"Ekki eftir Gaddafi"

Þetta er auðvitað athyglisverð frétt því Bandaríkjamenn og viljugir fylgjendur þeirra hafa ítrekað að ætlunin sé ekki að drepa Gaddafi Lýbíuforseta. Þeir gleymdu þó, eða létu það ógert, að segja að þær ætluðu ekki heldur að drepa son hans (sem var eins gott ef þessi frétt er rétt).

Annars eru vestrænir fjölmiðlar farnir að verða gagnrýnir á stríðsrekstur hinna viljugu þjóða. Bent er á að það vanti alveg hernaðaráætlun - eða að menn viti ekki hvað þeir vilja.
Vesturveldin fullyrða að markmiðið sé fyrst og fremst að vernda almenna borgara en samtímis heyrast raddir um að markmiðið sé að fjarlægja Gaddafi. Það virðist hafa verið markmiðið með árásunum á höfuðstöðvar hans í gær, en hitt yngri Gaddafi fyrir en ekki þann eldri.

Þá gagnrýndi aðalritari arababandalagsins Frakka harðlega í gær fyrir að ráðast gegn almennum borgurum en fjöldinn allur af einkabílum voru sprengdir í loft upp þegar franskar flugvélar gerðu árás á þjóðveginn til Benghasi. Í arabaheiminum er farið að líta á hernaðaraðgerðirnar sem enn eina innrásina í múslímskt land.

Sonur Gaddafi sagður látinn

Athugasemdir

[Torfi Kristján Stefánsson, 21.3.2011 kl. 10:54]

Við þetta má bæta að í Kairó í morgun var gerður aðsúgur að Ban-Ki Moon aðalritara Sameinuðu þjóðanna. Náði hann að forða sér í skjól inn í byggingu Arababandalagsins, undan reiðum stuðningsmönnum Gaddafis er hann var að skoða frelsunartorgið í höfuðborg Egyptalands.

[Torfi Kristján Stefánsson, 21.3.2011 kl. 13:14]

Það eru alls konar kjaftasögur í gangi um þetta meinta dráp á yngsta syni Gaddafis.

Sú helsta er sú að flugmaður úr her Libýu hafi flogið inn í höfuðstöðvar stjórnarinnar og drepið þannig sjálfan sig og soninn. Hann hafi verið búinn að fá nóg og valið þessa sjálfsmorðsárás til að gera sitt til að koma Gaddafifjölskylduna frá völdum.

Það eru þó margir sem leggja takmarkaðan trúnað á atvikið - og segja söguna minna á margar flökkusögur sem gengið hafa nú lengi.

Vestrænir fjölmiðlar eru mjög varkárir í fréttum sínum af þessari sögusögn - og nefna margir hverjir hana alls ekki.

En Mogginn þorir - eins og venjulega!

[Sigurður Helgason, 21.3.2011 kl. 13:37]

Á ekki karlinn hundrað konur og 1000 börn ????????? 

Einhveratímann heyrði ég það, hver er þá yngsti og elsti sonur,

Eða á hann eina konu og 99 í kvennabúri, ALVÖRU KARLMAÐUR

[Torfi Kristján Stefánsson, 21.3.2011 kl. 14:36]

Þú meinar að aðförin að Gaddafi sé runnin undan rótum öfgafullra sértrúarsafnaða í Bandaríkjum sem vilja koma þessum syndum spillta sauðlífismanni fyrir kattarnef hvað sem það kostar?

Það skýrir þó ekki þátttöku Breta og Frakka í árásunum, en þeir hafa hingað til litið á slíkt sem dæmi um mikla karlmennsku, rétt eins og þú gerir Sigurður!

Annars er ekkert gaman að þessu, ekki frekar en öðrum stríðsátökum. Þau bitna alltaf fyrst og fremst á almenningi, sama hversu hástemmdir árásaraðilarnir eru. Við hljótum flest að vilja leysa ágreiningsmál með samningum en ekki með ofbeldi - þó svo að ráðamenn á Vesturlöndum virðast vera á annarri skoðun.

[Sigurður Haraldsson, 22.3.2011 kl. 11:25]

Gaddafi verður að afmá af hnettinum áður en það er of seint, munið hvernig fór með Hitler!

[corvus corax, 22.3.2011 kl. 13:28]

Það verður að koma ríkisstjórn Íslands frá áður en það er of seint, munið hvernig fór með Hitler!