Maðkur í mysunni?

Þessi nauðgunarkæra er alltaf að verða furðulegri og furðulegri - og í stíl við allt annað í Bandaríkjunum og þar sem Bandaríkjamenn eru annars vegar.
Að fara fram á allt að 25 ára fangelsi fyrir brot sem þetta, ef satt reynist, er auðvitað fáheyrt.

Það eru ekki aðeins franskir fjölmiðlar sem eru fullir efasemda. Norskir fjölmiðlar benda á að álfyrirtækið Norsk Hydro hafi sérstakar reglur fyrir starfsmenn sína ef þeir eiga erindi til USA.
Þeir megi helst aldrei vera einir með manneskju af gagnstæðu kyni því það megi búast við kæru af minnsta tilefni. Það sem metið er kynferðislegt áreiti þar í landi sé í Evrópu yfirleitt talið sára saklaust.
http://www.aftenposten.no/nyheter/uriks/article4123014.ece

Þá eru harkaleg viðbrögð bandarískra dómsyfirvalda gagnrýnd og talin eiga sér rætur í Polanski-málinu en þar slapp kvikmyndaleikstjórinn frægi undan hinni rómuðu amerísku réttvísi. Það á ekki að gerast núna.

Þá er réttarstaða sakborninga allt önnur og lélegri í Bandaríkjunum en þekkist annars staðar. Í Frakklandi er t.d. bannað að sýna mann í handjárnum og ekki heldur að banna hinum grunaða að ræða við fjölmiðla undir slíkum kringumstæðum.
Já, mannréttindamál eru ekki í hávegum höfð í þessu landi frelsis, jafnréttis og bræðralags.

Með fjarvistarsönnun?

Athugasemdir

[Heiða (IP-tala skráð) 17.5.2011 kl. 00:17]

Ég klappa fyrir USA í svona tilvikum þetta er MAÐKUR og ekkert nýtt.

[Marinó G. Njálsson, 17.5.2011 kl. 00:32]

Maðkur í mysunni eða ekki, þá þarf hið sanna að koma í ljós.  Þetta lyktar af vel uppsettu leikriti, en gæti líka verið hinn glórulausi glæpur sem kærður hefur verið.

[Sigurður Haraldsson, 17.5.2011 kl. 00:52]

Vonandi sigrar réttlætið!

[Sigurbjörn Friðriksson, 17.5.2011 kl. 01:31]

Bandaríkjamenn hafa oft verið nefndir sem Talibanar hins vestræna heims, hvað viðvíkur; mannréttindi, jafnrétti kynjanna og kynþáttanna, kynferðismál o.s.frv.  Þá er verið að tala um viðmiðun við nágrannalönd.  Þ.e., Afganistan miðað við önnur Múslimalönd.  Bandaríkin miðuð við önnur vestræn lönd.

Svo á þessi Strauss-Kahn ekki að vera að fara með kvenfólk eins og Alþjóða Gjaldeyris Sjóðurinn (AGS) fer með smáríki og vanþróuð ríki sem þeir hafa komist yfir.

Kveðja, Björn bóndi 

[Pétur Jónsson (IP-tala skráð) 17.5.2011 kl. 02:07]

Þetta er svo súrrealísk atburðarás eitthvað, það er nú stutt síðan átti að koma wikileaks foringjanum í geymslu

[Torfi Kristján Stefánsson, 17.5.2011 kl. 09:06]

Svanur Þorkels er með góða lýsingu á atburðarásinni eins og henni er lýst í frönskum fjölmiðlum en þar er almennt trúað að þetta sé samsæri gegn Strauss-Kahn.

Hvað varðar kúgun AGS á smáríkjum þá eru flestir sammála um að Kahn hafi tekist að breyta stefnu samtakanna. Við Íslendingar höfum notið þess enda höfum við komist upp með það að halda velferðarkerfinu að mestu óskertu.

Mál Strauss-Kahn hefur vakið mikla athygli í Grikklandi en Grikkir höfðu gert sér miklar vonir um að hann gæti verið málamiðlari i deilum þeirra við Þjóðverja.

Hægristjórnin í Þýskalandi hefur sett fram mjög harðneskjulegar kröfur á hendur Grikkja og heimtað mjög víðtækan niðurskurð í gíska velferðarkerfinu.

Sósíalistastjórnin í Grikklandi hafa því leitað til AGS, sem hefur sett fram hugmyndir um mun mildari aðgerðir.

[Einar (IP-tala skráð) 17.5.2011 kl. 11:29]

Ótrúlegt athæfi hjá manninum, ef satt er.

Ætli hann hafi ekki áttað sig á því á meðan á verknaðinum stóð, að ferill hans í pólitík væri á enda og mannorð hans væri skaddað.

Miðað við hvað þessi maður hafði að tapa, að þá finnst manni þessi atburðarrás ótrúleg alveg. Tala nú ekki um þar sem vændiskonur bjóða blíðu sína á götum borgarinnar (öðru hverfi reyndasr) og þar hefði hann getað greitt fyrir greiðann.

Hefði eflaust getað fengið eina til að fara í hótel þernu búning ... ef hann hefði borgað aukalega ... og hann ætti að hafa efni á því.

Stórfurðulegt mál alltsaman og mikið högg fyrir AGS.