Þokkalegur leikur en skrítið val á liðinu

Íslensku leikmennirnir mega eiga það að þeir eru að standa sig þokkalega, ekki síst miðjumennirnir í vörninni sem aldrei hafa spilað saman áður. Þá er nýi markmaðurinn öruggur og virkar sannfærandi.

Það er kannski í lagi með valið á þessu liði en miðað við hvernig valið hefur verið undanfarið þá nýtist sú reynsla manna lítið. Þetta ber vott um hringlandahátt. 

Þá er og skrítið að Björn Bergmann hafi verið tekinn út úr 21 árs liðinu til að sitja á bekknum - sem varð til þess að 21 árs liðið tapaði leiknum gegn Norðmönnum.

Vonandi fáum við að sjá hann inn á í seinni hálfleik, sem hlýtur að verða, nema markmiðið hafi verið hjá landsliðsþjálfurum að eyðileggja fyrir Eyjólfi.

 

Langþráður sigur í Laugardalnum

Athugasemdir

[Landfari, 6.9.2011 kl. 20:38]

Þeir unnu allavega. Það er nú nýlunda hjá liðinu þessa vertíðina.

[Torfi Kristján Stefánsson, 6.9.2011 kl. 20:48]

Jamm, en heppnin var svo sannarlega með liðinu. Kýpverjar óðu í færum, bæði í seinni hluta fyrri hálfleiks og svo stóran hluta þess síðari.

Enn og aftur vakti þjálfarinn athygli á sér fyrir vanhæfni. Skipti ekki inn á fyrr en undir lokin, og hæddist að mönnum sem voru búnir á því. "Hvað, ertu þreyttur" heyrðist frá honum þar sem hann húkti á hækjum sér á hliðarlínunni milli þess sem hann hysjaði upp um sig buxurnar.

Þvílíkur persónuleiki!

[Landfari, 6.9.2011 kl. 21:37]

Maður gæti haldið af þessum skrifum þínum Torfi að þú værir hvorki ánægður með Ólaf né árangur liðsins fram að þessu.

[Torfi Kristján Stefánsson, 6.9.2011 kl. 21:38]

Já, skrítið ekki satt?