Hvað annað?

Þetta útspil Bjarna Benediktssonar formanns Sjálfstæðisflokksins var nú fyrirsjáanlegt. Flokkurinn sá hefur löngum verið taglhnýtingur Bandaríkjamanna og stutt þá í öllum stórum málum, ekki síst hvað varðar afstöðuna til Ísraels.

Þetta breytist ekkert þrátt fyrir harðlínustjórnina í Ísrael, sem hefur engan áhuga á hinni svokölluðu tveggja ríkja lausn - og hefur hvað eftir annað brotið gegn alþjóðlegum samþykktum hvað varðar samskiptin við Palestínumenn.

Umsókn Palestínumanna nýtur stuðnings nær allra þjóða þriðja heimsins og fjölmargra þjóða í Evrópu. Þar standa Norðmenn okkur eflaust næst.

Þá er einnig ljóst að aðeins sjálf umsóknin hefur komið skrið á samningaferlið milli Ísraels og Palestínu. Loksins er últra-hægri stjórnin farið að ljá máls á samingum á jafnræðisgrundvelli og að stöðva bygginga íbúða harðlínugyðinga á herteknu svæðunum.

Ef Bjarni Ben. og Sjálfstæðisflokkurinn eru á móti þeirri þróun, þá verði þeim að góðu. 

Efast um rétt sé að viðurkenna Palestínu

Athugasemdir

[Randver (IP-tala skráð) 28.9.2011 kl. 00:45]

Segist vilja sjá áframhaldandi stuðning Íslands við tveggja ríkja lausnina – með því að halda áfram að viðurkenna bara eitt ríki.

 

Í hvaða flokki sem menn standa, þá er þetta bara kjánalegt.