Merkilegt mark

Björn Bergmann er að verða stór stjarna í Noregi og hefur það sem af er leiktíðinni verið einn af bestu leikmönnum Lilleström, sem hefur gengið ágætlega í úrvalsdeildinni norsku það sem af er.

Í fyrri hálfleik átti hann skot í stöng af um 30 metra færi og á lokamínútum leiksins skoraði hann sigurmarkið beint úr frísparki eftir að markmaður Start gleymdi sér við að mótmæla frísparksdóminum.

Íslenska 21 árs liðið, sem byrjar þátttöku í næstu undankeppni EM nú í haust, er ekki vandræðum með framherja en þeir verða nær borðleggjandi Kolbeinn Sigþórsson og Björn Bergmann Sigurðarson.

Við getum svo sannarlega gert okkur vonir um að komast aftur í úrslitakeppnina - og nú vonandi með betri árangi en í Danmörku.

Björn Bergmann hetjan - Stefán sá rautt

Athugasemdir

[Torfi Kristján Stefánsson, 30.6.2011 kl. 08:16]

Björn Bergmann fær mikið lof í norskum fjölmiðlum fyrir frammistöðu sína í gær, ekki síst fyrir markið í lokin.

Sjá http://fotball.aftenposten.no/eliteserien/article204312.ece

Lillestöm er því bjartsýnt upp á framtíðina þó svo að liðið hafi verið að selja helsta markaskorara sinn - og markahæsta mann deildarinnar, Ujah, til þýska úrvalsdeildarliðsins Mainz.