Dýrðlegt fjöldasjálfsmorð

Hinn frábæri finnski rithöfundur Arto Paasilinna skrifaði eitt sinn bók sem á finnsku gæti útlagst Sameiginlegt fjöldasjálfsmorð, en í íslenskri þýðingu (2003) fékk nafnið Dýrðlegt fjöldasjálfsmorð.
Bókin fjallaði um fólk sem hafði orðið leitt á lífinu vegna mislukkaðrar ævi og tók sig saman um að fremja sameiginlegt sjálfmorð. Tók það rútu á leigu og keyrði til Nordkapp (nyrsta hluta Evrópu (í Noregi)) og ætlaði að keyra bílinn fyrir björg. Ferðin var hins vegar það skemmtileg að þau ákváðu að fresta sjálfsmorðinu og óku alla leið til Portúgals til að gera hið sama.

Hvað gerðist þar er ekki til frásögur færandi í þessu samhengi en eftir að hafa horft á leik íslenska landsliðsins gegn Ungverjum, þá sér maður varla aðra útleið fyrir íslenska liðið og aðstandendur þess en að fremja sameiginlegt sjálfsmorð (enda ferðin sú alls ekki skemmtileg).

Leikur liðsins var þannig að varla er til önnur útleið, nema þá sú að skipta algjörlega um forystu knattspyrnuhreyfingarinnar og þjálfara landsliðsins.
Það er þó ekki nóg því flestir leikmanna landsliðsins sýndu sig gjörsamlega getulausa og hafa ekkert erindi í hinn harða heim atvinnumennskunnar í þessari íþrótt.

Líklega er einfaldara að telja þá upp sem eiga einhverja framtíðarvon í liðinu en þá sem eiga hana ekki, en þó vil ég byrja á því neikvæða.
Fyrst er að nefna fyrirliðann Hermann Hreiðarson, sem fyrir löngu er búinn að syngja sitt síðasta í þessari íþrótt. Hann átti sök á tveimur markanna, þeim tveimur fyrstu. Vonandi hefur hann vit fyrir þjálfurunum í þeim þremur leikjum sem eftir eru í EM-mótinu, að gefa ekki lengur kost á sér.

En það eru fleiri sem eiga að láta hér við sitja. Þar má nefna menn eins og Indriða Sigurðsson, Aron Einar Gunnarsson (sem sjaldan eða aldrei var í sinni stöðu sem varnartengiliður og hefur aldrei getað neitt), Jóhann Berg Guðmundsson, Rúrik Gíslason, Alfreð Finnbogason, Birkir Már Sævarsson og Heiðar Helguson.
Það er leiðinlegt að sjá að leikmenn 21 árs liðsins geta flestir ekkert þegar komið er í fullorðins fótbolta.

Þeir fáu sem sýndu einhvern lit, og sýndu að þeir eiga heima í alþjóðlegri knattspyrnu voru þeir Eggert Gunnþór Jónsson, Birkir Bjarnason og Eiður Smári. Þá voru sumir varamennirnir frískir, þó svo að valið á þeim hafi orkað mjög tvímælis, svo sem Elfars F. Helgasonar sem komst ekki einu sinni í 21 árs landsliðið.

Mín ráðlegging til KSÍ-forystunnar er sú að segja þjálfurum landsliðsins upp störfum eftir þessa útreið, enda eru þrír mikilvægir leikir eftir hjá liðinu og íslenska þjóðin þolir ekki fleiri niðurlægingar á knattspyrnusviðinu.

Auðvitað ætti forysta KSÍ að sjá sóma sinn í því að segja sjálf af sér, en slík eðalmennska er líklega borin von.

Þesi leikur íslenska landsliðsins er eflaust versta dæmið um leik íslensks landsliðs síðan 14-2 tapið gegn Dönum á sinni tíð!

Ungverjaland númeri of stórt

Athugasemdir

[Hjörtur Herbertsson, 10.8.2011 kl. 21:05]

Ekki sá ég leikinn (enda sjálfsagt ekki mist af miklu)svo að ekki get ég dæmt um frammistöðu einstaka leikmanna. En mín skoðun er eins og sjálfsagt flestra að þessi blessaði þjálfari okkar liðs Ólafur Jóhannesson ætti að sjá sóma sinn í því, og segja af sér hið snarasta,áður en hann verður sér meira til skammar en orðið er. Þetta er lélegasti þjálfari sem íslenska a-landsliðið hefur átt fyrr og síðar.

[Heiðar Björn (IP-tala skráð) 11.8.2011 kl. 00:09]

Voðaleg langloka var þetta, Torfi Kristján.

[maggi (IP-tala skráð) 11.8.2011 kl. 01:39]

Ég man þú varst alltaf að gagnrýna hér á veraldarvefnum hvað Aron Einar væri lélegur og kæmist aldrei í Cardiff liðið, lék hann ekki allan leikinn á miðjunni á móti West Ham United á útivelli þegar þeir unnu ??? Geturu ekki bloggað um það ??? Íslendigar leika jú ekkert sérstkalega vel og sennilega er Óli ekki rétti maðurinn, en að lýsa leik íslendinga við fjöldasjálfsmorð er heimskulegt og líkt þér. Veit ekki hvaðan þessar væntingar þínar komu en á Íslandi búa 300 þús manns en í Ungverjalandi 10 milj OG við höfum aldrei átt gott landslið í fótbolta!! Farðu að blogga um eitthvað annað en fótbolta!!

[Torfi Stefánsson (IP-tala skráð) 11.8.2011 kl. 08:40]

Tapsár Maggi minn?

Við vorum miklu betri fyrr. Ég man eftir því þegar við gerðum jafntefli við heimsmeistara Frakka hérna heima, unnum Tyrki stórt úti, Austur-Þjóðverja hér heima osfrv.

Undir stjórn Svíans Bo Johannsson voru við t.d. með mjög gott lið, þó svo að einstaklingarnir í því væru ekkert sérstakir.

Nú hins vegar eru bestu leikmennirnir ekki einu sinni valdir í liðið, heldur einhverjir lélegir 1. deildar leikmenn á Englandi, sem geta ekki einu sinni gefið sendingu á samherja, né vita hvar þeir eiga að vera á vellinum.

Leikur íslenska liðsins var þannig að skömm var að. En sumir kunna greinilega ekki að skammast sín, líklega vegna metnaðarleysis og heimsku.