Af hverju á hóteli?

Ég skil ekki alveg af hverju ráðuneytisfólkið, með ráðherrann í fylkingarbrjósti, fer á hótel til að þrífa.

Af hverju ekki frekar til almennings þar sem meiri þörf er á hjálp, já eða fyrirtækja í iðnrekstri?

Auk þess virðast hugmyndir stjórnvalda um að eyða stórfé í þrif og fleira þarna austurfrá vera dæmi um algjöran flottræfilshátt og sóun á almennafél, því ástandið sé ekki verra en það að heimamenn geta séð um þetta sjálfir (og þa´með hjálp sjálfboðaliða).

Er ekki hægt að gera annað viturlega við þetta fjármagn?

Hreint og strokið á Klaustri

Athugasemdir

[H.T. Bjarnason (IP-tala skráð) 26.5.2011 kl. 21:45]

Öll aðstoð er vel þegin og skiptir litlu máli hver það er sem réttir fram hjálparhönd.  Auk þess skil ég ekki hvað er athugunarvert við það að hótel hafi orðið fyrir valinu.  Á tímum sem þessum er mikilvægt að reyna að standa saman.

[Torfi Kristján Stefánsson, 26.5.2011 kl. 22:19]

Ég hélt nú að hótel ættu nokkuð auðvelt með að borga fyrir svona vinnu (eða með fólk í vinnu til að gera þetta), amk auðveldara en allur almenningur.

En auðvitað hefur atvinnurekstur forgang hjá yfirvöldum fram yfir sauðsvartan almúgann. Svo er með skuldirnar og því ekki einnig hér?

[H.T. Bjarnason (IP-tala skráð) 27.5.2011 kl. 13:14]

Þar sem ég þekki nokkuð vel til fólksins á þessu svæði vil ég benda á að öll hjálp, hvaðan sem hún kemur, er vel þegin.  Það skiptir litlu máli hvort heimili fólks eða vinnustaðir fólks eiga í hlut.  Allt niðurrifstal í þessu samhengi þjónar engum tilgangi.