Viðbrögðin á Norðurlöndunum

Viðbrögðin að utan láta ekki á sér standa. Í norska vefmiðlinum aftenposten.no segir frá niðurstöðu þjóðaratkvæðagreiðslunnar á hlutlausan hátt.

Þar er meðal annars stutt viðtal við stórsöngvarann Kristján Jóhannsson sem stígur þar niður úr vellystingarhásæti sínu og blandar sér í kór alþýðunnar: "Við borgum ekki skuldir skúnkanna sem velta sér enn upp úr lúxusnum" ("Ikke en sjanse at vi skal betale gjelda til skurkene som fortsatt velter seg i luksus").

Þó tala fjölmiðlar, eins og dn.se., að dómstólaleiðin, sem þetta leiðir óneitanlega til, geti orðið Íslendingum enn dýrari.

Politiken.dk segir einnig að þetta muni gera inngönguna í ESB erfiðari.
Þar (og í Aftenposten) er vitnað í lögfræðinginn Pétur Gunn (sem er óþekkt stærð hér nema þetta sé stjórnlagaráðsmaðurinn og eiginmaður hinnar síkátu Arnþrúðar Karlsdóttur á Útvarpi Sögu).
Þá er viðtal við einn af Valfellsauðvaldinu, Svein Valfells, sem gleðst mjög yfir að komast enn einu sinni upp með að borga ekki skuldir sínar (enn sem komið er).

Mikilvægt að eyða óvissu

Athugasemdir

[Marinó G. Njálsson, 10.4.2011 kl. 13:56]

Torfi, skýrðu út hvernig Sveinn Valfells skuldar þetta.  Hann hefur verið búsettur í London í mörg ár, bara svo þú vitir, og greiðir örugglega sína skatta þar.

[Torfi Kristján Stefánsson, 10.4.2011 kl. 17:22]

Hafa þessi kallar nokkurn tímann borgað skatta sína og skuldir?

Er hann ekki annar aðalerfingi Valfellsauðsins, sem seldi Steypistöðina fyrir ekki svo margt löngu - á yfirverði? Hvar eru þeir peningar nú?