Varalið

Merkilegt að vera að senda varaliðið í æfingaleiki fyrir úrslitin á EM 21 árs landsliða - og láta Ólaf Johannesson fá að hirða bestu bitana í leikinn gegn Kýpur sem skiptir fullorðinslandsliðið alls engu máli.

Þeir eru ekki margir leikmennirnir í þessu liði sem voru með í undankeppninni. Að vísu fá markverðirnir að vera í friði, þeir Haraldur Björnsson og Arnar Darri Pétursson (Sönderjyske). Vörnin er einnig nokkuð stabíl þó svo að mann eins og Eggert Jónsson vanti; eða með Hjört Loga Valgarðsson (IFK Gautaborg), Skúla Jón Friðgeirsson, Elfar Frey Helgason og jafnvel Hólmar Örn Eyjólfsson innanborðs.

Miðjumenn sem koma til greina í liðið á EM eru hins vegar fáir og varla nema Bjarni Þór Viðarsson (Mechelen).

Nóg er af sóknarmönnunum sem hafa leikið í undankeppninni og kemur varla nema einn í þessu liði til greina á EM, eða Björg Bergmann Sigurðarson (Lilleström).

Þetta er því harla vængstífður hópur sem hefur undirbúninginn og leikur gegn Úkraínu nú seinni hlutann í mars. Þá er alls óvíst um leikinn gegn hinu firnasterku liði Englands nokkrum dögum seinna.
Því er óhætt að fullyrða að ekki byrjar undirbúningurinn undir úrslitakeppnina á EM í júní vel.

Einn nýliði í U21 ára landsliðinu

Athugasemdir

[Torfi Kristján Stefánsson, 15.3.2011 kl. 15:07]

Svona til að bæta við þetta þá eru eftirtaldir leikmenn "aðalliðs" 21 árs liðsins að leika með A-landsliðinu á sama tíma og leikur 21 árs liðsins fer fram í Úkraínu. Þeir eru:

Aron Einar Gunnarsson, Coventry

Rúrik Gíslason, OB

Arnór Smárason, Esbjerg

Guðmundur Kristjánsson

Jóhann Berg Guðmundsson, AZ Alkmaar

Birkir Bjarnason, Viking

Gylfi Þór Sigurðsson, Hoffenheim

Eggert Gunnþór Jónsson, Hearts

Kolbeinn Sigþórsson, AZ Alkmaar

Alfreð Finnbogason, Lokeren