Hvor aðilinn er þá sekari?

Þessi niðurstaða sýnir einfaldlega að það er ekki möguleiki að taka afstöðu með öðrum aðilanum gegn hinum í þessum átökum.

Framferði NATÓ er því mörg gagnrýnisverð því þar með er í raun verið að réttlæta dráp annars aðilans en refsa hinum fyrir nákvæmlega sama glæpinn.

Það er löngu kominn tími til að NATÓ hætti loftárásum sínum á Gaddafi og stjórn hans - og samþykki vopnahlé sem nær til báða aðila - rétt eins og Afríkusambandið hefur krafist.

Staðfestir glæpi gegn mannkyni

Athugasemdir

[Torfi Kristján Stefánsson, 2.6.2011 kl. 00:40]

Talandi um glæpi gegn mannkyni þá var verið að sýna dönsku myndina, Armadillo, rétt í þessu á RÚV. Þar var verið að segja frá stíðsglæpum Dana í Afganistan fyrir rúmum tveimur árum (2009), en Danir eru eins og kunnugt er ein af viljugustu þjóðunum í Libýustríðinu - og fyrrum forsætisráðherra Dana, Anders Fogh Rasmussem, sem var aðal frumkvöðull þess að Danir bæru stórar byrðar í hernáminu í Afganistan, er orðinn framkvæmdastjóri NATÓ sem laun fyrir dygga þjónustu í Afgan.

Myndin Armadillo sýnir m.a. dráp danskrar liðsveitar á fimm Talibönum, þ.e. hermönnum sem berjast gegn hernámsliði NATÓ. Það sem vekur mesta athygli er mórallinn meðal dönsku hermannanna. Þeir fagna mjög yfir dauða þessara fimm Talibana þó svo að augljóst sé að Talibanarnir voru búnir að gefast upp þegar þeir voru drepnir. Þetta eru auðvitað stríðsglæpir og brot á Genfarsáttmálanum um meðferð á hermönnum sem eru varnarlausir og hafa gefist upp. Fjórir þeirra voru drepnir með einni handsprengju, og líkin mjög illa leikin og sá fimmti skotinn þar sem hann reyndi að leynast undir trjábol.

En eins og áður sagði þá voru það viðbrögð yfirmanna liðsveitarinnar sem vakti mesta athylgli. Þeir hrósuðu drápunum mjög: Frábært ("rigtigt godt arbeide"). Stemmningin hjá liðsveitinni var eins og hjá fótboltaliði sem hafði unnið á fótboltavellinum. Hér var greinilega ekki um að ræða líf fólks, svo Danirnir voru stoltir yfir því að "aflífa þá eins mannúðlega og við gátum".

Réttlætingin var sú að einhverjir úr hópnum særðust og því var eðlilegt að drepa mennina en ekki taka þá til fanga (eins og Genfarsáttmálinni og allar mannúðarhugmyndir segja til um). Hér er því greinilega um stríðsglæp að ræða.

En þrátt fyrir þessa mynd og þennan stríðsglæp, og þrátt fyrir gagnrýni einstakra liðsmanna sveitarinnar sem létu sitt fólk heima í Danmörku vita, þá brugðust forsvarsmenn hennar við með því að segja setningu eins og þessa: "Þið stóðuð ykkur frábærlega".

Og einstaka liðsmenn voru mjög ánægðir með að eitthvað bitastætt hafði gers,t vegn -a þess að það hefði verið svo leiðinlegt að koma heim án þess.

Það var greinilega gaman hjá Dönunum eftir drápin.

Gott dæmi um að þarna var um raunverulega stríðsglæpi að ræða, var setning eins og þessi um einn Talibanann: "Hann var enn á lífi og dróst áfram og þá kom Daníel".

Liðstjóri sveitarinnar, geðklofi að nafni Rasmus, fannst athugavert að einhverjir úr liðinu hafði sent fréttir heim og sagt frá því að sveinin hafði aflífað særða menn og stillt sér upp með líkunum - og hlegið að þeim dauðu.

Hann var hótandi og fór fram á það að þeir sem hefðu sent þessar fréttir heim gæfu sig fram.

Hér var greinilega á ferð siðblindur brjálæðingur sem var hræddur við herrétt.

En hann þurfi auðvitað ekkert að óttast. Enn hefur enginn verið ákærður fyrir morðin á þessum finn varnarlausu Talibönum í skurðinum í Halmandhéraði í Afganistan, langt frá helgum landamærum Danmerkur.

Tveir helstu brjálæðingarnir í sveitinni fengu þvert á móti fengu medalíu fyrir afrek sín.

[Che, 2.6.2011 kl. 15:59]

"Tveir helstu brjálæðingarnir í sveitinni fengu þvert á móti fengu medalíu fyrir afrek sín."

Þetta minnir mig á þegar ofursti með eftirnafnið Medina var heiðraður á meðan á stríðinu í Viet Nam stóð. Medina var í raun ábyrgur fyrir að gefa fyrirskipun um fjöldamorðin í My Lai. En lægra settur liðþjálfi, Calley var dæmdur í lífstíðarfangelsi fyrir ódæðið, en þurfti aðeins að afplána fjóra og hálfan mánuð (þökk sé afskipti Nixons). Allir aðrir sem voru ákærðir voru annað hvort sýknaðir eða náðaðir. En stuttu síðar fékk Medina og fleiri orður eða verðlaun fyrir vel unnin verk. 

Til upprifjunar: The My Lai Massacre was the mass murder of 347–504 unarmed citizens in South Vietnam on March 16, 1968, conducted by a unit of the United States Army. All of the victims were civilians and most were women, children (including babies), and elderly people. Many of the victims were raped, beaten, tortured, and some of the bodies were found mutilated.

En varðandi danska herinn, þá er saga hans öll hin vandræðalegasta. Á 20. og 21. öldinni hefur hann engin afrek unnið, heldur annað hvort gefizt upp strax eða ráðizt á garðinn þar sem hann er lægstur: 2. heimsstyrjöld, Bosnía/Króatía, Afghanistan. Samt hefur hann þó aldrei verið eins stórtækur í níðingsverkum og U.S. Army, Sovetskaya Armiya, Wehrmacht/SS, Los conquistadores, ... (listinn er langur).