Lygar kveðnar niður!

Norskir fjölmiðlar, hallir undir sósíaldemókratana í Noregi, hafa verið að gera því skóna að fréttir af drápinu á syni Gaddafi og þremur ungum sonarsonum hans væru tilbúningur Gaddafis sjálfs.
Þeir hafa meira að segja gengið svo langt að fullyrða að drápin á fósturdóttur árið 1986, sem flestir telja staðreynd, hafi einnig verið tilbúningur.

Menn hafa reynt að gera fréttina tortryggilega með því að spyrja um líkið, sem nú hefur hér með verið staðfest að sé af syni Gaddafís.

Þessi tilraun er auðvitað hlægileg ekki aðeins í ljósi þess hversu auðvelt er að hrekja hana, heldur einnig vegna þess hversu vegsummerkin eru augljós.
Þú sprengir ekki íbúðarhús í eigum fjöldskyldu Gaddafis án þess að það verði öllum ljóst.
Og þú gerir heldur ekki árás á íbúðarhús fjölskyldunnar og kemur svo eftir á og neitar að ætlunin hafi verið að drepa þjóðaleiðtogann (og alla í návist hans). Amk ertu ekki trúverðugur eftir það.

Það er heldur ekki trúverðugt að fullyrða eftir á, eins og talsmaður NATÓ gerir, að einungis sé gerðar árásir á hernaðarleg skotmörk. Íbúaðarhús verða seint hernaðarleg skotmörk, sem reyndar var ekki einu sinni leyft að gera árás á samkvæmt ályktun Öryggisráðsins (aðeins að halda uppi flugbanni á landið).
Já, hræsnin og lygarnar eru að verða yfirgengilegar - og ætla engan endi að taka.

Staðfestir andlát Saif al-Arab

Athugasemdir

[Jóhanna (IP-tala skráð) 1.5.2011 kl. 20:51]

Norðmenn eru sennilega orðnir svo gráðugir eftir að þeir fundu olíuna að svífast einskis eins og ameríkanar.  Öðru vísi mér aður brá.  Þá áttu þessir ræflar hvorki ofan í sig eða á, eftir seinni heimstyrjöldina.  það sannast ætíð að margur verður af aurum api, ein og frændur í Noregi. Ég er sammála þeim sem segja að þetta stríð er ein lögleysa frá upphafi til enda.