Þokkalegur fyrri hálfleikur!

Ekki var stemmningin burðugleg í byrjun, svo sem þegar þjóðsöngurinn var leikinn. Aðeins einn leikmaður íslenska landsliðisins reyndi að syngja með - og ekkert heyrðist heldur í þjálfurunum.
Byrjun leiksins var eftir því, þó svo að íslenska liðið hafi reynt að pressa Danina hátt á vellinum. Danir fengu tvö horn á fyrstu tveimur mínútunum og voru komin með fjögur á fyrstu 10, en Íslendingar ekkert!
Vandamálið var greinilega vinstra megin þar sem Hermann var ekki að hjálpa vinstri bakverðinum (Bjarna Eiríks) og ekki heldur varnartengiliðurinn. Hermann var mjög slakur til að byrja með, kinksaði amk tvisvar illa, en hresstist er leið á hálfleikinn.
Danir fengu dauðafæri á 28 mín, (C. Eriksen), enn hægra megin frá þeim séð. Svo varði Stefán mjög vel á 30 mínútu.

Svo fóru Íslendingar að hressast, þökk sé Eiði Smára. Hann var með fínar sendingar út úr pressu Dana og átti gott skot á 38. mínútu. Síðustu mínúturnar voru pressa á Danina. Gylfi var með tvö mjög góð horn sem sköpuðu stórhættu, en Danir áttu síðasta færið.

Danagrýlan lifir góðu lífi

Athugasemdir

[Torfi Kristján Stefánsson, 4.6.2011 kl. 21:03]

Lélegur seinni hálfleikur!

Já, það er engu logið á þetta íslenska lið.

Daprara landslið hefur sjaldan sést - og alls ekki bjóðandi upp á þetta þjálfarateymi liðsins lengur.

Þrátt fyrir varnarsinnaðan leik, með tvo mjög varnarsinnaða miðjumenn, þá fengu dönsku leikmennirnar hvað eftir annað að komast upp að vítateig og skjóta þaðan.

Tvö mörk úr slíkum færum!

Í bæði skiftin gerðist þetta vinstra megin þar sem vinstri bakvörðurinn fékk engan stuðning.

Ekkert breyttist þó svo að Ólafur Ingi Skúlason væri tekinn út af, svo sökin hlýtur að beinast að hinum varnartengiliðinum, Aroni Einari Gunnarssyni, sem aldrei var í stöðunni sinni allan leikinn - og svo auðvitað Hermanni Hreiðarsyni sem greinilega má muna fífil sinn fegurri.

Annars voru nær allir íslensku leikmennirnir lélegir í seinni hálfleiknum og höfðu litla trú á verkefninu þegar fór að halla á þá.

Krafan núna hlýtur að vera á nýja forystu landsliðsins - og byggja liðið upp á allt annan hátt.

Ungu mennirnir eru greinilega ekki tilbúnir í slaginn - svo nota verður "gömlu" mennina, þ.e. besta liðið - þá sem eru að spila best úti en ekki horfa á það að þessir ungu verði einhvern tímann góðir í framtíðinni (sumir þeirra verða greinilega aldrei góðir).

Svo verður auðvitað að losa sig við mann eins og Hermann - og jafnvel Heiðar.

En fyrst og fremst verður að losa sig við Pétur og Óla Jó.

Nú er tíminn til þess. Það er langt í næstu leiki!

Ef ekki þá þarf að losa sig við forystu KSÍ.

Ps. Svo er auðvitað merkilegt að sjá að Eggert Jónsson hafi ekki einu sinn verið varamaður í landsliðshópnum (Jón Guðni Fj+oluson í staðinn!!!!!!!!), en hann hefur jú spilað undanfarna landsleiki og staðið sig vel.

Þá er hann að spila í sterkari deild og með mun betra liði en hinir varnartengiliðirnir sem voru valdir, svo ekki sé talað um miðverðina.

Er hann meiddur eða er verið að leggja þá leikmenn sem leika í Skotlandi í einelti?

[Halldór Jóhannsson, 4.6.2011 kl. 21:30]

Eggert Gunnþór Jonsson var í leikbanni blessaður....

Svo er annað mál..ég hefði viljað að 21 árs strákarnir hafi ekki spilað þennann leik..

það að láta þá spila riðlar mikið þeirra undirbúningi fyrir EM...Svo stuttur tími..

Þetta var bara eiginlega það besta sem Ísland hefur sýnt undanfarið..:):):):)

Spáði reyndar 1-3..

[Torfi Kristján Stefánsson, 4.6.2011 kl. 21:54]

Já, var að sjá þetta með Eggert.

Merkilegt að það hafi ekki komið fram fyrr en að liðið var tilkynnt (en ég er eflaust einhver þaullesnasti fótbltaáhugamaður sem til er!).

Vissu íþróttafréttamenn ekki af því, eða eru þeir svona vanhæfir að þeim fannst það ekki skipta neinu máli?

Það besta sem Ísland hefur sýnt undanfarið?

Ef svo er þá hefur liðið verið verra en ekki neitt undanfarið (en ég viðurkenni að það munaði um Eið Smára).

[Torfi Kristján Stefánsson, 4.6.2011 kl. 22:04]

Merkileg frétt um blaðamannafund eftir leikinn þar sem Óli Jó var spurður hvort hann væri réttur þjálfari fyrir "íslenska landsliðið sem hefur aðeins unnið einn mótsleik undir hans stjórn á þremur og hálfu ári."

Landsliðsþjálfarinn taldi þessa spurningu ekki vera um fótbolta og rauk svo á dyr!

Áður hafði honum þó tekist að lýsa fyrra marki Dana á þessa leið: "Það er ekki sett pressa á hann [markaskorarann] og þá fær hann frítt skot. Auðvitað á varnarmaðurinn að gera betur í því.“

Ekki kemur fram hvaða varnarmann hann átti við en tveir þeirra voru nálægt honum, Hermann Hreiðarson og Bjarni Eiríksson.

[Torfi Kristján Stefánsson, 4.6.2011 kl. 22:22]

Og hér er bráðfyndin lýsing eftir Snorra Sturluson (nei ekki höfund Heimskringlu þótt lýsingin sé í miðaldastíl).

Hann tekur gamla pólinn í hæðina sem er að verða ansi þreyttur, sem er að íslenska liðið hafi átt fínan leik (eins og venjulega) en því miður hafi leikurinn tapast - óverðskuldað.

Skemmtið ykkur vel: http://www.sport.is/fotbolti/2011/06/04/undankeppni-em-2012-island-danmork/

[Helga Kristjánsdóttir, 6.6.2011 kl. 00:43]

Þú gleymir einni áralangri klisju; Við gerðum þetta og hitt rangt,en við lærum af því; Þetta hefur mér alltaf fundist svo arfavitlaust. Ef þú kannt það ekki fyrir leik,þá er landsleikur ekki kennslustund. Hitt er svo rétt að reynsla skapast,við hvern leik sem menn leika. Hæfileikar íslensku leikmannana eru bara ekki eins góðir og hjá milljónaþjóðum. Hljóta alltaf að finnast fleiri gullmolar í fjölmennum leikmannahópi,við eigum oftast bara einn toppmann.