagt, - og telja það ástæðuna fyrir sinnaskiptum Stefáns.

„Bara atvinnulaus fótboltamaður“

Athugasemdir

[Heiðar (IP-tala skráð) 8.2.2011 kl. 21:09]

Minnir dálítið á Tryggva Guðmundsson og Eið Smára.

[Halldór Jóhannsson, 9.2.2011 kl. 01:53]

Isl.knattspyrnumenn eru að drepast í græðgi,nánast allir upp til hópa,og svo verða þeir ALvitlausir ef þeir verma BEKKINN GÓÐA.....og vilja fara í önnur lið margir,enginn þolinmæði...

Svo segja þeir alltaf að þjálfarnir séu já......og blöðin éta það upp eftir þeim....

En við vitum ekkert hvað þeir og hvernig þeir koma fram við þjálfaranna og félagið...

Ég gæti nefnt nokkra,sem eru búnir að spila mjög illa úr sínum spilum.