Sterkasta liðið

Íslenskir fótboltaspekingar hafa keppst um að fullyrða að lið Íslands í tapleiknum í gær gegn Ungverjum hafi verið hið besta mögulega, ágæt blanda gamalla og nýrra leikmanna. Þó voru margir leikmenn meiddir eða gáfu ekki kost á sér, eins og Grétar Rafn Steinsson, Sölvi Geir Ottesen, Ragnar Sigurðsson og Kolbeinn Sigþórsson.
Auk þess mátti vel sjá í leiknum í gær að menn eins og Hermann Hreiðarsson, Indriði Sigurðsson og Heiðar Helguson mega alveg fara að kasta inn handklæðinu.

Hér er smá yfirlit yfir þá leikmenn sem leika á Norðurlöndum og ætti vel erindi í liðið. Það tel ég sýna að val landsliðsins hefur alls ekki verið það besta síðan landsliðsþjálfaraparið tók við - og að við getum teflt fram miklu sterkara landsliði en það sem spilaði í gær:
Þeir sem einkum gætu bætt landsliðið eru að mínu mati Veigar Páll Gunnarsson, Björn Bergmann Sigurðarson, Bjarni Ó. Eiríksson, Helgi Valur Daníelsson, Theódór Elmar Bjarnason, Ari Freyr Skúlason og Eyjólfur Héðinsson (jafnvel Pálmi Rafn Pálmason og Steinþór Þorsteinsson)!

Noregur
Brann er í 2. sæti í Noregi eftir 19. umferðir: Birkir Már Sævarsson
Lilleström er í 4. sæti: Stefán Magnússon og Björn Bergmann Sigurðarson
Haugasund er í 6. sæti: Andrés Már Jóhannesson er nýkominn til liðsins og strax í byrjunarliðinu.
Stabæk er í 7. sæti: Pálmi Rafn Pálmason og Bjarni Ólafur Eiríksson hafa verið í byrjunarliðinu undanfarið (Bjarni leikið alla leikina) og Veigar Páll Gunnarsson nýlega seldur til Vaalerenga (en hafði áður spilað alla leikina og verið lykilmaður í liðinu).
Viking er í 11. sæti: Birkir Bjarnason hefur aðeins spilað seinni hálfleikinn undanfarið enda á förum frá félaginu, en Indriði Sigurðsson alltaf.
Vaalerenga er í 12. sæti: Veigar Páll Gunnarsson nýlega seldur þangað.
---
Í fyrstu deild er Sandnes í efsta sæti eftir 18. umferðir: Steinþór Þorsteinsson hefur átt stórleiki með félaginu.
Hönefoss er í 4. sæti: Kristján Örn Sigurðsson
-------
Svíþjóð
AIK er í 3. sæti eftir 20 leiki: Helgi Valur Daníelsson leikur yfirleitt alla leiki liðsins.
Gautaborg er í 6. sæti: Hjálmar Jónsson og Hjörtur Valgarðsson hafa leikið alla leiki í vörn liðsins síðan Ragnar Sigurðsson var seldur til FCK og Theódór Elmar Bjarnason þá flesta.
Norrköping er í 13. sæti: Gunnar Heiðar Þorvaldsson leikur alla leiki liðsins.
Halmstad er í 16. og neðsta sætinu: Jónas Guðni Sævarsson hefur leikið með liðinu í síðustu leikjum.
-----
Í fyrstu deild er Sundsvall í 3. sæti: Ari Freyr Skúlason er lykilmaður í liðinu.
-------
Danmörk
FC Kaupmannahöfn er í 1. sæti eftir 4. umferðir: Sölvi Geir Ottesen og Ragnar Sigurðsson hafa leikið alla leiki með félaginu hingað til.
OB er í 3. sæti: Rúrik Gíslason hefur lítið leikið með liðinu hingað til.
Sönderjyske er í 5. sæti: Eyjólfur Héðinsson og Hallgrímur Jónasson hafa leikið alla leiki liðsins og báðir skorað, Eyjólfur markahæstur maður liðsins.
AGF er í 8. sæti: Aron Jóhannsson hefur spilað alla leiki liðsins.

Stórar tölur og lítur illa út

Athugasemdir

[Gummi (IP-tala skráð) 11.8.2011 kl. 13:39]

Að mörgu leiti sammála með þessa leikmenn, nema Bjarna Ólaf, hann hefur fengið alltof marga sénsa í landsliðinu og alltaf spilar hann illa.

[Torfi Kristján Stefánsson, 11.8.2011 kl. 15:02]

Ég veit ekki með Bjarna Ólaf. Hann hefur eflaust verið misjafn í landsleikjum, einkum þegar hann spilaði hér heima.

Hann hefur hins vegar átt mjög góða leiki með STabæk síðan hann kom þangað í fyrra og alltaf verið í byrjunarliðinu.

Þá er Stabæk mun betra lið en Viking þar sem landsliðsbakvörðurinn Indriði Sigurðsson spilar og því eðlilegra að mínu mati að velja Bjarna en Indriða.

Auk þess má nefna að Hjálmar Jónsson, sem varla hefur fengið nokkurn sjens í landsliðinu, var tekinn fram fyrir Hjört Loga í vinstri bakvörðinn hjá Gautborg áður en Ragnar Sigurðsson var seldur - og er nú farinn að spila reglulega miðvarðarstöðuna í liðinu.

Hann hlýtur einnig að koma til greina í þessa stöðu (og það frekar en Hjörtur Logi sem var jú varamaður í gær og kom inná snemma í seinni hálfleik) en Gautaborg er eflaust mun sterkara lið en Viking - og jafnvel sterkara en Stabæk.

Enn einn má nefna sem kemur til greina í vinstribakvarðarstöðuna, sem Hörður Magnússon á Stöð 2 kallaði vandræðastöðu í lýsingu sinni á landsleiknum í gær, en það er gamli landsliðsmaðurinn Arnar Viðarsson sem spilar með sterku liði í Belgíu (Cercel Brugge) - og hefur verið fastamaður í því liði undanfarin ár.