Af hverju var þá Björn Bergmann valinn í A-liðið?

Ef Birkir á að byrja inn á gegn Kýpur af hverju var þá Björn Bergmann tekinn úr 21 árs liðinu og valinn í fullorðinslandsliðið?

Til að eyðileggja fyrir 21 árs liðinu? Norðmenn eru með mjög sterkt lið í aldursflokknum, eflaust sterkara en Belgar, og Björn gerði útslagið í leiknum gegn Belgunum.

Þetta er enn einn hringlandahátturinn hjá landsliðinu - og nú síðast var Veigar Páll settur út úr liðinu fyrir mjög misvísandi sakir.

Síðasta hlálega uppákoman þessa daganna var svo með hinn kunna fauta Keane sem er sagður áhugasamur um landsliðsþjálfarastöðuna.

Í fréttum Stöðvar 2 kom í ljós hver var aðalhvatamaðurinn að því að fá Keane hingað, þ.e. braskarinn Eggert Magnússon, fyrrverandi formaður KSÍ og núverandi heiðursformaður (sem er að vinna fyrir KSÍ á hverjum degi að eigin sögn!). Já, KSÍ-forystan kann ekki að skammast sín.

Fær Birkir tækifæri?

Athugasemdir

[Durtur, 6.9.2011 kl. 14:29]

Keane er blettur á knattspyrnusögunni; verði hann einhverntímann ráðinn þjálfari íslenska landsliðsins mun ég snarlega hætta að styðja það--maðurinn ætti aldrei að hafa fengið að koma nálægt íþróttinnni aftur eftir að hann reyndi að slátra Alfie litla Haaland í den. Mundi frekar vilja Lee Sharpe aftur á klakann, sveimérþá... annars hugsa ég að nýr þjálfari sé ekki nóg, það þarf að taka allsvakalega til í KSÍ, breyta vinnuaðferðum og, í Guðs almáttugs bænum, fjölga vináttu/æfingarleikjum. Ef við værum að spila fleiri leiki værum við miklum mun ofar á heimslistanum en við erum núna og værum ekki trekk í trekk "seedaðir" sem lélegasta liðið í hvaða riðli sem er.