Og áfram heldur það!

Aðeins fyrir nokkrum dögum féll sérstakur saksóknari frá ákæru á hendur Landsvaka og Landsbankanum fyrir að lána sjálfum sér stórar upphæðir - og svo kemur þetta.
Þetta er jú eina málið frá "sérstökum" sem hefur verið lögð fram ákæra í - og komið til dóms.

Þetta gefur sterkar vísbendingar um að engan verður hægt að lögsækja vegna bankahrunsins - og fer því að vera spurning hvort ekki sé hægt að spara ríkissjóði stórfé með því að leggja embættið niður.

Reyndar er það stórmerkilegt að í reglum bankans (eða fjármálafyrirtækja?) að sparisjóðsstjórinn geti lánað allt að einum og hálfum milljarði króna þvert á lánareglur fyrirtækisins (eins og fram kemur í dómnum).
Hann getur þannig "stolið" sjálfur einum og hálfum milljarði án þess að það sé sakhæft.

Ef þetta er virkilega rétt þá er ljós að lög um fjármálafyrirtæki voru (og eru?) meingölluð - og skandall að svo skuli hafa verið.

Svo virðist sem sök forstjóra fjármálaeftirlitsins, Jónasar Fr. Jónssonar, sé ávallt að aukast og raun furðulegt að hann hafi ekki verið dreginn fyrir dóm fyrir löngu vegna embættisglapa.

Allir sýknaðir í Exeter málinu

Athugasemdir

[Birgir Guðjónsson (IP-tala skráð) 29.6.2011 kl. 12:47]

Þvílík hneisa !

Slæm skilaboð til samfélagsins

Svindlaðu bara nógu mikið !

[Sigrún Guðmundsdóttir (IP-tala skráð) 29.6.2011 kl. 13:13]

Og svo þurfum við að borga málsvarnarlaun fyrir þessi gerpi líka.

HFF.

[Heiðar (IP-tala skráð) 29.6.2011 kl. 13:15]

http://www.mbl.is/frettir/innlent/2011/06/29/daemdur_fyrir_thjofnad/

 http://www.mbl.is/frettir/innlent/2011/06/29/thriggja_manada_fangelsi/

 http://www.mbl.is/vidskipti/frettir/2011/06/29/allir_syknadir_i_exeter_malinu/

[Hermann, 29.6.2011 kl. 14:21]

Jæja, þá eru vinstri grænir búnir að vera þ.a.s ef þetta heldur áfram svona.Eina ástæðan að ég kaus VG er vegna þess að ég vonaði að þeim yrði refsað fyrir að stela frá almenningi pening.

[Torfi Kristján Stefánsson, 29.6.2011 kl. 14:54]

Þú getur nú ekki kennt VG um þetta Hermann! Stjórnmálaflokkarnir geta ekki skipt sér af dómsmálum eins og þú auðvitað veist.

Þeir búa einungis til rammann utan um dómskerfið - og sá rammi var smíðaður á árunum fyrir Hrun.

Þessi dómur er hins vegar svo fáránlegur að honum hlýtur að verða áfrýjað.

Sérstaklega athyglisvert er fullyrðingin í honum um að sakborningar hafi ekki þekkt fyrirtækið sem þeir lánuð (og ekki vitað um neikvæða eiginfjárstöðu þess)!!! Þetta var jú þeim nátengt félag!

Nei, ég haf aldrei heyrt eins makalausan rökstuðning fyrir nokkrum dómi.

[Viggó Jörgensson, 29.6.2011 kl. 19:11]

Einn dómarinn skilaði sératkvæði.

Það gæti þýtt að Hæstiréttur sakfeldi.