Ósannindi

ólafur landsliðsþjálfari heldur því fram að meiðsli leikmanna, sem höfðu verið valdir í landsliðshópinn, hafi átt sér stað eftir að þeir voru valdir.
Svo er alls ekki, enda virðist landsliðsþjálfarinn alls ekki hafa vitað hvort þeir, sem hann valdi upphaflega, hafi verið meiddir eða ekki.
Má þar nefna Gylfa Þór sem er búinn að vera meiddur í nær allt sumar.

Þá er og spurning hvort nokkrir þeirra sem ekki hafa dregið sig út úr hópnum séu ekki einnig meiddir.
Má þar nefna Rúrik Gíslason sem nær ekkert hefur leikið með OB í dönsku úrvalsdeildinni, og það líklega fyrst og fremst vegna meiðsla þó svo að margt bendi til þess að hann hafi misst sæti sitt í byrjunarliðinu.
Þá eru fleiri sem ekkert hafa leikið með liðum sínum í sumar, svo sem Jóhann Berg og Alfreð Finnbogason.

Varðandi fullyrðingu Ólafs landsliðsþjálfara um að landsliðið spili yfirleitt ekki eins og í leiknum gegn Dönum í júní, þ.e. með löngum sendingum fram, þá er ástæða til að benda á að í liðinu eru menn sem þekktir eru fyrir að kýla boltanum fram og kunna ekkert annað. Má þar nefna Hermann Hreiðarsson og Aron Einar Gunnarsson, Indriða Sigurðsson og Kristján Örn. Segja má að öll varnarlína íslenska landsliðsins einkennist einmitt af kýlingum fram völlinn í stað þess að spila boltanum fram.
Landsliðsþjálfarinn ætti því að skipta algjörlega um varnarlínuna og varnartengiliðina ef hann meinar eitthvað með því að liðið eigi að spila boltanum en ekki kick and run leikaðferðina.

Svo bíður maður spenntur eftir að heyra byrjunarliðið í leiknum í dag. Er einhver sérstök ástæða fyrir því að birta það ekki fyrr en á síðustu stundu? Þetta er jú vináttulandsleikur!

Gengi liðsins ýtt til hliðar

Athugasemdir

[Torfi Kristján Stefánsson, 10.8.2011 kl. 11:18]

Afsakið! Búið er að birta liðið sem leikur gegn Ungverjum í dag, sjá fotbolti.net

Það er þannig skipað (5-4-1?), eða "sóknarlið" eins og spekingarnir á fotbolti.net vilja meina!

Stefán Logi Magnússon

Birkir Már Sævarsson, Hermann Hreiðarsson, Eggert Gunnþór Jónsson, Indriði Sigurðsson, Aron Einar Gunnarsson.

Eiður Smári Guðjohnsen, Birkir Bjarnason, Rúrik Gíslason, Jóhann Berg Guðmundsson,

Heiðar Helguson.

Gaman að sjá Eggert (í miðverðinum) og Birki í byrjunarliðinu (og að Eiður komist í liðið!), en hitt var fyrirséð og sýnir vel hugmyndaleysi þjálfaranna.