Samstaðan hefur þegar riðlast

Fréttir hafa borist af því að mikil óeining ríki innan Evrópusambandsins og NATO um hernaðaraðgerðirnar í Libýu - og að fundur sá sem á að vera í London í dag verði stormasamur, en þar koma saman fulltrúar 35 landa (Ísland líklega þar á meðal en Össur er sagður vera í borginni).

Deilt er aðallega um það hvað felist í orðalaginu í ályktun Öryggisráðs SÞ um að vernda almenna borgara "með öllum tiltækum ráðum".

Þá hafa bæði Arababandalagið og Samtök Afríkuríkja gagnrýnt aðgerðirnar og segjast ekki geta samþykkt neitt nema það sé gert af mannúðarástæðum.

Ræða Obama sýnir að aðgerðirnar njóta ekki stuðnings heima fyrir. Almenningur í USA vill ekki nýtt Írak eða Afganistan og vill helst að Bandaríkin dragi sig út úr hópi "hinna viljugu þjóða."

„Höfum stöðvað Gaddafi“

Athugasemdir

[Jón Lárusson, 29.3.2011 kl. 08:20]

Það sem mér finnst skýna í gegnum þetta allt er hræsnin. Ef þetta er bara vegna þess að Gaddafi er svo vondur og er að níðast á almenningi, þá spyr ég mig líka; hvað með Fílabeinsströndina, Sómalíu, Bahrein ...

Ég tel rétt að vinna gegn órétti í heiminum, en ég geri samt kröfu um samræmi í orðum og gerðum. Það er ekki hægt að nota olíuhagsmuni sem einhvern útgangspunkt í þessu.

Svo var loka málsgreinin áhugaverð "Obama sagði að heimurinn væri betri staður ef Gaddafi væri ekki lengur við völd", en þetta hljómar svolítið eins og rispuð plata. Maður getur skipt út Gaddafi fyrir Saddam og þá virðist ekki skipta máli hvort forseti Bandaríkjanna heitir Bush eða Obama, sé svartur eða hvítur. Þeir eru bara alveg eins.

[Torfi Kristján Stefánsson, 29.3.2011 kl. 15:48]

Já, alveg sammála þarna. Það er enginn munur á Bush eða Obama - og auðvitað hinn mesti skandall að maðurinn sé handhafi friðarverðlauna Nóbels. Það sýnir hræsnina í Norðmönnum en þeir eru á fullu með í stríðsaðgerðunum í Libýu (rétt eins og í Afganistan).

Hræsnin er auðvitað yfirgengileg. Menn þykjast ekki vera að reyna að koma Gaddafi frá með aðgerðunum en geta svo ekki stillt sig að viðurkenna að það sé lokamarkmiðið!

[Jón Lárusson, 30.3.2011 kl. 10:03]

Svolítið fyndið með friðarverðlaunin. Obama fékk þau ekki fyrir eitthvað sem hann hafði gert, heldur eitthvað sem menn reiknuðu með að hann ætlaði að gera. Það lítur sem sagt út fyrir að hann hafi fengið verðlaunin á yfirdrætti og sé núna að lenda á FIT