Asparglytta

Hin svokallaða asparglytta virðist vera að breiðast mjög hratt út á höfuðborgarsvæðinu. Þetta er bjöllutegund, græn að því er sagt er en virðist vera svört við fyrstu sýn, sem étur (aðallega) upp blöð asparinnar svo þau verða svört og götótt. Þetta svarta gæti verið skítur frá þeim en skorkvikindi eins og þessi virðast éta margfalda þyngd sína á dag og skíta eftir því!

Það er spurning hvað er hægt að gera við þessum vágesti því hún getur étið upp öll blöð tjánna og þannig haft mikil áhrif á vöxt þeirra (auk þess hvað það er ljótt að sjá svört blöðin).
Alls engar upplýsingar er að finna á skógræktarsíðum um varnarviðbrögð, sem sýnir kannski vel hvað skógræktarfólk er furðu neikvætt út í úðun. Frekar að láta trén drepast en að úða þau!

Smádýrunum fjölgar hratt