Ekki nema von að kvartað sé yfir enskum dómurum!

Farsinn með enska knattspyrnudómara ætlar engan enda að taka! Það má ekki hrófla við þeim, þ.e. ekki gera athugasemd við dómgæslu þeirra án þess að eiga á hættu stórar sektir og/eða leikbann.

Þetta atvik er gott dæmi um fáránlega dómgæslu. Hvar í knattspyrnulögum er leikmönnum bannað að hjálpa til við að fjarlægja menn sem trufla leiki með því að hlaupa inn á leikvanginn - og hvar tekið fram að reka skuli þá af velli fyrir slíkt?

Það ætti auðvitað að verðlauna þennan leikmann en setja dómarann í ævilangt bann fyrir þessa fáránlega dómgæslu. Vandamálið er þó auðvitað það, að ef einhver tengdur knattspyrnuiðkun gerist svo djarfur að stinga upp á slíku þá á hann á hættu að vera bannað að koma nálægt fótbolta í einhvern tiltekinn tíma!

Já, Bretum er ekki við bjargandi!

Rekinn útaf fyrir að stöðva strípaling (myndband)

Athugasemdir

[Ég (IP-tala skráð) 8.3.2011 kl. 17:03]

Myndi þetta ekki geta fallið undir "ofsalega framkomu"?

Leikbrot sem leiða til brottvísunar
Leikmanni, varamanni eða leikmanni sem skipt hefur verið út af skal vísað af leikvelli og sýnt rautt spjald, ef hann fremur eitthvert eftirfarandi sjö leikbrota:

alvarlega grófan leik

ofsalega framkomu

o.s.fr.

[Torfi Kristján Stefánsson, 9.3.2011 kl. 14:38]

"Ofsalega" framkomu? Hvernig framkoma ætli það sé? Ofsafengin hlýtur þetta að eiga að vera.

Annars sé ég ekkert "ofsalegt" við viðbrögð leikmannsins. Hann leiddist einfaldlega framtaksleysi og roluhátt vallarstarfsmannanna og ákvað að hjálpa þeim aðeins!

Dómarinn hins vegar var harla fljótur upp með kortið. Ætli hann hafi verið að bíða eftir þessu?