Friðrik bara 3.!

Þó svo að Friðrik sé í 1.-3. sæti af vinningum þá er hann læstur á stigum af þessum þremur (reiknað út frá vinningum þeirra sem hann hefur teflt við) og því ólíklegt að hann verði Norðurlandameistari.

Akureyringurinn Ólafur Kristjánsson er sömuleiðis lægstur á stigum af þeim sem eru í 4.-7. sæti, svo hann er í raun í 7. sætinu ....

Bragi Halldórsson sem leiddi mótið um tíma - og var því í sviðsljósinu - er ekki nefndur á nafn lengur, enda hefur hann aðeins fengið hálfan vinning úr síðustu þremur skákum (og einn og hálfan úr síðustu fimm).

 

Friðrik er efstur á NM öldunga

Athugasemdir

[Steini Bjarna, 17.9.2011 kl. 21:55]

Það er nú alveg óþarfi að tala Friðrik svona niður.  Hann má alveg njóta þess að teljast efstur ásamt 2 öðrum með sama vinningafjölda.  Fyrst og fremst er gaman að sjá hvað hann er í góðu formi þrátt fyrir langa fjarveru frá skákmótum.

[Torfi Kristján Stefánsson, 17.9.2011 kl. 22:50]

Ég er ekkert að tala manninn niður. Hann er þriðji í mótinu, (eða 1-3) ekki efstur!

Ég er frekar að reyna að tala þjóðrembuna í okkur Íslendingum niður, en það virðist ekki takast eins og þín viðbrögð sýna vel.

Ísland, bestasta þjóð í heimi!

[Eyþór Örn Óskarsson, 18.9.2011 kl. 02:53]

Mér finnst engin ástæða að tala niður þjóðrembuna okkar, það er jú hún sem hefur haldið okkur sem sjálfstæðri þjóð hingað til - að sjálfsögðu erum við besta og fullkomnasta þjóð í heimi, vissulega eru hér til undantekningar sem sanna regluna ......