Áróðursstríðið heldur áfram

Ekki veit ég hvaða tilgangi frétt sem þessi á að þjóna. Að það sé réttlætanlegt að elta manninn og fjölskyldu hans eins og hund og drepa - og helst að þurrka ættbálk hans út af yfirborði jarðar - vegna þess að hann bjó ríkmannlega?

Það síðastnefnda virðist vera í gangi núna með dyggri aðstoð flughers NATÓ sem hefur gert harðar loftárásir á heimabæ Gaddafi í allan dag (væntanlega til að "vernda almenna borgara").

Eltingarleikurinn við Gaddafi og fjölskyldu hans er farinn að líkjast eltingarleiknum við Saddam Hússain og hans fjölskyldu í Írak - og farsanum í kringum það. Nema að því leyti að aldrei var sýnt inn í húsakynni Saddams, þótt niðurlæging hans hafi verið margoft sýnd.

Þessi frétt gefur í raun eins ranga mynd af Gaddafi og frekast má vera. Flestir sérfræðingar í málefnum Líbýu eru sammála um það að hann hafi, þrátt fyrir allt, verið hugsjónamaður sem skaraði ekki eld að eigin köku heldur notaði olíuauð landsins til að byggja það upp. Sá strúktur sem fyrir var í landinu, og nú er verið að eyðilegga hafi verið til fyrirmyndar í þessum heimshluta (heilsugæsla, menntakerfi, félagsleg velferð), rétt eins og reyndar var einnig í Írak.

Þetta var allt eyðilagt í Írak og landið skilið eftir í höndum gjörspilltra aðila. Sendir voru margir milljarðar dollara til stjórnvalda í Írak til að byggja upp landið að nýju, en þeir peningar hurfu eins og dögg fyrir sólu og enginn veit hvað varð af þeim.

Sama virðist vera að gerast í Libýu. Auðæfum þjóðarinnar er dælt í uppreisnarmenn, án nokkurs eftirlit með því hvernig þeim verður varið - og án þess að eiginlegu stjórnkerfi hafi verið komið á fót.

Hvert þessi peningar lenda veit enginn - og öllum virðist sama.

 

Innlit hjá Muammar Gaddafi

Athugasemdir

[Torfi Kristján Stefánsson, 26.8.2011 kl. 22:29]

Við þetta má bæta að UNESCO varar við því að þjóðargersemum Libýu verði meira og minna stolið í því stjórnleysi sem upp er komið vegna uppreisnarinnar þar. Stofnunin bendir á það sem gerðist í Írak eftir falls stjórnar Saddams þar - og meira að segja það sem gerðist í Egyptalandi í uppreisninni þar.

UNESCO beinir því til fornminjasala og stjórnvalda í nálægum löndum að fylgjast vel með allri verslun með slíka hluti. Auk þess bendir stofnunin á að í landinu séu fimm staðir á skrá yfir verðmætustu fyrirbæri heims, sem gætu verið í stórri hættu.

Já, kapitalisminn lætur ekki að sér hæða og virðir engin verðmæti, eða siðferði, ekkert nema sína eigin græðgi. Og til að svala henni er stuðst við sundrungar- og siðleysisöfl svo hægt sé að skapa sem mesta ringulreið - og stela sem mestu á meðan henni stendur.

[Birgir Gudjonsson (IP-tala skráð) 26.8.2011 kl. 23:17]

Skrítið að þér detti þetta bara í hug....

Ekki talaru um alla þá sem þetta ómenni hefur drepið !

[Torfi Stefánsson (IP-tala skráð) 27.8.2011 kl. 00:15]

Ómenni? Ég efast nú um að hann sé meira ómenni en þeir sem standa fyrir eltingarleiknum við hann: Cameron, Sarcozy og Anders Fogh (að ógleymdum Obama). Hvor heldur þú að hafi drepið fleiri, NATÓ-ríkin eða Gaddafi?

[Ágúst Kárason, 27.8.2011 kl. 03:35]

Tek undir með Torfa og bæti við að þessi maður hefur gert betur við mannkyn en allir hinir til samans.

Birgir, kynna sér allar hliðar á málunum!  Það er gríðarmikið í húfi fyrir innrásaraðilana og því mikill áróður í gangi sem reyndar er búin að vera síðan Líbíumenn steyptu síðasta einræðisherra frá árið 1969.