Þar fór sá draumurinn

Já, hún varði skammt eftirvæntingin sem búið var að byggja upp fyrir úrslitakeppni Evrópumóts 21 árs liða - og sú bjarta framtíð sem liði þessu hafði verið spáð.
Þetta lið er ekki næstum því eins gott og af er látið. Og nú þurfa sparkspekingar að eta ofan í sig stóru orðin - ekki síst leikmennirnir sjálfir.

Sammt var leikur liðsins ekkert lélegur svona framan af.
Fyrirliðinn var reyndar arfaslakur, Bjarni Þór Viðarsson, enda hefur hann ekkert spilað með félagsliði sínu í vetur.
Þá var Hólmar, sonur þjálfarans, alltof hægur og seinn að koma boltanum í leik, enda spilar hann ekkert heldur með liði sínu. Þá átti hann stóra sök á fyrra markinu þar sem hann kom alltof seint í leikmanninn sem var felldur.

Að velja tvo menn í svona mikilvægan leik, sem hafa enga leikreynslu, kann ekki góðri lukku að stríða eins og glöggt kom fram er leið á leikinn - og í fyrra markinu.
Þá var markvörðurinn ekki sannfærandi, sérstaklega ekki í útspörkum.

Nú er lítið annað að gera fyrir þjálfarann en að breyta liðinu, sem þarf svo sem auðvitað að gera, þar sem annar varnartengiliðurinn er útilokaður frá næsta leik!
Nýja varnarmiðju og uppstokkun í vörninni og annan markmann.

Þolinmæði skóp sigur Hvít-Rússa

Athugasemdir

[Óskar, 11.6.2011 kl. 18:59]

Liðið lék í heild vel og aðeins klaufagangur kom í veg fyrir að það kæmist yfir.  En þetta tap þyðir einfaldlega að liðið fer ekki uppúr riðlinum.  Hinir mótherjarnir eru of sterkir til þess.   Annars virðist þetta syndrome sem hefur hrjáð A liðið undanfarin ár, að leika þokkalega en tapa samt líka vera farið að hrjá 21 árs liðið.

[Torfi Kristján Stefánsson, 11.6.2011 kl. 21:23]

Kannski er vandamálið hjá 21 árs liðinu það sama og hjá A-liðinu. Það er ekki betra en þetta.

Annars er íslenska liðið með góða leikmenn inn á milli, en það eru allt of margir farþegar í liðinu. Fyrra markið var sérstaklega grátlegt og sýndi mjög slæman veikleika hjá liðinu - sama veikleika og við sjáum hjá A-liðinu. Varnarmennirnir, og varnartengiliðarnir, eru einfaldlega ekki nógu góðir.